മത്സ്യബന്ധനത്തിനിടെ ബോട്ടിന് തീപിടിച്ചു; തൊഴിലാളികളെ രക്ഷപ്പെടുത്തി

കൊല്ലം അഴീക്കലിൽ മത്സ്യബന്ധന൦ നടത്തിക്കൊണ്ടിരുന്ന ബോട്ടിന് തീപിടിച്ചു. ശക്തികുളങ്ങര ദളവാപുരം സ്വദേശി അനുവിന്റെ ഉടമസ്ഥതയിലുള്ള വേളാങ്കണ്ണി മാതാ എന്ന ബോട്ടിനാണ് തീപിടിച്ചത്. കടലിൽ നിന്ന് 3 നോട്ടിക്കൽ മൈൽ ഉള്ളിൽ വച്ചാണ് മത്സ്യബന്ധനത്തിനിടെ അപകടമുണ്ടായത്.

ബോട്ടിലെ ഗ്യാസ് ലീക്കായതിനെ തുടർന്ന് അപകട൦ സംഭവിച്ചെന്നാണ് കരുതുന്നത്. തീ പിടിക്കുമ്പോൾ 9 തൊഴിലാളികൾ ബോട്ടിലുണ്ടായിരുന്നു. ബോട്ടിലുണ്ടായിരുന്നു തൊഴിലാളികളെ മറ്റ് ബോട്ടുകളിലും വള്ളങ്ങളിലും ഉണ്ടായിരുന്നവർ ചേർന്ന് രക്ഷപ്പെടുത്തി. ആർക്കും പരിക്കുകളില്ല.