രാജീവ് ചന്ദ്രശേഖറിനൊപ്പം ഇ പി ജയരാജന്റെ ഭാര്യ ഇന്ദിര-പോലീസ് കേസെടുത്തു

ഇ പി ജയരാജന്റെ റിസോട്ടിൽ രാജീവ് ചന്ദ്രശേഖറിനു നിക്ഷേപം ഉണ്ട് എന്ന രീതിയിൽ നടത്തുന്ന പ്രചരണങ്ങൾക്ക് തിരിച്ചടി. കേന്ദ്രമന്ത്രി രാജീവ് ചന്ദ്രശേഖറിനൊപ്പം ഇ പി ജയരാജന്റെ ഭാര്യ ഇന്ദിര ഇരിക്കുന്ന മോർഫ് ചെയ്ത ചിത്രം പ്രചരിപ്പിച്ചതിനെതിരേ പോലീസ് കേസെടുത്തു

കോൺഗ്രസ് അനുകൂല സൈബർ ഗ്രൂപ്പുകളിലാണ്‌ ചിത്രം മോർഫ് ചെയ്ത് വന്നത്.രാജീവ് ചന്ദ്രശേഖറിനെതിരെ തിരിവനന്തപുരത്ത് ഈ ചിത്രം കോൺഗ്രസ് അനുകൂല ആളുകൾ പ്രചാരണത്തിനും ഉപയോഗിച്ചിരുന്നു

ജയരാജന്റെ ഭാര്യ ഇന്ദിര നൽകിയ പരാതിയിൽ വളപട്ടണം പോലീസാണ് എഫ്ഐആർ റജിസ്റ്റർ ചെയ്തിരിക്കുന്നത്. തിരുവനന്തപുരം സ്വദേശിയായ കോൺഗ്രസ് പ്രവർത്തകനെതിരേയാണ് കേസ്. ഐപിസി 153, 465 തുടങ്ങിയ വകുപ്പുകളാണ് ചുമത്തിയിരിക്കുന്നത്.