അഭിനയം എന്നൊരു പ്ലാനേ ഉണ്ടായിരുന്നില്ല, അന്ന ബെന്‍ പറയുന്നു

മലയാളികളുടെ പ്രിയപ്പെട്ട നടിയാണ് അന്ന ബെന്‍. കുമ്പളങ്ങി നൈറ്റ്‌സ് എന്ന ചിത്രത്തിലൂടെയാണ് അന്ന അഭിനയ രംഗത്ത് എത്തുന്നത്. തുടര്‍ന്ന് ചുരുക്കം ചിത്രങ്ങള്‍ മാത്രമേ ചെയ്തിട്ടുള്ളു എങ്കിലും പ്രേക്ഷക മനസുകളില്‍ ഇടം നേടാന്‍ അന്നക്ക് കഴിഞ്ഞിട്ടുണ്ട്. കുമ്പളങ്ങിക്ക് പിന്നാലെ ഹെലനിലും കപ്പേളയിലും ശക്തമായ പ്രകടനമായിരുന്നു അന്ന കാഴ്ച വെച്ചത്.

ഇപ്പോള്‍ അന്ന ബെന്‍ നടത്തിയ ചില വെളിപ്പെടുത്തലുകളാണ് സോഷ്യല്‍ മീഡിയയില്‍ ചര്‍ച്ചയാകുന്നത്. തന്റെ മനസില്‍ സിനിമ ആയിരുന്നില്ല എന്നാണ് അന്ന ബെന്‍ പറയുന്നത്. ഒരു മാഗസിന് അനുവദിച്ച അഭിമുഖത്തിലാണ് അന്ന തന്റെ മനസ് തുറന്നത്. മൂന്ന് ചിത്രങ്ങള്‍ കൊണ്ട് തന്നെ അന്ന ഇതിനോടകം സ്വന്തമായി ഒരു സ്ഥാനം മലയാള സിനിമയില്‍ ഉണ്ടാക്കിയെടുത്തിട്ടുണ്ട്. ജൂഡ് ആന്റണി സംവിധാനം ചെയ്യുന്ന സാറാസ് എന്ന ചിത്രമാണ് അന്ന ബെന്നിന്റേതായി പുറത്തിറങ്ങാനിരിക്കുന്ന പുതിയ ചിത്രം.

‘കുമ്പളങ്ങിയ്ക്ക് ശേഷം അഭിനയം എന്നൊരു പ്ലാന്‍ മനസിലുണ്ടായിരുന്നില്ല. അഭിനയം മോശമാണെങ്കില്‍ നിര്‍ത്തിക്കളയാം എന്നായിരുന്നു മനസില്‍. എന്നാല്‍ പ്രതീക്ഷിച്ചതിലേറെ സൗഭാഗ്യങ്ങള്‍ എനിക്ക് കിട്ടി. ആ എക്‌സൈറ്റ്‌മെന്റിലാണ് ഇപ്പോഴും അഭിനയിച്ചുകൊണ്ടിരിക്കുന്നത്’, അന്ന ബെന്‍ പറയുന്നു.