മരുമകന്‍ വന്നിട്ട് ഒന്ന് നാട് കാണിച്ചില്ലെന്ന് വേണ്ട; നിങ്ങളുടെ വിദേശയാത്ര ജനങ്ങള്‍ക്ക് വേണ്ടിയാണല്ലോ എന്നോര്‍ത്ത് ആശ്വസിക്കാം; ഇവ ശങ്കര്‍

മുഖ്യമന്ത്രി പിണറായി വിജയനും വിദ്യാഭ്യാസ മന്ത്രി വി ശിവന്‍കുട്ടിയും യൂറോപ്പ് സന്ദര്‍ശിക്കാനൊരുങ്ങുകയാണ്. കൂടാതെ മുഖ്യന്റെ മരുമകനും പൊതുമരാമത്ത് മന്ത്രിയുമായ മുഹമ്മദ് റിയാസ് പാരീസും സന്ദര്‍ശിക്കാനൊരുങ്ങുകയാണ്. സംസ്ഥാനം കടുത്ത സാമ്പത്തിക മാന്ദ്യത്തില്‍ ബുദ്ധിമുട്ടുമ്പോള്‍ മന്ത്രിമാരുടെ വിദേശ സന്ദര്‍ശനം വിവാദമാകുകയാണ്. ഇപ്പോഴിതാ ഇതിനെപ്പറ്റി ഇവ ശങ്കര്‍ പങ്കുവെച്ച കുറിപ്പ് വൈറലാവുകയാണ്.
കുറിപ്പ് വായിക്കാം…

മിസ്റ്റർ മുഖ്യമന്ത്രി, ജനങ്ങൾക്ക്‌ വേണ്ടിയാണല്ലോ നിങ്ങളുടെ കുടുംബവും പേറി വിദേശത്തേക്ക് എന്ന് ഓർക്കുമ്പോഴാ ഒരു ആശ്വാസം.വിദ്യാഭ്യാസ മന്ത്രി ശിവൻകുട്ടിയും കൂടെ ഉള്ളതുകൊണ്ട് ഭാഷ ഒന്നിനും ഒരു തടസ്സമാകില്ല..
ഇതിനു മുൻപും മുഖ്യമന്ത്രിയും സംഘവും വിദേശത്ത് പോയി പഠിച്ചിട്ട് ഇവിടെ എന്ത് മാറ്റമാണ് ഉണ്ടാക്കിയതെന്നു മുഖ്യൻ ഒന്ന് പറഞ്ഞിരുന്നേൽ നന്നായിരുന്നു.അവസാനം വെള്ളത്തെ കുറിച്ച് പഠിക്കാൻ പോയിട്ട് വന്ന് ജനങ്ങളെ വെള്ളത്തിലാക്കിയ പരിപാടി ആണേൽ ഇനി അത് വേണ്ട.

പിണറായി സർക്കാരിന്റെ പോലുള്ള ഒരു മോശം ഭരണം കേരളം ഇതുവരെ കണ്ടിട്ടില്ല,കോവിഡ് എന്നാ മഹാമാരി ജനങ്ങളിൽ ഉണ്ടാക്കിയ നഷ്ടങ്ങളിൽ നിന്നും ജനങ്ങൾ ഇപ്പോഴും മുക്തരായിട്ടില്ല, ഇവിടെ പാവപെട്ടവനു ജോലിയില്ല, ജീവിക്കാൻ പൈസയില്ല, തല ചായ്ക്കാൻ വീടില്ല, സമാധാനമില്ല,നാട്ടിൽ ആണേൽ അക്രമവും ഗുണ്ടായിസവും..സ്വർണക്കടത്തും, മയക്കുമരുന്നും..

നാട് നന്നാക്കാൻ വേണ്ടിയാണേൽ എഴുത്തും വായനയും അറിയാത്ത, വിദ്യാഭാസ മന്ത്രിയെയോ, കുതന്ത്രന്തങ്ങൾ മാത്രമുള്ള മരുമകനേയും കൊണ്ട് വിദേശത്ത് പോകേണ്ടതില്ല,നാട് നന്നാക്കൽ ആണ് ലക്ഷ്യമെങ്കിൽ ഇവിടുത്തെ രീതികൾ തന്നെ ധാരാളമാണ്.പാവപ്പെട്ടവന്റെ ചോര നീരാക്കിയ നികുതി പണംആണ് തങ്ങൾ ഉപയോഗിക്കുന്നത് എന്നുള്ള ബോധവും, നല്ല മനസും,അതിനൊപ്പം സമാധാനപരമായ അന്തരീക്ഷവും ഭരണവും ഉണ്ടെങ്കിൽ നാട് നന്നായിക്കൊള്ളും.

ഇനി അതല്ല.മരുമകൻ വന്നിട്ട് ഒന്ന് നാട് കാണിച്ചില്ല എന്ന ബോധം ആണെങ്കിൽ മുഖ്യനും കുടുംബത്തിനും സ്വന്തം ചിലവിൽ പോകാം വിദേശ പര്യടനത്തിന്..
.രാഷ്ട്രീയക്കാർ വിദേശത്തേക്ക് പോകുന്നതിൽ ഒരു തെറ്റുമില്ല പക്ഷെ വെറുതെ മാതൃകകൾ പഠിക്കാൻ എന്നൊക്കെ പറഞ്ഞു ആൾക്കാരെ പൊട്ടന്മാർ ആക്കരുത് അത്രമാത്രം…