തിരുവനന്തപുരം. ആറ്റിങ്ങൽ സൂര്യ കൊലക്കേസ് പ്രതി ആത്മഹത്യ ചെയ്തു. വെഞ്ഞാറമൂട് വയ്യേറ്റ് ഷൈനി ഭവനില് ഷൈജു പിഎസിനെയാണ് വീട്ടിലെ രണ്ടാമത്തെ നിലയിലെ മുറിയില് ജീവനൊടുക്കിയ നിലയില് കണ്ടെത്തിയത്. വെഞ്ഞാറമൂട് ഗോകുലം മെഡിക്കല് കോളേജില് ഉടൻ എത്തിച്ചെങ്കിലും മരണം സ്ഥിരീകരിക്കുകയായിരുന്നു.
ആറ്റിങ്ങല് കെഎസ്ആര്ടിസി ബസ്റ്റാന്റിന് സമീപത്ത് വച്ച് 2016 ജനുവരിയില് പാലാംകോണം സ്വദേശി സൂര്യയെ വെട്ടി കൊന്ന കേസിലെ പ്രതിയാണ് ഷൈജു. കേസിന്റെ വിചാരണ നടന്നുവരുന്നതിനിടെയാണ് ഷൈജുവിന്റെ ആത്മഹത്യ. ഷൈജു നേരത്തെയും ആത്മഹത്യക്ക് ശ്രമിച്ചിരുന്നു.
പിരപ്പന്കോട് സ്വകാര്യ ആശുപത്രിയിലെ നഴ്സായിരുന്ന വെഞ്ഞാറമൂട് പാലാംകോണം സൂര്യ ഭവനില് സൂര്യ(26) യെയായിരുന്നു 2016 ജനുവരി 27 നു ഷൈജു കൊലപ്പെടുത്തിയത്. ആറ്റിങ്ങല് കെഎസ്ആര്ടിസി ബസ് സ്റ്റാന്റിന് സമീപം ഓട്ടോ സ്റ്റാന്റ് സ്ഥിതി ചെയ്യുന്ന ഇടവഴിയിൽ വെച്ച് കത്തി കൊണ്ട് ഷൈജു യുവതിയെ കുത്തി കൊലപ്പെടുത്തുകയായിരുന്നു. നിലവിളി കേട്ട് സ്ഥലവാസിയായ വീട്ടമ്മ വന്ന് നോക്കുമ്പോൾ യുവതി രക്തത്തില് കുളിച്ച് കിടക്കുന്നതും പ്രതി നടന്ന് പോകുന്നതും കണ്ടിരുന്നതാണ്.
ദൃസാക്ഷി അറിയിച്ച പ്രകാരം പോലീസ് സംഭവ സ്ഥലത്തെത്തി കൃത്യത്തിനുപയോഗിച്ച കത്തി സമീപത്തെ പുരയിടത്തില് നിന്ന് കണ്ടെടുത്തിരുന്നു. കൃത്യത്തിന് മൂന്ന് മാസം മുന്പായിരുന്നു ഇയാൾ സൂര്യയെ പരിചയപ്പെടുന്നത്. ബൈക്കപകടത്തില് പരിക്കേറ്റ് സൂര്യ ജോലി ചെയ്യുന്ന ആശുപത്രിയില് ചികിത്സയ്ക്ക് എത്തിയതോടെയായിരുന്നു ഇരുവരും പരിചയത്തിലാവുന്നത്. കൊലയ്ക്ക് മൂന്ന് ദിവസം മുന്പ് യുവതിയുടെ വീട്ടിലെത്തി വിവാഹാലോചന നടത്തിയിരുന്നു. വിവാഹാലോചനകള് നടന്ന് വരവേയാണ് സൂര്യ കൊല്ലപ്പെട്ടത്. പ്രതിയെ തഴഞ്ഞ് മറ്റൊരു വിവാഹത്തിന് യുവതി തയാറെടുത്തതാണ് കൊലയ്ക്ക് കാരണമായതെന്നാണ് പോലീസിന്റെ കണ്ടെത്തൽ.
കൊച്ചി∙ വടക്കൻ പറവൂരിൽ സ്കൂട്ടറും ഓട്ടോയും കൂട്ടിയിടിച്ച് അമ്മയും മകനും മരിച്ചു. നായരമ്പലം കുടുങ്ങാശേരി തെക്കേവീട്ടിൽ ബിന്ദു (44), മകൻ…
പത്തനംതിട്ട: മൈക്കിനോട് പോലും അരിശം കാണിക്കുന്ന മുഖ്യമന്ത്രിയെ ജനം നിരാകരിക്കും, അതാണ് തിരഞ്ഞെടുപ്പിൽ പ്രതിഫലിച്ചത്. മുഖ്യമന്ത്രി പിണറായി വിജയനെതിരെ സിപിഎം…
മരുമോന്റെ റോഡിലെ കുണ്ടും കുഴിയും കണ്ടു മുഖ്യമന്ത്രി റൂട്ടും റൂട്ട് മേപ്പും ഒക്കെ മാറ്റി യാത്ര ചെയ്ത വാർത്തകൾ പുറത്തു…
കോഴിക്കോട്∙ യുനെസ്കോയുടെ സാഹിത്യനഗരം പദവി നേടിയതിന്റെ ഔദ്യോഗിക പ്രഖ്യാപനം നടത്തി മന്ത്രി എം.ബി. രാജേഷ്. തളി കണ്ടംകുളം മുഹമ്മദ് അബ്ദുറഹിമാന്…
തിരുവനന്തപുരം: മന്ത്രി ഒ ആര് കേളുവിന്റെ സത്യപ്രതിജ്ഞാ ചടങ്ങില് പിണക്കം മറന്ന് ഒന്നിച്ച് സര്ക്കാരും ഗവര്ണറും. സത്യപ്രതിജ്ഞയ്ക്ക് ശേഷം ഗവര്ണര്…
സുരേഷ് ഗോപി തോല്ക്കാൻ പണിമുടക്കാതെ ജോലി ചെയ്ത മാപ്രകൾ ഇപ്പോൾ സുരേഷ് ഗോപിക്കായി വാരി കോരി പണി എടുക്കുമ്പോഴും മോദി…