കേരളം ഇന്നുവരെ കൈകാര്യം ചെയ്തിട്ടില്ലാത്ത ഒരു ദുരന്തത്തെയാണ് കൊച്ചിയിൽ ഇന്ന് വെള്ളമൊഴിച്ച് കെടുത്താൻ ശ്രമിക്കുന്നത്. ബ്രഹ്മപുരത്തെ മാലിന്യ പ്ലാന്റിലെ തീപിടിത്തം ഒരു ജനതയെ തന്നെ ശ്വാസംമുട്ടിക്കുകയാണ്. നഗരത്തിലെ വായു മണ്ണ് വെള്ളം എല്ലാം മലിനപ്പെട്ട അവസ്ഥ. കൊച്ചിയെയാകമാനം ബാധിക്കാൻ പോകുന്ന വലിയ വിപത്താണെന്ന് പരിസ്ഥിതി വിദഗ്ധർ പറയുന്നു.
മാലിന്യപ്ലാന്റിൽ നിന്ന് അന്തരീക്ഷത്തിലേക്ക് വൻതോതിൽ വന്നുചേർന്ന വിഷവാതകമായ ഡയോക്സിൻ വലിയൊരു അളവിൽ പ്രദേശമാകെ പടർന്നു കഴിഞ്ഞു. കാറ്റ് പോയിടത്തും വെള്ളം ഒഴുകുന്നിടത്തുമെല്ലാം ഡയോക്സിൻ ഹാനികരമായി മാറുമെന്നും ആണവ മാലിന്യം പോലെ തന്നെ അപകടമാണ്ഇതും.
സ്ഥിരമായ പാരിസ്ഥിതിക മലിനീകരണ ഘടകങ്ങളായ ഒരു കൂട്ടം രാസ സംയുക്തങ്ങളാണ് ഡയോക്സിനുകൾ.
അന്തരീക്ഷത്തിൽ പടർന്ന ഡയോക്സിനെ ഇനി തിരിച്ചു പിടിക്കാനാവില്ല. അന്തരീക്ഷത്തിൽ എത്രയളവിൽ ഡയോക്സിനുകൾ വ്യാപിച്ചുവെന്ന് അറിയാൻ കഴിയില്ലെന്നും ശാസ്ത്രവിദഗ്ധർ പറയുന്നു. ഡയോക്സിന്റെ പ്രത്യാഘാതം വളരെ വലുതാണ്. കണ്ണെരിച്ചൽ, ശ്വാസതടസം, തൊലിപ്പുറത്തെ ചൊറിച്ചിൽ എന്നിവയാണ് ഡയോക്സിൻ ശ്വസിച്ചാലുണ്ടാകുന്ന സാധാരണ ലക്ഷണങ്ങൾ. ഇതെല്ലം കൊച്ചിയിലെ ജങ്ങൾക്ക് അനുഭവപ്പെടുന്നുണ്ട്.
ഡയോക്സിൻ ശരീരത്തിന്റെ പ്രവർത്തനത്തെ സാരമായി ബാധിക്കുന്നു. ഇവ കാൻസർ, ആസ്മ, അലർജി പോലുള്ളവക്കും കാരണമായേക്കാമെന്ന് ആരോഗ്യവിദഗ്ധർ ചൂണ്ടിക്കാട്ടുന്നു. കുട്ടികളിലെ രോഗപ്രതിരോധ ശേഷി, സ്വാഭാവിക വളർച്ച എന്നിവയേയും ഈ വാതകം ബാധിക്കും. പതിവായി ഡയോക്സിനുകൾ കലർന്ന അന്തരീക്ഷത്തിൽ കഴിയുന്നവർക്ക് അർബുദസാധ്യത വരെ ഉണ്ടാകും.
വളർന്ന് വരുന്ന ആൺകുട്ടികളിൽ ഉദ്ധാരണക്കുറവ്, പുരുഷ ഹോർമോണുകളുടെ കുറവ്, ഭ്രൂണത്തെ വഹിക്കാൻ ഗർഭപാത്രത്തിന് ശക്തിയില്ലാതെ ഇരിക്കുക, ക്രമമല്ലാത്ത ആർത്തവ ചക്രം, മുലപ്പാലിന്റെ കുറവ്, ചെറുപ്രായത്തിൽ വരുന്ന സ്തന അണ്ഡാശയ കാൻസർ വന്ധ്യത പ്രശ്നങ്ങൾ, എന്നിവയ്ക്കും ഡയോക്സിനുകൾ കാരണമാകും. 2002-ൽ ബ്രഹ്മപുരത്ത് നടന്ന തീപിടിത്തിൽ നടത്തിയ പഠനത്തിൽ ഡയോക്സിൻ വലിയൊരു അളവിൽ അന്തരീക്ഷത്തിലുണ്ടെന്ന് കണ്ടെത്തിയിരുന്നു.
കൊച്ചി: ഗുഡ്സ് ട്രെയിനിന് മുകളില് കയറിയ യുവാവിന് ഗുരുതരമായി പൊള്ളലേറ്റ സംഭവത്തിൽ അസ്വാഭാവിക മരണത്തിനു കേസെടുത്ത് പൊലീസ്. ഇടപ്പള്ളി റെയില്വെ…
മുറിവ് ഗാനത്തെക്കുറിച്ച് സമൂഹ മാധ്യമങ്ങളിൽ നടക്കുന്ന ചർച്ചകളിൽ പ്രതികരിച്ച് ഗായിക ഗൗരി ലക്ഷ്മി. എന്റെ പേര് പെണ്ണ് എന്നുതുടങ്ങുന്ന ഗാനത്തിനെതിരെ…
തിരുവനന്തപുരം: സംസ്ഥാനത്ത് ഇന്നും ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. ഇതിന്റെ ഭാഗമായി ഇന്ന് നാല് ജില്ലകളില് മഴ…
മൂന്നാം വട്ടം ഇന്ത്യയുടെ പ്രധാനമന്ത്രിയായി തെരഞ്ഞെടുക്കപ്പെട്ട ശേഷമുള്ള നരേന്ദ്ര മോദിയുടെ റഷ്യൻ സന്ദർശനത്തിന് ഇന്ന് തുടക്കം. ഇന്ത്യ - റഷ്യ…
തിരുവനന്തപുരം: പാർട്ടി അംഗങ്ങൾ ക്ഷേത്ര കാര്യങ്ങളിൽനിന്ന് വിട്ടുനിൽക്കരുതെന്ന് സിപിഎം സംസ്ഥാന സെക്രട്ടറി എംവി ഗോവിന്ദൻ. പാർട്ടി അംഗങ്ങൾ പോയില്ലെങ്കിലും അനുഭാവികൾ…
കോഴിക്കോട്: തിരുവമ്പാടിയിൽ റസാഖിന്റെ വീട്ടിലെ വൈദ്യുത ബന്ധം കെഎസ്ഇബി പുനഃസ്ഥാപിച്ചു. വീട്ടിൽ രാത്രിയോടെ കെഎസ്ഇബി ഉദ്യോഗസ്ഥരെത്തി ആണ് വിച്ഛേദിച്ച കണക്ഷൻ…