ഞാൻ പുകവലിക്കാറുണ്ട്, അതിനാൽ ആളുകളോട് പുകവലിക്കരുത് എന്ന് പറയാൻ എനിക്ക് കഴിയില്ല- ഫഹദ് ഫാസിൽ

ധൂമം തിയേറ്ററിൽ പരാജയപ്പെടാനുണ്ടായ കാരണത്തെ കുറിച്ച് സംസാരിച്ച് ഫഹദ് ഫാസിൽ. സിനിമയുടെ ആശയം പ്രേക്ഷകരെ ആകർഷിക്കുന്നതിൽ പരാജയപ്പെട്ടു എന്നാണ് ഫഹദ് പറയുന്നത്. ചില കാര്യങ്ങൾ സിനിമയാക്കാൻ ഉദ്ദേശിച്ചുള്ളതല്ല. അത് ആളുകൾക്ക് മനസിലാക്കാവുന്നതിലും അപ്പുറമാണ്. കേൾക്കാൻ നല്ല കഥകളാണെങ്കിലും സിനിമയാക്കുമ്പോൾ നന്നാകണമെന്നില്ല.

മാത്രമല്ല ഞാൻ പുകവലിക്കാറുണ്ട്. അതുകൊണ്ട് ആളുകളോട് പുകവലിക്കരുത് എന്ന് പറയാൻ ഞാൻ ആളല്ല. അതിനാൽ മറ്റുള്ളവരോട് പുകവലിക്കരുതെന്ന് എനിക്ക് പറയാനാവില്ല. ലൈഫ് ഇൻഷുറൻസ് കോർപ്പറേഷന്റെ 70 ശതമാനവും പുകയില കമ്പനികളുടെ കയ്യിലാണ്.

ഇതിനെ കുറിച്ച് ആളുകളെ അറിയിക്കണമെന്ന് മാത്രമേ ഞാൻ കരുതിയുള്ളൂ എന്നാണ് ഫഹദ് പാസിൽ പറയുന്നത്. ജൂൺ 23ന് തിയേറ്ററിൽ എത്തിയ ചിത്രം അഞ്ച് മാസങ്ങൾക്ക് ശേഷം ഒ.ടി.ടിയിൽ സ്ട്രീമിംഗ് ആരംഭിച്ചിരുന്നു. പവൻ കുമാർ തിരക്കഥ എഴുതി സംവിധാനം ചെയ്ത ചിത്രത്തിൽ അപർണ ബാലമുരളി ആയിരുന്നു നായികയായി എത്തിയത്.