അമ്മച്ചി കൂടി വേണമായിരുന്നു, അപ്പനോടൊപ്പം ജന്മദിനം ആഘോഷമാക്കി സുഹാന

മലയാളികൾക്ക് സുപരിചിതനാണ് ബഷീർ ബഷി. ബിഗ് ബോസ് ഷോയിൽ എത്തിയതോടെയാണ് താരം ഏറെ ശ്രദ്ധിക്കപ്പെടുന്നത്. ബിഗ്‌ബോസ് അവസാനിച്ച ശേഷം യൂട്യൂബ് ചാനലിലൂടെ താരം വിശേഷങ്ങളുമായി എത്തി. താരത്തിന്റെ ഭാര്യമാരും കുട്ടികളും എല്ലാം ഇപ്പോൾ മലയാളികൾക്ക് സുപരിചിതരാണ്. കുടുംബത്തിലെ എല്ലാവർക്കും യൂട്യൂബ് ചാനലുണ്ട്. ബഷീറിന്റെ ഭാര്യ മഷൂറ ഡെയ്‌ലി വ്‌ളോഗുകളുമായി സജീവമാണ്.

സുഹാനയുടെ ജന്മദിനത്തിന്റെ ആഘോഷമാണ് ഇരുവരും പങ്കുവച്ചിരിക്കുന്നത്. നോമ്പിന്റെ ഇടയിൽ ഉള്ള ആഘോഷമായതിനാൽ പരിമിതികൾ ഉണ്ട് എന്ന് പറഞ്ഞുകൊണ്ട് ആണ് വീഡിയോ ആരംഭിക്കുന്നത്. ഇത്തവണ വിഡിയോയിൽ സുഹാനയുടെ അപ്പനെയും കാണിക്കുന്നുണ്ട്. സുഹാനയെ അപ്പൻ വിഷ് ചെയ്യുന്നതും വിഡിയോയിൽ കാണാം. ഇതുപോലെ ഒരു മൊമെന്റ് ജീവിതത്തിൽ ആദ്യമായിട്ട് ആണ് എന്ന് സുഹാന പറയുന്നുണ്ട്. അപ്പൻ മകൾക്ക് ഉമ്മ കൊടുക്കുകയും ചേർത്ത് നിർത്തുകയും ചെയ്യുന്നുണ്ട്.

അപ്പന്റെ മകൾ ഇവിടെ ജീവിക്കുന്നത് കണ്ടിട്ട് അപ്പൻ ഹാപ്പി അല്ലേ? അപ്പന് അറിയാം അവളുമായിട്ട് ഞങ്ങൾ ഇവിടെ എത്രത്തോളം ഹാപ്പി ആയിട്ടാണ് ജീവിക്കുന്നത് എന്ന്. അപ്പൻ ഇവിടെ കുറെ ദിവസമായിട്ട് നിൽക്കുന്നത് ആണ്. അപ്പനും ഹാപ്പി ആണ്‌” എന്ന് ബഷീർ പറയുമ്പോൾ എന്റെ മോൾ സന്തോഷമായിട്ട് ജീവിക്കുവാണ്‌” എന്നാണ് സുഹാനയുടെ അപ്പൻ പറയുന്നത്.

അപ്പനും കൂടെ ഉള്ള സ്ഥിതിക്ക് അമ്മച്ചി കൂടി വേണമായിരുന്നു എന്ന് തോന്നിപോകും. അമ്മച്ചി ഉണ്ടായിരുന്നേൽ പൊളിച്ചേനെ, അമ്മച്ചി നല്ല വൈബ് ആണ്. മഷൂറയെയും മഷൂന്റെ ഉമ്മിയെയും പോലെയൊക്കെയുള്ള ഒരു വൈബ് ആണ് എന്റെ അമ്മച്ചി. അമ്മച്ചിയെ ഞാൻ രാവിലെ മുതൽ ഓർക്കുന്നുണ്ട്. അമ്മച്ചിയ്ക്ക് വേണ്ടി പ്രാർത്ഥിക്കുകയും ചെയ്തിട്ടുണ്ട്” എന്നാണ് സുഹാന പറയുന്നത്.