സഹകരണ മേഖലയെ തകർക്കാനാണ് ശ്രമിക്കുന്നത്, കരുവന്നൂർ ബാങ്കിനെതിരായ ആരോപണങ്ങൾ ഗൗരവത്തോടെയാണ് കണ്ടത് മുഖ്യമന്ത്രി

തിരുവനന്തപുരം. കേരളത്തിലെ സഹകരണ മേഖലയെ തകര്‍ക്കാനാണ് ചലര്‍ ശ്രമിക്കുന്നതെന്ന് മുഖ്യമന്ത്രി പിണറായി വിജയന്‍. ചിലരുടെ ഉറക്കം കളയുന്നുണ്ട് കേരളത്തിലെ സഹകരണ മേഖലയെന്നും. ഒരു പാത്രം ചോറില്‍ കറുത്ത വറ്റുണ്ടെങ്കില്‍ ആകെ മോശമാണെന്ന് പറയരുതെന്നും മുഖ്യമന്ത്രി പിണറായി വിജയന്‍ പറഞ്ഞു. തെറ്റ് ചെയ്തവര്‍ക്കെതിരെ നടപടി സ്വീകരിക്കുമെന്നും അദ്ദേഹം വ്യക്തമാക്കി.

സര്‍ക്കാര്‍ ഗൗരവത്തോടെയാണ് കരുവന്നൂര്‍ ബാങ്കിനെതിരായ ആരോപണങ്ങളെ കാണുന്നത്. അവിടുത്തെ പ്രശ്‌നങ്ങൾ ആദ്യം കണ്ടെത്തിയ കേന്ദ്ര ഏജൻസികളല്ലെന്നും രാഷ്ട്രീയ ലക്ഷ്യത്തോടെയാണ് കേന്ദ്ര ഏജൻസികൾ വേട്ടയാടുകയാണെന്നും മുഖ്യമന്ത്രി പറഞ്ഞു. സഹകരണ മേഖലയിലെ ക്രമക്കേടുകള്‍ തടയാന്‍ 50 വര്‍ഷം പഴക്കമുള്ള നിയമങ്ങള്‍ പരിഷ്‌കരിച്ചതായി അദ്ദേഹം പറഞ്ഞു.

ബാങ്ക് തകര്‍ച്ചയില്‍ നിന്നും കരകയറ്റാനാണ് സര്‍ക്കാര്‍ പുനരുദ്ധാരണ പാക്കേജ് പ്രഖ്യാപിച്ചതെന്നും. പോലീസും ക്രൈംബ്രാഞ്ചും കരുവന്നൂര്‍ സഹകരണ ബാങ്ക് വിഷയം ഉയര്‍ന്നപ്പോള്‍ തന്നെ ഇടപെട്ടുവെന്നും അദ്ദേഹം പറഞ്ഞു.