ഇഷ്ടപെട്ട ഡ്രൈവർക്ക് 15 ലക്ഷത്തിന്റെ കാർ സമ്മാനിച്ച് അനുഷ്ക ഷെട്ടി, അമ്പരന്ന് ആര്യ

തെന്നിന്ത്യൻ സിനിമാ പ്രേക്ഷകരുടെ പ്രിയങ്കരിയായായ താരമാണ് അനുഷ്ക ഷെട്ടി. തെലുങ്ക് സിനിമാ രം​ഗത്ത് സജീവമായ അനുഷ്ക ഇപ്പോൾ സെലക്ടിവ് ആയിട്ടാണ് സിനിമകൾ ചെയ്യുന്നത്. തിരക്ക് പിടിച്ച് സിനിമകൾ ചെയ്തുവന്ന അനുഷ്കയ്ക്ക് ഇപ്പോൾ ഓരോ സിനിമ കഴിഞ്ഞും ഇടവേള വരുന്നുണ്ട്. ബാഹുബലിക്ക് ശേഷം പാൻ ഇന്ത്യൻ തലത്തിൽ ശ്രദ്ധ നേടിയ അനുഷ്ക, സൂപ്പർസ്റ്റാർ സിനിമകളിൽ പ്രാധാന്യമില്ലാത്ത വേഷങ്ങൾ ഇപ്പോൾ ചെയ്യുന്നില്ല.

വ്യക്തിജീവിതത്തിലെ കാര്യങ്ങളൊന്നും സോഷ്യൽ മീഡിയയിലൂടെ അനുഷ്‌ക്ക പങ്കുവെകാറില്ല. അനുഷ്കയെക്കുറിച്ച് നടൻ ആര്യ പറഞ്ഞ വാക്കുകളാണിപ്പോൾ ശ്രദ്ധ നേടുന്നത്. ഇരുവരും സൈസ് സീറോ, ഇരണ്ടാം ഉലകം എന്ന സിനിമകളിൽ ഒരുമിച്ച് അഭിനയിച്ചിരുന്നു. അനുഷ്ക നല്ല മനസ്സിന് ഉടമയാണെന്ന് ആര്യ പറയുന്നത്. ഒരുമിച്ച് അഭിനയിക്കവെ ഉണ്ടായ മറക്കാനാവാത്ത ആര്യ പങ്കുവെച്ചിരിക്കുന്നതാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. സൺ ടിവിക്ക് നൽകിയ അഭിമുഖത്തിൽ സംസാരിക്കുകയായിരുന്നു ആര്യ.

‘അനുഷ്കയുടെ യഥാർത്ഥ പേര് സ്വീറ്റി ഷെട്ടി എന്നാണ്. ശരിക്കും അവൾ വളരെ സ്വീറ്റാണ്. നിങ്ങൾ ഇൻഡസ്ട്രിയിലെ ആരോട് ചോദിച്ചാലും ഇതേ അഭിപ്രായമായിരിക്കും പറയുക. വളരെ ജെനുവിനാണ്. അഭിനയിക്കുകയല്ല. ജോർജിയയിൽ ഷൂട്ട് നടക്കുമ്പോൾ രണ്ട് മാസത്തോളം അവിടെയുള്ള ലോക്കൽ കാർ ഡ്രൈവർമാരാണ് ഞങ്ങൾക്ക് വേണ്ടി ഓടിയത്’ – ആര്യ പറഞ്ഞിരിക്കുന്നു.

‘അനുഷ്കയ്ക്ക് ഡ്രെെവറെ ഇഷ്ടപ്പെട്ടു. തിരിച്ച് വരുമ്പോൾ ഡ്രെെവർക്ക് ഒരു കാറ് വാങ്ങിക്കൊടുത്തു. എനിക്കും പ്രൊഡ്യൂസർമാർക്കും ആശ്ചര്യമായി. ചെറിയ കാറല്ല. ആ സമയത്ത് 15 ലക്ഷത്തോളം വില വരുന്ന കാർ. ജോർജിയയിൽ ഇനി വാടക വണ്ടി ഓടിക്കേണ്ട, സ്വന്തം കാർ ഓടിക്കൂ എന്നാണു അനുഷ്‌ക്ക പറഞ്ഞത്’ ആര്യ പറയുന്നു. ഒരാളെ ഇഷ്ടപ്പെട്ടാൽ അവർക്ക് വേണ്ടി എന്ത് സഹായം ചെയ്യാനും അനുഷ്ക മടിക്കില്ല – നടൻ വ്യക്തമാക്കി. നടിയെന്ന നിലയിൽ പ്ര​ഗൽഭരായ സംവിധായകരോടൊപ്പവും താരങ്ങൾക്കൊപ്പവും പ്രവർത്തിക്കാൻ അനുഷ്കയ്ക്ക് സാധിച്ചിട്ടുണ്ട്. ആര്യ ചൂണ്ടിക്കാട്ടി.

18 വർഷത്തോളമായി സിനിമാരം​ഗത്ത് തുടരുന്ന അനുഷ്ക തുടക്കകാലത്ത് ​തെലുങ്കിലെയും, തമിഴിലെയും മിക്ക സൂപ്പർസ്റ്റാറുകൾക്കൊപ്പവും അഭിനയിച്ചു. 2009 ൽ പുറത്തിറങ്ങിയ അരുന്ധതി എന്ന സിനിമയ്ക്ക് ശേഷമാണ് ​ഗ്ലാമറസ് നായിക എന്നതിനപ്പുറം അനുഷ്കയെ പ്രേക്ഷകർ അം​ഗീകരിച്ച് തുടങ്ങിയത്. സെലക്ടീവാകുന്നു എന്നതിന് പുറമെ അനുഷ്കയുടെ കരിയറിൽ ഇടവേള വരുന്നതിനെക്കുറിച്ച് മറ്റ് വാദങ്ങളുമുണ്ട്.