ദേശീയപാത നിര്‍മാണത്തിനുള്ള മണ്ണെടുപ്പ് വീണ്ടും തുടങ്ങി, പ്രതിഷേധവുമായി നാട്ടുകാര്‍

ആലപ്പുഴ. ദേശീയ പാത നിര്‍മാണത്തിനായി നടക്കുന്ന മണ്ണെടുപ്പിനെ ചൊല്ലി തര്‍ക്കം നിലനില്‍ക്കുന്ന ആലപ്പുഴ നൂറനാട് മറ്റപ്പള്ളിയില് വീണ്ടും മണ്ണെടുപ്പ് ആരംഭിച്ചു. ഇവിടെ നിന്നും കുന്നിടിച്ചാണ് മണ്ണെടുക്കുന്നത്. ലോറികള്‍ തടയുമെന്നാണ് നാട്ടുകാര്‍ പറയുന്നത്. സ്ഥലത്ത് വലിയ പോലീസ് സന്നാഹവും ഒരുക്കിയിട്ടുണ്ട്.

പ്രദേശത്ത് കഴിഞ്ഞ വെള്ളിയാഴ്ച സംഘര്‍ഷം ഉണ്ടായിരുന്നു. മണ്ണെടുപ്പ് സംബന്ധിച്ച ഹൈക്കോടതി ഉത്തരവ് പാലിക്കണമെന്ന് തഹസില്‍ദാര്‍ വ്യക്തമാക്കി. പ്രതിഷേധം ഉണ്ടായാല്‍ നേരിടാനുള്ള എല്ലാ സന്നാഹവുമുണ്ട്. നാട്ടുകാര്‍ സഹകരിക്കണമെന്നും സഹസിദാര്‍ പറഞ്ഞു.