ദിവ്യ ഉണ്ണിയുടെ കുടുംബത്തിൽ വീണ്ടുമൊരു ആഘോഷം കൂടി, ആശംസ നേർന്ന് ആരാധകർ

മലയാളി പ്രേക്ഷകരുടെ ഇഷ്ട നായികമാരില്‍ ഒരാളായിരുന്നു ദിവ്യ ഉണ്ണി. ഒട്ടേറെ സൂപ്പര്‍ ഹിറ്റ് ചിത്രങ്ങളുടെ ഭാഗമായിട്ടുള്ള ഈ നടി മിനി സ്‌ക്രീനിലും പ്രത്യക്ഷപ്പെട്ടിട്ടുണ്ട്. എന്നാല്‍ താരത്തിന്റെ ആദ്യ വിവാഹം പരാജയമായതോടെ താരം കഴിഞ്ഞ വര്‍ഷം വീണ്ടും വിവാഹിതയായിരുന്നു. ജനുവരി 14 നായിരുന്നു ദിവ്യയ്ക്ക് കുഞ്ഞ് ജനിക്കുന്നത്. ഐശ്വര്യ എന്നാണ് കുഞ്ഞിന് പേരിട്ടിരിക്കുന്നത്.

വിവാഹം കഴിഞ്ഞതുമുതല്‌‍ ദിവ്യ ഉണ്ണിക്ക് ആഘോഷങ്ങളുടെ ദിനങ്ങൾ തന്നെയാണ് മകളുടെ ജനനവും വിവാഹവാർഷികവുമെല്ലാം ​ഗംഭീരമായി തന്നെ ആഘോഷിച്ചു. സോഷ്യൽ മീഡിയയിൽ സജീവമായിട്ടുള്ള താരത്തിന്റെ വീട്ടിൽ ഇന്നും ആഘോഷമാണ്. തന്‌റെ പ്രിയതമന്റെ ജന്മദിനമാണ് ഇന്നെന്ന് ആരാധകരുമായി പങ്കുവെച്ചു.

സുഹൃത്തും എല്ലാമെല്ലാമായ പ്രിയപ്പെട്ടവന് പിറന്നാളാശംസ, നിങ്ങളുടെ എല്ലാ സ്വപ്‌നവും സഫലമാവട്ടെയെന്നായിരുന്നു ദിവ്യ ഉണ്ണി കുറിച്ചത്. ഭര്‍ത്താവിനെ ടാഗ് ചെയ്തുള്ള പോസ്റ്റ് ഇതിനകം തന്നെ വൈറലായി മാറിക്കഴിഞ്ഞിട്ടുമുണ്ട്. നിരവധി പേരാണ് ചിത്രത്തിന് കീഴില്‍ കമന്റുകളുമായെത്തിയിട്ടുള്ളത്. ക്യൂട്ട് ഫോട്ടോയാണ് ഇതെന്നും ആരാധകര്‍ പറഞ്ഞിരുന്നു.

2018 ലായിരുന്നു ദിവ്യ ഉണ്ണി വിവാഹിതയാകുന്നത്. ഭർത്താവ് വരുണ്‍ എന്‍ജീനയറാണ്. അമേരിക്കയിലെ ഹൂസ്റ്റണിലാണ് താമസം. ആദ്യ വിവാഹത്തില്‍ ദിവ്യക്ക് രണ്ട് മക്കളുണ്ട്. 2017 ലായിരുന്നു വിവാഹമോചനം നേടിയത്.

ഒരുകാലത്ത് മലയാള സിനിമയില്‍ നിറഞ്ഞുനിന്നിരുന്ന അഭിനേത്രികളിലൊരാളാണ് ദിവ്യ ഉണ്ണി. നൃത്തത്തെ ജീവവായുവായി കൊണ്ടുനടന്നിരുന്ന ഈ അഭിനേത്രി വ്യക്തി ജീവിതത്തിലെ ചില പ്രതിസന്ധികളെ ശക്തമായി നേരിട്ട് പൂർവാധികം ശക്തിയോടെ തിരിച്ചെത്തിയിരിക്കുകയാണ് ‍. അമേരിക്കയില്‍ സ്വന്തമായി നൃത്തവിദ്യാലയം നടത്തുന്നുണ്ട് താരം.