പലപ്പോഴും വിദ്യാര്ത്ഥികള്ക്ക് പാഠം പറഞ്ഞുകൊടുക്കുന്നവര് അവര്ക്ക് ദൈവ തുല്യമാണ്. തൂപ്പുകാരിയില് നിന്നും ഇംഗ്ലീഷ് അധ്യാപികയിലേക്ക് എത്തിയ ലിന്സ എന്ന അധ്യാപികയുടെ ജീവിത കഥയാണ് സോഷ്യല് മീഡിയകളില് പ്രചരിക്കുന്നത്. തൂപ്പുകാരിയായി ജോലി ചെയ്തിരുന്ന അതേ സ്കൂളിലെ ഇംഗ്ലീഷ് അധ്യാപികയാണ് ലിന്സ.
ലിന്സയെ കുറിച്ച് സോഷ്യല് മീഡിയയില് പ്രചരിക്കുന്ന കുറിപ്പ് ഇങ്ങനെ;
തൂപ്പുകാരിയില്നിന്നും ഇംഗ്ലീഷ് ടീച്ചറിലേക്ക് ലിന്സ. ബിഗ് സല്യൂട്ട്. ‘തൂപ്പുകാരിയുടെ ജോലിയില് നിന്നും അതേ വിദ്യാലയത്തിലെ ഇംഗ്ലീഷ് അധ്യാപികയായി മാറിയ കാഞ്ഞങ്ങാട് ഇക്ബാല് ഹയര്സെക്കണ്ടറി സ്കൂളിലെ അദ്ധ്യാപിക ലിന്സ നമുക്ക് ഒരു മാതൃക തന്നെയാണ്. അര്പ്പണബോധത്തോടെ, ആത്മാര്ത്ഥതയോടെ, ലക്ഷ്യബോധത്തോടെ പഠിക്കാനുള്ള മനസ്സുണ്ടെങ്കില് ആഗ്രഹിച്ച ജോലി നേടാം എന്നതിന്റെ ഉദാഹരണമാണ് ലിന്സ.
2001 ലാണ് കാഞ്ഞങ്ങാട് ഇഖ്ബാല് ഹയര് സെക്കന്ഡറി സ്കൂളിലെ സംസ്കൃത അധ്യാപകനായ രാജന് മരിക്കുന്നത്. അന്ന് അദ്ദേഹത്തിന്റെ മൂത്തമകള് ലിന്സ അവസാന വര്ഷ ഡിഗ്രി വിദ്യാര്ത്ഥിയായിരുന്നു. ഇളയമകന് ഒമ്പതാം ക്ലാസിലും. ലിന്സ ബിഎ പാസാവാത്തതിനാല് വിദ്യാഭ്യാസ യോഗ്യത കണക്കാക്കി സ്കൂളില് തൂപ്പുജോലിക്കാരിയായി നിയമനം ലഭിച്ചു. അച്ഛന്റെ വരുമാനം നിന്നതോടെ വീടുനോക്കാന് ജോലി അത്യാവശ്യമായതിനാല് ലിന്സ ആ ജോലി സ്വീകരിച്ചു. 12 വര്ഷം സ്കൂളിലെ തൂപ്പുജോലിക്കാരിയായി.
തൂപ്പുജോലിക്കാരിയായി കയറിയതിന് ശേഷവും ലിന്സ പഠനം തുടര്ന്നു. ഇംഗ്ലീഷില് ബിരുദവും ബിരുദാനന്തര ബിരുദവും പൂര്ത്തിയാക്കുന്നത് ഇവിടെ ജോലി ചെയ്ത കാലയളവിലാണ്. മറ്റൊരാളുടെ ഒഴിവില് ലിന്സയ്ക്ക് സ്കൂള് അധികൃതര് ജോലി നല്കി. എന്നാല് 2006ല് അയാള് ലീവ് കഴിഞ്ഞ് തിരിച്ചെത്തിയതോടെ ജോലി ഉപേക്ഷിക്കേണ്ടിവന്നു. എന്നാല് ഈ സമയത്ത് ബിഎഡ് പൂര്ത്തിയാക്കിയ ലിന്സ മറ്റ് സ്വകാര്യ സ്കൂളുകളില് ഇംഗ്ലീഷ് അധ്യാപികയായി. 2012 ല് ഇഖ്ബാല് സ്കൂള് തൂപ്പുജോലിക്കായി ലിന്സയെ തിരിച്ച് വിളിച്ചു. അഞ്ച് വര്ഷത്തെ അധ്യാപികയുടെ റോളില് നിന്ന് വീണ്ടും തൂപ്പുജോലിയിലേക്ക്..
ഇതിനിടെ സ്കൂളിലെ പ്രധാന അധ്യാപികയായ പ്രവീണയാണ് ടീച്ചര്മാര്ക്കായുള്ള എലിജിബിളിറ്റി ടെസ്റ്റിന് തയാറെടുക്കാന് പറഞ്ഞത്. കേരള ടീച്ചര് എലിജിബിളിറ്റി ടെസ്റ്റ് പാസാവുകയും യുപി, ഹൈസ്കൂള് വിദ്യാര്ത്ഥികളെ പഠിപ്പിക്കാനുള്ള യോഗ്യത നേടുകയും ചെയ്തു. തുടര്ന്ന് സ്റ്റേറ്റ് എലിജിബിളിറ്റി ടെസ്റ്റ് ക്ലിയര് ചെയ്ത് ഹയര് സെക്കന്ഡറി അധ്യാപികയായി. ഇംഗ്ലീഷ് സാഹിത്യത്തില് ബിരുദവും, ബിരുദാനന്തര ബിരുദവും, ഇംഗ്ലീഷില് ബി.എഡ്, ടെറ്റും, സെറ്റുമെല്ലാം നേടിയത് തൂപ്പുകാരിയായി ജോലിചെയ്ത്. പ്രിയ സഹോദരിക്ക് അഭിനന്ദനങ്ങള്. ബിഗ് സല്യൂട്ട്.
തിരുവനന്തപുരം : പൊഴിയൂരിൽ സ്കൂട്ടർ യാത്രികയുടെ മാലപൊട്ടിച്ച സംഭവത്തിൽ പ്രതി പിടിയിൽ. കൊല്ലം സ്വദേശി മുഹമ്മദ് ഷാനാണ് പിടിയിലായത്. തമിഴ്നാട്ടിൽ…
പത്തനംതിട്ട : 17കാരനായ സഹയാത്രികനെ ബൈക്കപകടത്തില്പ്പെട്ടതോടെ വഴിയിൽ ഉപേക്ഷിച്ച് യുവാവ് കടന്നു. ഗുരുതരമായി പരിക്കേറ്റ 17-കാരനെ പോലീസെത്തി ആശുപത്രിയിലെത്തിച്ചെങ്കിലും അതിനോടകം…
സുരേഷ് ഗോപിയെ ദേശീയ മാധ്യമം കോണ്ഗ്രസ്സ് നേതാവാക്കി. എന്നിട്ട് ചുട്ടുകൊന്നു. തമിഴ്നാട്ടില് കൊല്ലപ്പെട്ട പ്രമുഖ കോണ്ഗ്രസ് നേതാവ് കെ.പി.കെ ജയകുമാറിന്റെ…
തിരുവനന്തപുരം : തീരദേശ മേഖലകളിൽ കടലാക്രമണം ശക്തമാകുന്നു. പൂന്തുറയിൽ വീടുകളിലേക്ക് വെള്ളംകയറി. ഒരു വീടിന്റെ തറ പൂർണമായും തകർന്നു. തുടർന്ന്…
മൂവാറ്റുപുഴ: കിടപ്പുരോഗിയായ 82 വയസ്സുള്ള വയോധികയെഭാര്യയെ ഭർത്താവ് വീട്ടിൽ കഴുത്തറത്ത് കൊലപ്പെടുത്തിയ സംഭവം ഏറെ ഞെട്ടലുണ്ടാക്കി. സംഭവത്തിൽ ഭർത്താവ് ജോസഫി…
വയനാട്: വീട് കുത്തിത്തുറന്ന് മോഷണം നടത്തിയ സംഭവത്തിൽ മൂന്ന് പേർ പിടിയിൽ. ആറാട്ടുത്തറ സ്വദേശി കെ. ഷാജൻ, വള്ളിയൂർക്കാവ് സ്വദേശി…