entertainment

രാഷ്ട്രീയക്കാരേയും മതനേതാക്കളെയും ബിബി ഹൗസിനുള്ളില്‍ കാണാന്‍ ഞാന്‍ ആഗ്രഹിക്കുന്നു, അനൂപ് കൃഷ്ണന്‍ പറയുന്നു

ബിഗ് ബോസ് മലയാളം നാലാം സീസണിനായുള്ള കാത്തിരിപ്പിലാണ് ഏവരും. ആരൊക്കെയാവും മത്സരാര്‍ത്ഥികള്‍ എന്നറിയാനുള്ള തിടുക്കമാണ് ഏവര്‍ക്കും. മുന്‍ ബിഗ്‌ബോസ് താരം അനൂപ് കൃഷ്ണനും ഇതിനായുള്ള കാത്തിരിപ്പിലാണ്. ഇപ്പോള്‍ നാലാം സീസണിനെ കുറിച്ചുള്ള തന്റെ പ്രതീക്ഷകളും മത്സരാര്‍ഥിയായിരുന്നപ്പോഴുള്ള അനുഭവങ്ങളും പങ്കുവെച്ച് രംഗത്ത് എത്തിയിരിക്കുകയാണ് അനൂപ്. ഒരു മാധ്യമത്തിന് അനുവദിച്ച അഭിമുഖത്തിലാണ് അനൂപ് മനസ് തുറന്നത്.

അനൂപ് കൃഷ്ണന്റെ വാക്കുകള്‍ ഇങ്ങനെ, ബിഗ് ബോസ് എന്ന ബ്രാന്‍ഡ് നെയിം ആണ് എന്നെ ഷോയില്‍ മത്സരിക്കാന്‍ പ്രേരിപ്പിച്ച ആദ്യത്തെ ഘടകം. കിട്ടിയ അവസരം പൂര്‍ണ്ണമായി പ്രയോജനപ്പെടുത്തുകയും ചെയ്തു. ഷോയില്‍ നിന്ന് ഇറങ്ങിയപ്പോള്‍ തന്റേതായൊരു കൈ ഒപ്പ് ചാര്‍ത്താനും ‘ഗെയിമര്‍ ഓഫ് ദി സീസണ്‍’ എന്ന ടാഗ് ലൈന്‍ സ്വന്തമാക്കാനും സാധിച്ചു. ഷോയിലെ ഓരോ നിമിഷത്തിലും സംഭവിച്ച എല്ലാ നല്ല കാര്യങ്ങളിലും സന്തോഷമുണ്ട്.

‘എനിക്ക് ഒന്നും രണ്ടും സീസണ്‍ കാണാന്‍ കഴിഞ്ഞില്ല. മാത്രമല്ല ഞാന്‍ ഇതുവരെ മൂന്നാം സീസണ്‍ കണ്ടിട്ടില്ല. പക്ഷേ ഇത്തവണ ഷോയുടെ ഓരോ എപ്പിസോഡും കാണാന്‍ ഞാന്‍ ആകാംക്ഷയോടെ കാത്തിരിക്കുകയാണ്. ഓരോ ജോലിയെയും സാഹചര്യത്തെയും ആളുകള്‍ എങ്ങനെ സമീപിക്കുമെന്ന് എനിക്കറിയണം. ഷോയില്‍ ഒരാളുടെ സ്വഭാവം എങ്ങനെ വികസിക്കുന്നു എന്ന് കാണുന്നത് രസകരമായിരിക്കും. പിന്നിലെ സീറ്റില്‍ ഇരുന്ന് ഡ്രൈവിംഗ് ആസ്വദിക്കുന്നത് വളരെ എളുപ്പമാണ്. ഷോയെയും മത്സരാര്‍ത്ഥികളെയും നിഷ്‌കരുണം വിമര്‍ശിച്ച വ്‌ലോഗര്‍മാരും ഓണ്‍ലൈന്‍ പോര്‍ട്ടലുകളും ഇത്തവണ ബിഗ് ബോസില്‍ മത്സരാര്‍ഥികളായി എത്തിയിരുന്നെങ്കില്‍ എന്ന് ആഗ്രഹിക്കുന്നു.’

‘അവര്‍ കാഴ്ചക്കാരാകുമ്പോള്‍ മാന്യതയില്ലാത്ത അടിസ്ഥാനമില്ലാത്ത അഭിപ്രായങ്ങള്‍ പ്രചരിപ്പിച്ചു. പക്ഷേ ഞങ്ങള്‍ മത്സരാര്‍ഥികള്‍ എന്തിലൂടെയാണ് കടന്നുപോയതെന്ന് അവര്‍ക്ക് അറിയുമായിരുന്നില്ല. ചില രാഷ്ട്രീയക്കാരേയും മതനേതാക്കളെയും ബിബി ഹൗസിനുള്ളില്‍ കാണാന്‍ ഞാന്‍ ആഗ്രഹിക്കുന്നു. ഷോയിലും അവര്‍ അങ്ങനെ തന്നെയായിരിക്കുമോ എന്നറിയാന്‍ എനിക്ക് ആകാംക്ഷയുണ്ട്. ബിഗ് ബോസ് ഒരു ഗെയിം ഷോ ആണ്. ആരുടെയും വൈകാരിക നാടകങ്ങള്‍ കണ്ടിട്ടോ കപട രാഷ്ട്രീയ നിലപാടുകളിലോ വീഴരുത്. കഴിവിനും സ്പോര്‍ട്സ് മാന്‍ സ്പിരിറ്റിനും വോട്ട് ചെയ്യാന്‍ ഇത്തവണ എല്ലാവരും ശ്രമിക്കണം.’

Karma News Network

Recent Posts

ബൈക്കും ഓട്ടോയും കൂട്ടിയിടിച്ചു, തൃശൂരിൽ 14കാരന് ദാരുണാന്ത്യം

തൃശൂർ: ചാവക്കാട് അയിനിപ്പുള്ളിയിൽ ബൈക്കും ഓട്ടോയും കൂട്ടിയിടിച്ച് 14കാരൻ മരിച്ചു. ബൈക്ക് യാത്രക്കാരനായ കുരഞ്ഞിയൂർ സ്വദേശി നാസിമാണ് മരിച്ചത്. അപകടത്തിൽ…

7 mins ago

കുവൈറ്റ് ദുരന്തം, ഷിബു വർഗീസിനും ശ്രീഹരി പ്രദീപിനും തോമസ് ഉമ്മനും ജന്മനാട് ഇന്ന് വിടനല്‍കും

കുവൈറ്റ് ലേബർ‌ ക്യാമ്പിലെ തീപിടുത്തത്തിൽ മരിച്ച മലയാളികളിൽ മൂന്ന് പേരുടെ സംസ്കാരം ഇന്ന് നടക്കും. പത്തനംതിട്ട സ്വദേശി തോമസ് സി…

32 mins ago

ഇനി പ്രബുദ്ധ കേരളത്തിൽ സ്വർണ കൊന്ത ഉരച്ചു നോക്കാനുള്ള ക്യൂ ആയിരിക്കും, അതിന്റെ തൂക്കം, മണികളുടെ എണ്ണം വരെയെടുത്ത് പ്രബുദ്ധർ ഓഡിറ്റിങ് ഇരവാദം ഇറക്കും – മാധ്യമ പ്രവർത്തക

തിരഞ്ഞെടുപ്പിലെ ഉജ്ജ്വല വിജയത്തിന് പിന്നാലെ സുരേഷ് ​ഗോപി ഇന്നലെ ലൂർദ് മാതാവിന് നന്ദി സൂചകമായി സ്വർണ കൊന്ത സമർപ്പിച്ചിരുന്നു. നിരവധി…

1 hour ago

തൃശൂരിൽ വീണ്ടും ഭൂചലനം, കുന്നുംകുളം ഉൾപ്പെടെ നാലിടങ്ങൾ വിറച്ചു, ഭൂചലനമുണ്ടായത് പുലർച്ചെ 3.55ന്

തൃശൂർ: കുന്നംകുളത്തിന്റെ വിവിധ ഭാഗങ്ങളിൽ വീണ്ടും ഭൂചലനം അനുഭവപ്പെട്ടതായി നാട്ടുകാർ. ഞായറാഴ്ച പുലർച്ച 3.55നാണ് സംഭവം. കുന്നംകുളം, കാണിപ്പയ്യൂർ, ആനയ്ക്കൽ,…

2 hours ago

തന്നെക്കാൾ ജനപ്രീതി ഗവർണർക്ക്, ബോസിനെ ഒതുക്കാൻ മമത വിചാരിക്കുന്നത് പോലെ എളുപ്പമല്ല

തന്നെക്കാൾ ജനപ്രീതി ഗവർണർ അന്ദബോസിന്‌ ഉണ്ടാകുമെന്നു മമത ഭയക്കുന്നു ഇരയായവരെ കണ്ടാൽ ആരാണ് ജനങ്ങൾക്കൊപ്പം നിൽക്കുന്നതെന്ന് ബംഗാൾ ഒന്നടങ്കം മനസിലാക്കും…

10 hours ago

പക്ഷിപ്പനി, പ്രത്യേക മാർ​ഗനിർദേശങ്ങളും സാങ്കേതിക മാർ​ഗങ്ങളും പുറത്തിറക്കി ആരോ​ഗ്യവകുപ്പ്

തിരുവനന്തപുരം: സംസ്ഥാനത്ത് പക്ഷിപ്പനി സംബന്ധിച്ച് ആരോ​ഗ്യ വകുപ്പ് പ്രത്യേക മാർ​ഗനിർദേശങ്ങളും സാങ്കേതിക മാർ​ഗങ്ങളും പുറത്തിറക്കി. ചേർത്തലയിൽ താറാവുകളിലും കാക്കകളിലും പക്ഷിപ്പനി…

11 hours ago