ഷോക്കേറ്റ് കൊണ്ടുവന്ന പതിനെട്ടുകാരന് ചികിത്സ നിഷേധിച്ചു, ഒടുവിൽ മരണം, നെടുങ്ങോലം താലൂക്ക് ആശുപത്രിയ്ക്കെതിരെ പരാതി

കൊല്ലം: നെടുങ്ങോലം താലൂക്ക് ആശുപത്രിയിൽ ചികിത്സ നിഷേധിച്ചതിനെത്തുടർന്ന് യുവാവ് മരണപ്പെട്ടു. ആശുപത്രിയ്ക്കെതിരെ ജനരോക്ഷം. അജിത്ത് എന്ന പതിനെട്ടുകാരനാണ് ആശുപത്രിയുടെ അനാസ്ഥമൂലം മരണപ്പെട്ടത്. ഷോകേറ്റ് കൊണ്ടുവന്ന രോ​ഗിയെ മുഷിഞ്ഞ വസ്ത്രങ്ങൾ ഇട്ട കോളനിക്കാർ എന്ന്പറഞ്ഞ് ജീവനക്കാർ പരിശോധിച്ചില്ല- നിങ്ങൾ സുനാമി പ്ലാന് വന്നവരല്ലേ നിങ്ങൾ മാറിനിൽക്കെന്ന് പറഞ്ഞ് നേഴ്സ്. മറ്റ് ആശുപത്രിയിലേക്ക് പോകാൻ രോഗിയെ വിട്ടുകൊടുത്തില്ല!ആശുപത്രിയ്ക്കെതിരെ ​ഗുരുതര ആരോപണം.

9 മണിക്കൂറോളം ചികിത്സ ലഭിച്ചില്ലായെന്ന് നാട്ടുകാർ. രോ​ഗിയെ മറ്റൊരു ആശുപത്രിയിലേക്ക് കൊണ്ടുപോകാൻ വേണ്ടി അംബുലൻസ് അന്വേഷിച്ചപ്പോൾ അതിൽ ഡ്രൈവറില്ലായെന്ന് അധികൃതർ. സിപിആർ മെഷീൻ ഉണ്ടോയെന്ന് ചോദിച്ചപ്പോൾ കേടാണെന്ന് മറുപടി. സാധാരണ ജനങ്ങൾക്കുവേണ്ടി സർക്കാർ നിർമ്മിച്ച് ഇത്തരം ആശുപത്രിയിൽ അടിസ്ഥാന സൗകര്യങ്ങൾ ഇല്ലായെങ്കിൽ അടച്ചുപൂട്ടമെന്ന് നാട്ടുകാർ.

അതുമല്ലെങ്കിൽ യുവാവിന്റെ മരണത്തിന് കാരണക്കാരായ ജീവനക്കാരുടെ ജോലി കളയുകയോ വേണം. ജനങ്ങൾ ആശുപത്രികളിൽ ആശ്രയിക്കുന്നത് ജീവൻ രക്ഷയ്ക്ക് വേണ്ടിയാണ് എന്നാൽ അവിടെ ചെല്ലുമ്പോൾ തരുന്നത് മെഡിക്കൽ ഷോപ്പിൽ ചെന്ന് വാങ്ങാൻ കഴിയുന്ന പാരസെറ്റാമോളും , മറ്റ് സാധാരണ ​ഗുളികകളും. അങ്ങനെയെങ്കിൽ എന്തിനാണ് ഇത്തരത്തിലൊരു ആശുപത്രി. അജിത്തിന്റെ മരണത്തിൽ ഞങ്ങൾക്ക് നീതി ലഭിക്കണം. കാരണക്കാരായ ഡോക്ടർമാരെ സസ്പെൻഡ് ചെയ്യണമെന്ന് അജിത്തിന്റെ മാതാപിതാക്കൾ.