വരന് കേരളത്തിലേക്കുള്ള പാസ് ലഭിച്ചില്ല, വിവാഹം നടന്നത് ചെക് പോസ്റ്റില്‍

കോവിഡ് വ്യാപനത്തിന്റെ പശ്ചാത്തലത്തില്‍ ലോക്ക് ഡൗണ്‍ പ്രഖ്യാപിച്ചതോടെ പല ആഘോഷങ്ങളും ഉപേക്ഷിക്കും വേണ്ടെന്ന് വയ്ക്കുകയും ചെയ്തു. ഉത്സവങ്ങളും പെരുന്നാളുകളും മാറ്റി വെച്ചു. പല വിവാഹങ്ങളും മാറ്റി വെച്ചു. ചില വിവാഹങ്ങള്‍ ആരോഗ്യ വകുപ്പിന്റെ നിര്‍ദേശങ്ങള്‍ പാലിച്ച് നടന്നു. എന്നാല്‍ ഒരു വിവാഹം നടന്നത് ചെക് പോസ്റ്റിലാണ്. കേരളത്തിലേക്ക് എത്താന്‍ വരന് പാസ് ലഭിക്കാതെ വന്നതോടെ കുമളി ചെക് പോസ്റ്റില്‍ വെച്ച് വിവാഹം നടക്കുകയായിരുന്നു.

കോട്ടയം സ്വദേശിയായ യുവതിക്ക് വരന്‍ തമിഴ്‌നാട് സ്വദേശി ആയിരുന്നു. കേരളത്തിലേക്ക് കടക്കാന്‍ വരന് പാസ് ലഭിച്ചില്ല. ഇതോടെ കുമളി ചെക് പോസ്റ്റില്‍ വെച്ച് വിവാഹം നടത്തുകയായിരുന്നു. വിവാഹത്തിന് ശേഷം വരനും വധുവും നാട്ടിലേക്ക് മടങ്ങി. തമിഴ്‌നാട് കമ്പത്ത് സ്ഥിരതാമസമാക്കിയ രത്‌ന സെല്‍വറാണി ദമ്പതികളുടെ മകന്‍ പ്രദീപായിരുന്നു വരന്‍. കോട്ടയം സ്വദേശി ഗായത്രി ആയിരുന്നു വധു.

വണ്ടിപ്പെരിയാര്‍ വാളാര്‍ഡി ക്ഷേത്രത്തില്‍ വെച്ച് വിവാഹം നടത്താനായിരുന്നു നിശ്ചയിച്ചിരുന്നത്. വരന്റെ വീട്ടുകാര്‍ വിവാഹത്തിനായി അഞ്ച് പേര്‍ക്ക് പാസ് എടുത്തു. എന്നാല്‍, കേരളത്തിലേയ്ക്ക് കടക്കാന്‍ വരനും തമിഴ്‌നാട്ടിലേക്ക് പോകാന്‍ വധുവിനും പാസ് ലഭിച്ചില്ല. ഇതോടെ പാതു പ്രവര്‍ത്തകരുടെയും, ഉദ്യോഗസ്ഥരുടെയും ഇടപെടലിനെ തുടര്‍ന്ന് വിവാഹം അതിര്‍ത്തിയില്‍ നടത്തുകയായിരുന്നു. അതിര്‍ത്തിയിലുണ്ടായിരുന്ന ഉദ്യോഗസ്ഥരും മറ്റും ചേര്‍ന്ന് വിവാഹം ഗംഭീരമാക്കുകയായിരുന്നു.

സാമൂഹ്യ അകലം പാലിച്ചുള്ള വിവാഹത്തിന് കേരളത്തിലെ ഉദ്യോഗസ്ഥര്‍ അനുമതി നല്‍കിയതോടെ ഇവര്‍ വിവാഹം കമ്പത്തേക്ക് മാറ്റി.