പാലക്കാട് ബസും ലോറിയും കൂട്ടിയിടിച്ച് ബസ് യാത്രക്കാര്‍ക്ക് പരിക്ക്

പാലക്കാട്. കണ്ടെയ്‌നര്‍ ലോറിയും ബസും കൂട്ടിയിടിച്ചുണ്ടായ അപടകത്തില്‍ നിരവധി പേര്‍ക്ക് പരിക്ക്. പാലക്കാട് മണപ്പുള്ളിക്കാവിലാണ് അപകടം സംഭവിച്ചത്. സംഭവത്തില്‍ ബസ് യാത്രക്കാരായ എട്ട് പേര്‍ക്കാണ് പരിക്കേറ്റത്. കണ്ടെയ്‌നര്‍ ലോറിയുടെ പിന്നില്‍ ബസ് ഇടിക്കുകയായിരുന്നു.

അപകടത്തില്‍ പരിക്കേറ്റവരെ ജില്ലാ ആശുപത്രിയില്‍ പ്രവേശിപ്പിച്ചു. അതേസമയം കൊച്ചി നഗരത്തിൽ വീണ്ടും ബസുകൾ തമ്മിലുള്ള മത്സരയോട്ടത്തിൽ അപകടം. ബസ് മറ്റൊരു ബസിനെ മറികടക്കുന്നതിനിടെയാണ് അപകടം സംഭവിച്ചത്. ബസ് ഓട്ടോയിലിടിച്ച് തലകീഴായി മറിയുകയായിരുന്നു. രണ്ട് ബസുകളും പോലീസ് കസ്റ്റഡിയിൽ എടുത്തു. ബസ് ഡ്രൈവർമാരായ ടുട്ടു, അസ്ലം എന്നിവർ പോലീസ് കസ്റ്റഡിയിലാണ്.

അമിതവേഗത്തിൽ അശ്രദ്ധമായി വാഹനം ഓടിച്ചതാണ് കുറ്റം. ആലുവ ഇടക്കൊച്ചി ചേരാനെല്ലൂർ റൂട്ടിൽ സർവീസ് നടത്തുന്ന സാത്വിക് ബസാണ് ഓട്ടോയിൽ ഇടിച്ചത്. രണ്ട് ബസുകളും മത്സരയോട്ടത്തിലായിരുന്നു. അമിതവേഗത്തിൽ പാഞ്ഞെത്തി ഓവർടേക്ക് ചെയ്യുവനായിരുന്നു ശ്രമം. സിറ്റിയിൽ ഇത്തരത്തിൽ ഓവർടേക്കിങ് പാടില്ലെന്നാണ് നിയമം.