BMWകാർ കയറ്റി ഉറങ്ങികിടന്ന ആളേ കൊന്നു,എം.പിയുടെ മകൾക്ക് സ്റ്റേഷൻ ജാമ്യം

വഴിവക്കിൽ ഉറങ്ങി കിടന്ന ആളുടെ ദേഗത്ത് കൂടി ബി.എം ഡബ്ള്യു കാർ കയറ്റി കൊലപ്പെടുത്തി. തുടർന്ന് ഇവരെ തമിഴുനാട് പോലീസ് സ്റ്റേഷൻ ജാമ്യത്തിൽ വിട്ടയച്ചത് വൻ വിവാദമായി

തമിഴുനാട്ടിൽ ചെന്നൈൽ ആയിരുന്നു അപകടം.വൈഎസ്ആർ കോൺഗ്രസ് പാർട്ടിയുടെ രാജ്യസഭാ എംപി ബീദ മസ്താൻ റാവുവിൻ്റെ മകൾ മാധുരി ഓടിച്ച ബിഎംഡബ്ല്യു ആണ്‌ ഒരാളേ കൊലപ്പെടുത്തിയത്.ചെന്നൈ ബസൻ്റ് നഗറിലെ നടപ്പാതയിൽ മദ്യപിച്ച് ഉറങ്ങുകയായിരുന്ന 24 വയസുള്ള സൂര്യ എന്നയാളുടെ ശരീരത്ത് കൂടി മാധുരിയുടെ കാർ നിയന്ത്രണം തെറ്റി പാഞ്ഞു കയറുകയായിരുന്നു.മദ്യ ലഹരിയിലായിരുന്നു കാർ ഓടിച്ചത് എന്നും ആരോപണം ഉണ്ട്. എന്നാൽ പോലീസ് ഇവരെ പരിശോധന നടത്താതെ ഉടൻ ജാമ്യത്തിൽ വിട്ടതിനാൽ മദ്യപാന പരിശോധനക്ക് ഇനി സാധ്യതയും ഇല്ല.

കാർ ഓടിച്ച എം.പിയുടെ മകൾ മാധുരി മദ്യ ലഹരിയിൽ ഉടൻ സംഭവ സ്ഥലത്ത് നിന്നും ഇറങ്ങി ഓടി.അവളുടെ സുഹൃത്ത് കാറിൽ നിന്ന് ഇറങ്ങി അപകടത്തെത്തുടർന്ന് തടിച്ചുകൂടിയ ആളുകളുമായി തർക്കിച്ചു. തുടർന്ന് അവരും സ്ഥലത്ത് നിന്നും ഓടി പോയി.

ആൾക്കൂട്ടത്തിൽ നിന്ന് ചിലർ സൂര്യയെ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു എട്ട് മാസം മുമ്പ് സൂര്യയുടെ വിവാഹം കഴിഞ്ഞിരുന്നു, നടപടി ആവശ്യപ്പെട്ട് അദ്ദേഹത്തിൻ്റെ ബന്ധുക്കളും കോളനിയിലെ ആളുകളും ജെ-5 ശാസ്ത്രി നഗർ പോലീസ് സ്റ്റേഷനിൽ തടിച്ചുകൂടി.

പോലീസ് സിസിടിവി ദൃശ്യങ്ങൾ പരിശോധിച്ചപ്പോൾ കാർ ബിഎംആർ (ബീദ മസ്താൻ റാവു) ഗ്രൂപ്പിൻ്റേതാണെന്നും പുതുച്ചേരിയിൽ രജിസ്റ്റർ ചെയ്തതാണെന്നും കണ്ടെത്തി. മാധുരിയെ അറസ്റ്റ് ചെയ്തെങ്കിലും പോലീസ് സ്റ്റേഷനിൽ തന്നെ ജാമ്യം ലഭിച്ചു.സമുദ്രോത്പന്ന വ്യവസായത്തിലെ അറിയപ്പെടുന്ന പേരാണ് ബിഎംആർ ഗ്രൂപ്പ്.വൻ വ്യവാസിയുമാണ്‌ ഇവർ.