ഈ വര്‍ഷം പഠിച്ച ഏറ്റവും വലിയ പാഠം, ആര്യ പറയുന്നു

മലയാളികളുടെ പ്രിയപ്പെട്ട നടിയും അവതാരകയുമാണ് ആര്യ. ബഡായി ബംഗ്ലാവില്‍ കൂടി എത്തിയ ആര്യ പിന്നീട് ബിഗ്‌ബോസിലും തിളങ്ങി. ബിഗ് ബോസിലൂടെയാണ് ആര്യയുടെ യഥാര്‍ത്ഥ സ്വഭാവം പ്രേക്ഷകര്‍ അറിഞ്ഞത്. സോഷ്യല്‍ മീഡിയകളിലും ഏറെ സജീവമാണ് ആര്യ. തന്റെ സന്തോഷങ്ങളും വിശേഷങ്ങളുമെല്ലാം സോഷ്യല്‍ മീഡിയയിലൂടെ പങ്കുവെയ്ക്കാറുണ്ട്. ജോലി തിരക്കുകള്‍ക്കിടയിലും പ്രേക്ഷകരുമായി സംസാരിക്കാന്‍ സമയം കണ്ടെത്താറുമുണ്ട്. ആര്യയുടെ പോസ്റ്റുകളൊക്കെ നിമിഷ നേരം കൊണ്ടാണ് വൈറലാവുന്നത്.

ഇപ്പോള്‍ ശ്രദ്ധേയമാകുന്നത് ആര്യ ഇന്‍സ്റ്റഗ്രാമിലൂടെ നടത്തിയ ക്യു ആന്‍ എ സെഷനാണ്. ഇപ്പോഴിത 2021 ല്‍ പഠിച്ച ഏറ്റവും വലിയ പാഠത്തെ കുറിച്ച് പറയുകയാണ് ആര്യ. 2021 ല്‍ പഠിച്ച പാഠത്തെ കുറിച്ച് മാത്രമല്ല 2022 ലെ പ്രതീക്ഷയെ കുറിച്ചുള്ള ആരാധകരുടെ ചോദ്യത്തിനും നടി മറുപടി നല്‍കുന്നുണ്ട്. നിങ്ങളുടെ ജീവിതത്തില്‍ ഒന്നിനേയും നിര്‍ബന്ധിക്കരുത്. അത് വികാരം… സൗഹൃദം.. സ്‌നേഹം… കെയര്‍ എന്തു ആകാം, അത് ഒരിക്കലും വിലമതിക്കുന്നതല്ല. അതെല്ലാം യഥേഷ്ടം വന്നു ചേരണം.. എന്നാണ് ആര്യ പറയുന്നത്. 2021 ല്‍ പഠിച്ച പാഠത്തെ കുറിച്ച് ചോദിച്ചപ്പോഴാണ് താരം ഇക്കാര്യം പറഞ്ഞത്.

കൂടാതെ 2022 വളരെ സമാധാനപരമായ ഒരു വര്‍ഷമാകുമെന്ന് പ്രതീക്ഷിക്കുന്നതായും ആര്യ പറയുന്നത്. അധികം പ്ലാനുകളൊന്നും ഇല്ലെന്നും താരം കൂട്ടിച്ചേര്‍ത്തു. കാരണം ആഗ്രഹിക്കുന്നതൊന്നും നടക്കുന്നതായി തോന്നുന്നില്ല. ഒഴുക്കിനോടൊപ്പം പോകുമെന്നാണ് ബിഗ് ബോസ് സീസണ്‍ 2 താരം പറയുന്നത്.

കൂടാതെ പ്രതിസന്ധികളെ തരണം ചെയ്ത് സ്‌ട്രോങ്ങായി ഇരിക്കുന്നതിന്റ കാരണവും ആര്യ പറയുന്നുണ്ട്. ” ഹാര്‍ട്ട് ബ്രേക്ക്, വ്യാജ വാര്‍ത്തകള്‍ ,.. ഇങ്ങനെയുള്ള പ്രതിസന്ധികളെ എങ്ങനെയാണ് കൈകാര്യം ചെയ്യുന്നത്” എന്നുള്ള ചോദ്യത്തിനായിരുന്നു ആര്യയുടെ മറുപടി.” തനിക്ക് ചെയ്യാന്‍ കഴിയുക തന്റെ ജീവിതത്തെ സ്‌നേഹിക്കുക എന്നതാണ്. ഞാന്‍ എന്നെ വളരെയധികം സ്‌നേഹിക്കുന്നു. കൂടാതെ ഞാന്‍ ആഗ്രഹിക്കുന്ന രീതിയില്‍ സന്തോഷത്തോടെയിരിക്കാന്‍ പോരാടിക്കൊണ്ടിരിക്കുമെന്ന് ആര്യ മറുപടിയായി പറഞ്ഞു.