ഗുരുവായൂർ ക്ഷേത്ര ദർശനം നടത്തി സംയുക്തയും ബിജു മേനോനും

ഗുരുവായൂർ ക്ഷേത്ര ദർശനം നടത്തി സംയുക്തയും ബിജു മേനോനും. വളരെ വിരളമായി മതമേ ദമ്പതികൾ ഒന്നിച്ച് പൊതുസ്ഥലങ്ങളിൽ സന്ദർശനം നടത്താറുള്ളൂ. കസവു മുണ്ടും ഉത്തരീയവും ചുറ്റി ബിജു മേനോനും കേരള സാരി അണിഞ്ഞ് സംയുക്താ വർമയും ക്ഷേത്ര ദർശനം നടത്തുന്ന ദൃശ്യങ്ങൾ സോഷ്യൽ മീഡിയയിൽ പ്രചരിച്ചു

തങ്ങൾക്ക് ചുറ്റും കൂടിയ നവമാധ്യമ പ്രവർത്തകക്ക് നേരെ പുഞ്ചിരി തൂകാനും ബിജുവും സംയുക്തയും മറന്നില്ല. വിവാഹ ശേഷം കുടുംബിനിയായി മാറിയ സംയുക്ത യോഗ പഠിക്കുകയും യോഗ പരിശീലകയായി മാറുകയും ചെയ്തിരുന്നു. വെള്ളിത്തിരയിൽ ആരംഭിച്ച പ്രണയമാണ് ബിജുവിനെയും സംയുക്തയെയും ജീവിതത്തിൽ ഒന്നിപ്പിച്ചത്

മഴ, മധുരനൊമ്പരക്കാറ്റ് തുടങ്ങിയ സിനിമകളിൽ ബിജുവും സംയുക്തയും പ്രണയ ജോഡികളായി വേഷമിട്ടിരുന്നു. ഇതോടെ ഗോസിപ് കോളങ്ങൾ നിറഞ്ഞു. വാർത്തകൾ കണ്ട ശേഷം ഒന്ന് പ്രണയിച്ചാലോ എന്നായി ബിജുവും സംയുക്തയും
ബോളിവുഡ് നടന്മാരെപോലെ മിനുമിനുത്ത മുഖമുള്ള ഒരാളെ കണ്ടു പിടിച്ചു തരണം എന്ന് ഇളയമ്മ ഊർമിള ഉണ്ണിയോട് ആവശ്യപ്പെട്ടിരുന്നയാളാണ് സംയുക്ത. ഒടുവിൽ മുഖത്തു കട്ടത്താടിയും കട്ടിമീശയുമുള്ള ബിജുവിനെ സംയുക്ത പ്രണയിക്കുന്നു എന്ന് കേട്ട വാർത്ത വിശ്വസിക്കാനേ കഴിഞ്ഞില്ല എന്ന് ഊർമിള ഉണ്ണി പിന്നീട് പറഞ്ഞിരുന്നു