അച്ഛന് പടം കിട്ടാതെ വന്നപ്പോളാണ് ഞാൻ അഭിനയത്തിലേക്ക് തിരിഞ്ഞത്- അർജുൻ അശോകൻ

മലയാളികളുടെ പ്രിയ നടനാണ് ഹരിശ്രീ അശോകൻ. അദ്ദേഹത്തിൻറെ മകൻ അർജുൻ അശോകനും സിനിമാരംഗത്തുണ്ട്. 2018ലാണ് അർജുൻ വിവാഹിതനായത്. നിഖിതയാണ് ഭാര്യ. സിനിമാലോകം ഒന്നടങ്കം ഇവരുടെ വിവാഹത്തിൽ പങ്കെടുക്കാനായി എത്തിയിരുന്നു. 8 വർഷത്തെ പ്രണയത്തിനൊടുവിലായാണ് അർജുൻ നിഖിതയെ വിവാഹം ചെയ്തത്. താരം കേന്ദ്ര കഥാപാത്രത്തിലെത്തുന്ന തട്ടാശ്ശേരിക്കൂട്ടം അടുത്തദിവസം തീയേറ്ററുകളിലേക്ക് എത്തുകയാണ്. ഇപ്പോഴിതാ സിനിമയിലേക്ക് എത്തിയ സാഹചര്യത്തെക്കുറിച്ച് പറയുകയാണ് നടൻ. വാക്കുകളിങ്ങനെ,

ജോലിക്ക് പോകണമല്ലോ വീട്ടിൽ അച്ഛന് ആണെങ്കിലും പടങ്ങൾ കുറവായിത്തുടങ്ങി. ജീവിതം മുൻപോട്ട് കൊണ്ടുപോകാനായി എന്തുചെയ്യും. എൽഎൽബിയ്ക്ക് പഠിച്ചാൽ സംഭവം ഓക്കേ സയൻസിലെ മാക്സ് ഇല്ല എല്ലാം സെറ്റ് ആണ്. അങ്ങനെ എൻട്രൻസ് എഴുതി. ഡിഗ്രി സെക്കൻഡ് ഇയർ പഠിക്കുമ്പോഴാണ് ആദ്യ മൂവി ചെയ്യുന്നത്. അപ്പോഴും നടൻ ആകണമെന്ന തോന്നൽ ഒന്നും ഉണ്ടായില്ല.

ആദ്യ പടം വലിയ വിജയം ഒന്നും ആയിരുന്നില്ല. അങ്ങനെ ആളുകൾ അടക്കം പറയാൻ തുടങ്ങിയതൊക്കെ കേട്ടു. അപ്പോഴാണ് സിനിമയിൽ എന്തെങ്കിലും ഒക്കെ ആകണമെന്ന വാശി തോന്നുന്നത്. നടൻ എന്ന രീതിയിൽ അല്ല സിനിമയിൽ എന്തേലും ഒരു ഭാഗം ആകണമെന്ന ആഗ്രഹം തോന്നിയത്. ഫോട്ടോസൊക്കെ സംവിധായകർക്ക് അയച്ചുകൊടുത്തുതുടങ്ങി. പയ്യെ ചിത്രങ്ങൾ വന്നു തുടങ്ങി. ഇപ്പോൾ തനിക്ക് വക്കീൽ ആകണമെന്ന ആഗ്രഹം ഒന്നും ഇല്ല. നല്ല റോളുകൾ സിനിമയിൽ ചെയ്യണം എന്നാണ് തന്റെ ആഗ്രഹം

ഓർക്കൂട്ട് ഓർമ്മക്കൂട്ട് എന്ന ചിത്രത്തിലൂടെ അരങ്ങേറിയ അർജുൻ ഇതിനകം നിരവധി കഥാപാത്രങ്ങളുടെ ഭാഗമായി കഴിഞ്ഞു. പറവ, മന്ദാരം, ബി.ടെക്, വരത്തൻ, ജൂൺ, ഉണ്ട, അമ്പിളി, അണ്ടർവേൾഡ്, സ്റ്റാൻറ്അപ്പ് തുടങ്ങി നിരവധി സിനിമകൾ ഇതിനകം അദ്ദേഹം ചെയ്തു കഴിഞ്ഞു.

ചെറിയ വേഷങ്ങളിൽ തുടങ്ങി ഇപ്പോൾ മലയാള സിനിമയിൽ നായകവേഷങ്ങളിൽ വരെ എത്തി നിൽക്കുകയാണ് അ‍‍ർജുൻ അശോകൻ. 1993 ഓഗസ്റ്റ് 24നായിരുന്നു അർജുൻറെ ജനനം. ബി.ടെക് പഠന ശേഷം 2012ലാണ് അർ‍ജുൻ സിനിമയിലെത്തിയത്.