മന്ത്രിസഭാ പുനസംഘടന, അത് നിങ്ങള്‍ കൊണ്ടുനടക്ക് എന്ന് പ്രതികരിച്ച് മുഖ്യമന്ത്രി

ന്യൂഡല്‍ഹി. മന്ത്രിസഭാ പുനസംഘടനയെക്കുറിച്ച് സംസ്ഥാനത്ത് വലിയ ചര്‍ച്ചകള്‍ നടക്കുമ്പോഴും പ്രതികരിക്കാതെ മുഖ്യമന്ത്രി പിണറായി വിജയന്‍. ഇക്കാര്യത്തില്‍ മാധ്യമങ്ങള്‍ ഡല്‍ഹിയില്‍ വെച്ച് മുഖ്യമന്ത്രി പിണറായി വിജയനോട് ഇക്കാര്യ ചോദിച്ചപ്പോള്‍ അതു നിങ്ങള്‍ കൊണ്ടുനടക്ക് എന്നായിരുന്നു മറുപടി.

സിപിഎം പൊളിറ്റ് ബ്യൂറോ യോഗത്തില്‍ പങ്കെടുക്കുവനാണ് മുഖ്യമന്ത്രി ഡല്‍ഹിയില്‍ എത്തിയത്. മുന്‍ തീരുമാന പ്രകാരം നടക്കേണ്ട മന്ത്രിസഭാ പുനസംഘടന സംബന്ധിച്ചാണ് അഭ്യൂഹങ്ങള്‍ ഉയര്‍ന്നത്. ഇതിന് പിന്നീലെ പുനസംഘടന സംബന്ധിച്ച് ചര്‍ച്ച നടന്നിട്ടില്ലെന്നും എല്ലാം മാധ്യമസൃഷ്ടിയാണെന്നുമായിരുന്നു ഇടതു നേതാക്കളുടെ പ്രതികരണം.

അതേസമയം മന്ത്രിസഭയില്‍ സിപിഎം മന്ത്രിമാരുടെ അടക്കം മാറ്റം വരുമെന്നാണ് വിവരം. സിപിഎം പിബി യോഗത്തില്‍ നിര്‍ദേശം ഉയര്‍ന്നാലാണ് സംസ്ഥാന തലത്തില്‍ തുടരാലോചനയുണ്ടാകു. ഒന്നാം പിണറായി മന്ത്രിസഭയുടെ കാലത്ത് വകുപ്പുകളില്‍ മാറ്റം വരുത്തിയിരുന്നു.