ബിഷപ്പുമാരെ തൊട്ടാൽ നോക്കിയിരിക്കില്ല, സി പി എമ്മിന് ബി ജെ പിയുടെ താക്കീത്

കൊച്ചി . ബിഷപ്പുമാരേ വിരട്ടാനും ഭീഷണിപ്പെടുത്താനും സി.പി.എം നേതാക്കളും മന്ത്രിമാരും ഇറങ്ങിയാൽ ബിജെപി കൈയ്യും കെട്ടി ഇരിക്കില്ലെന്ന് സംസ്ഥാന പ്രസിഡന്റ് കെ സുരേന്ദ്രന്റെ മുന്നറിയിപ്പ്. കൊച്ചിയിൽ ഏപ്രിലിൽ പ്രധാനമന്ത്രി നരേന്ദ്ര മോദി പങ്കെടുക്കുന്ന ‘യുവം’ എന്ന യുവതീ യുവാക്കളുടെ മഹാ സമ്മേളനത്തിന്റെ സംഘാടക സമിതി യോഗത്തിനു ശേഷം കർമ്മ ന്യൂസിനോട് സംസാരിക്കുകയായിരുന്നു കെ സുരേന്ദ്രൻ.

പണ്ട് പാലാ മെത്രാനേ ഈ പറയുന്ന ആളുകൾ ചേർന്നാണ്‌ ഭീഷണിപ്പെടുത്തിയത്. അന്ന് ബിജെപി നിശബ്ദമായി കാര്യങ്ങൾ വീക്ഷിച്ചു. ഇനി അതൊന്നും കേരളത്തിൽ നടക്കില്ലെന്ന് സി.പി.എം മസിലാക്കിക്കോ.. അഭിപ്രായം പറയുന്നവരെ അടിച്ചമർത്താമെന്നാണ് വിചാരിക്കുന്നതെങ്കിൽ അതിനി നടക്കില്ല. ബിഷപ്പുമാരേ വിരട്ടാൻ വന്നാൽ ഞങ്ങൾ കൈയ്യും കെട്ടി ഇനി നോക്കിയിരിക്കില്ലെന്ന് കെ സുരേന്ദ്രൻ തറപ്പിച്ച് പറയുമ്പോൾ മാറുന്ന കേരള രാഷ്ട്രീയത്തിന്റെ അടയാളപ്പെടുത്തൽ കൂടിയാവുകയാണ് ബി ജെ പിയുടെ താക്കീത്.

ക്രിസ്തീയ സഭകൾക്കും കർഷകർക്കും വേണ്ടി കേരളത്തിൽ ബിജെപി നിലപാട് കർക്കശമാക്കുകയാണ്. നമുക്കറിയാം രാജ്യം മുഴുവൻ പരമ്പരാഗത കർഷകർ ഇന്ന് ആഹ്ലാദത്തിൽ തന്നെയാണ്‌. സംതൃപ്തരായിരുന്ന കരിമ്പ് കർഷകർക്ക് പോലും ആശ്വാസം എത്തി. കരിമ്പിൽ നിന്നും ഉത്പന്നം ഉണ്ടാക്കി 17000 കോടി കർഷകർക്ക് തന്നെ കേന്ദ്ര സർക്കാർ നല്കി. കഴിഞ്ഞ ദിവസമാണ് മിലറ്റ് കൃഷിക്കാരേ പ്രധാനമന്ത്രി കണ്ട് സഹായം പ്രഖ്യാപിച്ചത്.

രാജ്യം മുഴുവൻ രാസവളം ഒഴിവാക്കാൻ പ്രധാനമന്ത്രി പറയുന്നു. ജൈവ വളത്തിന്റെ സാധ്യതകൾ മോദി പറയുന്നു. രാജ്യമാകെ കർഷകർക്ക് ഇത്തരത്തിൽ കരുതൽ നടക്കുമ്പോൾ കേരളത്തിലെ റബ്ബർ, കർഷകർക്ക് ഒന്നും കിട്ടുന്നില്ല. മുമ്പ് ബിജെപി നേതാവ് തന്നെ കർമ്മ ന്യൂസിനോട് പറഞ്ഞു. ‘കേരളത്തിലെ കൃഷിക്കാർ ദേശീയ ധാരയിൽ നിന്നും അകലെയാണ്‌. അവർ ദേശീയ ധാരയിലേക്ക് വരണം. മോദി സർക്കാർ കേരളത്തിലെ കർഷകരെ ഏറ്റെടുക്കുക തന്നെ ചെയ്യും’
\