തിരുവനന്തപുരം/ കേരളത്തില്‍ ആരും പ്രഖ്യാപിക്കാത്ത ബന്ദിന്റെ പേരില്‍ സംസ്ഥാന പോലീസ് ആശയക്കുഴപ്പമുണ്ടാക്കിയ സംഭവം വിവാദമായി.
സംസ്ഥാനത്ത് ഒരു സംഘടനയും ബന്ദ് പ്രഖ്യാപിച്ചിട്ടില്ല. നാളെ ഭാരത് ബന്ദ് എന്ന് സാമൂഹിക മാധ്യമങ്ങളില്‍ വ്യാപക പ്രചാരണമുണ്ടായതോടെ സത്യമെന്തെന്നു അറിയാതെ പോലീസിനോട് മുന്‍കരുതല്‍ സ്വീകരിക്കാന്‍ ഡിജിപി അനില്‍കാന്ത് നിര്‍ദേശം നല്‍ക്കുകയായിരുന്നു. ബന്ദ് പ്രഖ്യാപിച്ച സംസ്ഥാനങ്ങള്‍ക്ക് ഉള്‍പ്പെടെ കേന്ദ്ര ആഭ്യന്തര മന്ത്രാലയം നല്‍കിയ നിർദേശത്തിനു പിറകെയായിരുന്നു ഇത്. ‘അനാവശ്യമായി കടയടപ്പിക്കുന്നവരെ അറസ്റ്റ് ചെയ്യുമെന്നാണ്’ പോലീസിന്റെ വാര്‍ത്താക്കുറിപ്പില്‍ പറഞ്ഞിരുന്നത്.
ആരും ബന്ദ് പ്രഖ്യാപിക്കാത്ത് ഒരു സംസ്ഥാനത്ത് എന്തിനാണ് പോലീസ് ജാഗ്രതാ നിര്‍ദേശം നല്‍കിയതെന്നാണ് ഉത്തരം കിട്ടാത്ത ചോദ്യം. സംഭവം ജങ്ങൾക്കിടയിൽ ആശയക്കുഴപ്പത്തിനു കാരണമായി. മുഖ്യമന്ത്രിയുടെ ഓഫീസ് അറിയാതെയാണ് പോലീസ് വാര്‍ത്താക്കുറിപ്പ് ഇറക്കിയത്. വൈദ്യുതിബോര്‍ഡ് ഓഫീസുകള്‍, കെഎസ്ആര്‍ടിസി, മറ്റ് സര്‍ക്കാര്‍ ഓഫീസുകള്‍ സ്ഥാപനങ്ങള്‍ എന്നിവയ്ക്ക് ആവശ്യമായ സുരക്ഷ നല്‍കാനാണ് ഡിജിപി നിര്‍ദേശിച്ചിരുന്നത്. സര്‍വീസ് നടത്തുന്ന സ്വകാര്യ ബസ്സുകള്‍ക്ക് പോലീസ് സുരക്ഷയും ഉറപ്പാക്കുമെന്നും, ഇന്ന് രാത്രി മുതല്‍ പ്രധാന സ്ഥലങ്ങളില്‍ പോലീസ് പിക്കറ്റിംഗും പട്രോളിംഗും ഏര്‍പ്പെടുത്തുമെന്നും ഡിജിപിയുടെ അറിയിപ്പിൽ പറഞ്ഞിരുന്നു.
ജില്ലാ പോലീസ് മേധാവിമാരുടെ നേതൃത്വത്തില്‍ റേഞ്ച് ഡിഐജിമാരും മേഖലാ ഐജിമാരും സുരക്ഷാ ക്രമീകരണങ്ങള്‍ ഏകോപിപ്പിക്കുമെന്നും, അക്രമങ്ങളില്‍ ഏര്‍പ്പെടുന്നവര്‍ക്കെതിരെ കര്‍ശന നടപടികള്‍ സ്വീകരിക്കാന്‍ ക്രമസമാധാന വിഭാഗം എഡിജിപിക്ക് നിര്‍ദേശം നല്‍കിയെന്നും വാര്‍ത്താക്കുറിപ്പിൽ പറഞ്ഞിരുന്നു.
അഗ്നിപഥ് പദ്ധതിക്കെതിരെയുള്ള പ്രതിഷേധങ്ങളുടെ ഭാഗമായി ഏതാനും സംഘടനകള്‍ തിങ്കളാഴ്ച്ച ഭാരത് ബന്ദ് പ്രഖ്യാപിച്ചെന്ന പ്രചാരണത്തിന്റെ അടിസ്ഥാനത്തിലാണ് പോലീസിനോട് സജ്ജമായിരിക്കാന്‍ ഡിജിപി അനില്‍കാന്ത് നിര്‍ദേശിക്കുകയായിരുന്നു. പോലീസിനുള്ള മാര്‍ഗനിര്‍ദേശങ്ങളും ഇതിന് പിന്നാലെ ഡിജിപി നൽകുകയുണ്ടായി. സമൂഹ മാധ്യമങ്ങളില്‍ ഭാരത് ബന്ദുണ്ടെന്ന് പ്രചാരണമുണ്ടായിരുന്നു. എന്നാല്‍ ഒരു സംഘടനയും ഔദ്യോഗികമായി പ്രഖ്യാപനം നടത്തിയില്ല എന്നതാണ് യാഥാർഥ്യം. പോലീസിന്റെ അനാവശ്യ ജാഗ്രത നിര്‍ദേശം മൂലം ബന്ധുണ്ടെന്ന ധാരണ ജങ്ങൾക്കിടയിൽ സൃഷ്ടിക്കപ്പെടുകയാണ് ഉണ്ടായത്.
ബിഗ് ബോസ് മലയാളം സീസൺ ആറ് ആരംഭിച്ചത് മുതൽ ഷോയ്ക്ക് ഏറ്റവും കൂടുതൽ കണ്ടന്റുകൾ നൽകിയിട്ടുള്ളതും ഊർജ്വസ്വലതയോടെ കളിച്ചിട്ടുള്ളതുമായ മത്സരാർത്ഥിയാണ്…
കേരളത്തിലെ സാമൂഹിക യാഥാര്‍ത്ഥ്യങ്ങളെ കുറിച്ച് തുറന്നു പറയുന്നതിന്റെ പേരില്‍ രക്തസാക്ഷിയാകാനും തയാറെന്ന് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പളളി നടേശന്‍.…
കൊല്ലം എംസി റോഡിൽ പന്തളം മാന്തുകയിൽ വാഹനാപകടത്തിൽ 4 പേർക്ക് പരിക്ക്. ചെങ്ങന്നൂർ ബുധനൂർ സ്വദേശി പ്രസന്നനും കുടുംബവും സഞ്ചരിച്ചിരുന്ന…
കുവൈറ്റിൽ ഉണ്ടായ തീപിടുത്തത്തിൽ മരിച്ച പത്തനംതിട്ട കീഴ് വായ്പ്പൂര് സ്വദേശി സിബിൻ ടി എബ്രഹാം, കോന്നി അട്ടച്ചാക്കൽ സ്വദേശി സജു…
കോൺഗ്രസ് നേതാവ് രാഹുൽ ഗാന്ധി വയനാട് മണ്ഡലമാണോ റായ്ബറേലിയാണോ നിലനിർത്തുക എന്നതിൽ തീരുമാനം ഉടനുണ്ടാകും. വയനാട് ഒഴിയുകയും റായ്ബറേലി നിലനിർത്തുകയും…
ത്യാഗത്തിന്‍റെയും സമര്‍പ്പണത്തിന്‍റെയും സ്മരണയില്‍ ഇസ്‍ലാംമത വിശ്വാസികള്‍ക്ക് ഇന്ന് ബലിപെരുന്നാള്‍. ബലികര്‍മമുള്‍പ്പെടെയുള്ള ചടങ്ങുകള്‍ക്കൊപ്പം കുടുംബ സന്ദര്‍ശനവും സൗഹൃദം പുതുക്കലുമായി വിശ്വാസികള്‍ ആഘോഷ…