ഭൂട്ടാന്‍ രാജകുടുംബത്തിന്റെ സ്വത്തുക്കൾ കൈയേറി ചൈന, ഉപഗ്രഹ ചിത്രങ്ങള്‍ പുറത്ത്

ന്യൂഡല്‍ഹി. ഭൂട്ടാന്‍ അതിര്‍ഥിയില്‍ ടൗണ്‍ഷിപ്പിന്റെ നിര്‍മാണ പ്രവര്‍ത്തനങ്ങള്‍ വേഗത്തിലാക്കി ചൈന. ചരിത്ര പ്രധാന്യമുള്ള ബേയുല്‍ ഖെന്‍പജോങ്ങിലെ നദിതീരത്താണ് ടൗണ്‍ഷിപ്പ് നിര്‍മാണം അതിവേഗത്തില്‍ മുന്നോട്ട് പോകുന്നത്. ഒരു മാസത്തില്‍ താഴെ പഴക്കമുള്ള പുതിയ ഉപഗ്രഹ ചിത്രങ്ങളിലാണ് ചൈനയുടെ കടന്ന് കയറ്റം വ്യക്തമാകുന്നത്.

ഭൂട്ടാനുമായിട്ടുള്ള അതിര്‍ത്തി ചര്‍ച്ചകള്‍ക്കിടെയാണ് പുതിയ നിര്‍മാണ പ്രവര്‍ത്തനങ്ങള്‍. 2020 മുതല്‍ ചൈന ഇവിടെ നിര്‍മാണ പ്രവര്‍ത്തനങ്ങള്‍ നടത്തിയിരുന്നു. എന്നാല്‍ ഇപ്പോള്‍ ദ്രുതഗതിയില്‍ നിര്‍മാണം പുരോഗമിക്കുകയാണ്. ഭൂട്ടാന്‍ രാജ കുടുംബത്തിന്റെ പൈതൃക സ്വത്തുകള്‍ ഉള്‍പ്പെടുന്ന പര്‍വതപ്രദേശത്താണ് ചൈനയുടെ കടന്ന് കയറ്റം എന്നാണ് വിവരം.

അതേസമയം ഇന്ത്യ സംഭവം നിരീക്ഷിച്ച് വരുകയാണ്. ഭൂട്ടാന്‍ ചൈന നടത്തുന്ന കടന്ന് കയറ്റം ഇന്ത്യയുടെ സുരക്ഷയെയും ബാധിക്കുന്നതാണ്. 2017ല്‍ സിക്കിമിനോട് ചേര്‍ന്നുള്ള ദോക്ലാം പീഠഭൂമിയില്‍ ഇന്ത്യയുടെയും ചൈനയുടെയും സൈനികര്‍ ഏറ്റുമുട്ടിയിരുന്നു.