കോതമംഗലത്ത് 3 ക്രിസ്ത്യൻ പള്ളികൾ ആക്രമിച്ച പ്രതി അറസ്റ്റിൽ

കോതമഗലത്ത് 3 ക്രിസ്ത്യൻ ദേവാലയങ്ങൾ ആക്രമിച്ചതുമായി ബന്ധപ്പെട്ട കേസിൽ പ്രതി പിടിയിൽ. മാനസിക വിഭ്രാന്തിയുള്ള നേര്യമംഗലം തലക്കോട് സ്വദേശി സിജോ എന്ന മാനസിക വിഭ്രാന്തിയുള്ള മനോജിനെയാണ് ഊന്നുകൽ പോലീസ് അതി സാഹസികമായി വലിയ അന്വഷണത്തിനൊടുവിൽ പിടികൂടിയത്. എന്നാൽ സംഭവത്തിൽ ദുരൂഹത ഉണ്ടെന്നും ഒരാൾക്ക് തനിയേ ഇതെല്ലാം ചെയ്യാൻ കഴിയില്ലെന്നും പള്ളിയുമായി ബന്ധപ്പെട്ടവർ പറയുന്നു

പിടിക്കപ്പെട്ട മാനസിക രോഗിയായ മനോജ് കൃത്യം ചെയ്തതായി പോലീസ് ഒഴിച്ച് നാട്ടുകാരോ പള്ളി ഇടവക അംഗങ്ങളോ എന്തിന് പള്ളി വികാരി പോലും പൂർണ്ണമായി വിശ്വസിക്കുന്നില്ലായെന്നതാണ് പുറത്ത് വരുന്ന വിവരങ്ങൾ. കവളങ്ങാട് പുലിയൻപാറയിലും ഊന്നുകൽ വെള്ളാമ കുത്തിലും തലക്കോട് അമ്പികാപുരത്തും കോതമംഗലം രൂപതക്ക് കീഴിലെ കത്തോലിക്കാ ആരാധനാലയങ്ങൾക്ക് നേരെ നടന്ന അക്രമം പോലീസിന് പുലിവാലായ കേസിൽ പ്രത്യേക അന്വഷണ സ്ക്കാഡ് രൂപീകരിച്ചിരുന്നു. എന്നാൽ പോലീസ് പിടിച്ച പ്രതിയെ യഥാർത്ഥത്തിൽ കേസിനു തുമ്പുണ്ടാക്കിയത് നേര്യമംഗലം സ്വദേശി എൽദോസ് എന്ന ചെറുപ്പക്കാരനാണെന്നും പറയുന്നു.