ഒരു ആ​ഗ്രഹം തോന്നിയാൽ പാതിവഴിയിൽ ഉപേക്ഷിക്കരുതെന്ന് അച്ഛൻപറയുമായിരുന്നു, ആ ഉപദേശമാണ് മുന്നോട്ടുനയിക്കുന്നത്- ദിലീപ്

മലയാളികളുടെ ജനപ്രിയനായകനാണ് ദിലീപ്. ഒട്ടനവധി ച്ത്രങ്ങളിലൂ‍ടെ പ്രേക്ഷകരുടെ മനസ്സിൽ കുടിയേറിപ്പാർത്ത താരത്തിന് ജീവിതത്തിൽ അടുത്തിടെ വലിയ തകർച്ചകൾ നേരിട്ടിരുന്നു. എന്നാലും സിനിമ ജീവിതത്തിൽ വെച്ചടി കയറ്റമാണ്.. മാനത്തെ കൊട്ടാരം മുതൽ നിരവധി ചിത്രങ്ങളിൽ നായകനായി. കുഞ്ഞിക്കൂനൻ, ചാ‌ന്ത്‌പൊട്ട് എന്നീ ചിത്രങ്ങളിലെ അഭിനയം വളരെയെറെ പ്രശംസ പിടിച്ചു പറ്റി. ഇപ്പോളിതാ പരീക്ഷക്ക് തോറ്റപ്പോൾ അച്ഛൻ നൽകിയ ഉപദേശത്തെക്കുറിച്ച് തുറന്നുപറയുകയാണ് താരം.

ജീവിതത്തിൽ ഒരു ആഗ്രഹം തോന്നിയാൽ ഒരിക്കലും അത് പാതിവഴിയിൽ ഉപേക്ഷിക്കരുതെന്ന് പറഞ്ഞു കൊണ്ടായിരുന്നു ഏഴാം ക്ലാസിൽ തോറ്റ കാര്യം താരം വെളിപ്പെടുത്തിയത്. . ഈ വിവരം അറിയുമ്പോൾ എന്നെ അച്ഛൻ ഭയങ്കരമായി അടിക്കുമെന്നാണ് വിചാരിച്ചത്. എന്നാൽ അന്ന് അച്ഛൻ എന്നെ വിളിച്ച് തലയിൽ തലോടിയിട്ട് പറഞ്ഞു… വിഷമിക്കേണ്ട, പരാജയം എന്നത് വിജയത്തിന്റെ മുന്നോടിയാണ്. പിന്നീട് ഞാൻ ഒരു ക്ലാസിലും തോറ്റിട്ടില്ല. ഇതിൽ നിന്ന് ഞാൻ പറയുന്നത് ഇത്രമാത്രമാണ്.

എന്തൊക്കെ പ്രശ്നങ്ങൾ ജീവിതത്തിൽ സംഭവിച്ചാലും ആഗ്രഹത്തിൽ നിന്ന് മാറി ചിന്തിക്കുകയോ പതറുകയോ ചെയ്യരുത്. ലഭിക്കുന്ന അവഗണനയും വിമർശനങ്ങളും വളമായി എടുക്കുക. നമ്മൾ ലക്ഷ്യസ്ഥാനത്തിലേയ്ക്ക് അടുക്കുക തന്നെ ചെയ്യും.. ചെറുപ്പം മുതലെയുള്ള എന്റെ ആഗ്രഹമായിരുന്നു സിനിമയിൽ അഭിനയിക്കുക എന്നത്. ഭാഗ്യം കൊണ്ട് എനിയ്ക്ക് സിനിമയിൽ അഭിനയിക്കാൻ പറ്റി. പ്രശ്നങ്ങളും തടസങ്ങളുമൊക്കെയുണ്ടാകും ആഗ്രഹങ്ങൾ ഒരിക്കലും കുഴിച്ച് മൂടരുതെന്നും ദിലീപ് പറയുന്നുണ്ട്.