പെരിന്തല്മണ്ണ: മകളോട് പിതാവ് ചെയ്തതാണ് ഇപ്പോള് വാര്ത്തയായിരിക്കുന്നത്. സാമ്പത്തികവും സൗന്ദര്യവുമില്ലാത്ത യുവാവുമായി മകള്ക്ക് അടുപ്പമുണ്ടെന്നതാണ് കാരണം. തുടര്ന്ന് പിതാവ് മകളെ മാനസികാരോഗ്യ ആശുപത്രിയില് പ്രവേശിപ്പിക്കുകയായിരുന്നു. മകളുടെ പ്രണയം വിവാഹത്തിലെത്തുമെന്ന ഭയത്താലായിരുന്നു ഇത്. പെണ്കുട്ടിയുടെ കാമുകന് ഹൈക്കോടതിയെ സമീപിക്കുകയായിരുന്നു. തുടര്ന്ന് കോടതി നിര്ദേശ പ്രകകാരം പോലീസ് അന്വേഷണം നടത്തുകയായിരുന്നു. യുവതിയെ പോലീസ് കണ്ടെത്തിയതോടെയാണ് പല സംഭവങ്ങളും പുറത്തെത്തുന്നത്.
ബിജിഎസ് വിദ്യാര്ത്ഥിനിയെയാണ് പിതാവ് മാനസികാരോഗ്യ കേന്ദ്രത്തില് പ്രവേശിപ്പിച്ചത്. സ്നേഹിക്കുന്ന യുവാവുമായുള്ള വിവാഹം നടത്തി തരാമെന്ന് പറഞ്ഞ് വാഗ്ദാനം ചെയ്താണ് മാനസികാരോഗ്യ കേന്ദ്രത്തിലാക്കിയത്.
യുവതിയുടെ കുടുംബം വിവാഹത്തെ എതിര്ക്കുകയായിരുന്നു. നിയമപ്രകാരം ഇരുവരും വിവഹം കഴിക്കാന് നിശ്ചയിച്ചിരിക്കെയാണ് യുവതിയെ പിതാവ് തട്ടിക്കൊണ്ട് പോയത്. കഴിഞ്ഞ മാസം കാണാതായ പെണ്കുട്ടിയെ കഴിഞ്ഞ ദിവസമാണ് പോലീസിന് കണ്ടെത്താനായത്. ഗഫൂര് ഹേബിയസ് കോര്പ്പിയസ് ഹര്ജി നല്കിയതിനെ തുടര്ന്ന് ഹൈക്കോടതി നിര്ദേശ പ്രകാരമായിരുന്നു അന്വേഷണം. ഇടുക്കി, എറണാകുളം ജില്ലകളിലെ പല മാനസിക ചികിത്സാ കേന്ദ്രങ്ങളില് തന്നെ മാറിമാറി താമസിപ്പിക്കുകയായിരുന്നുവെന്ന് സാബിക്ക പൊലീസിനെ അറിയിച്ചു.
ചെറുകര മലറോഡ് സ്വദേശിനി സാബിക്ക (27)യാണ് ദുരഭിമാനത്തെ തുടര്ന്ന് ആശുപത്രിയില് കഴിയേണ്ടി വന്നത്. ഹൈക്കോടതി യുവതിയെ കാമുകനായ തൃശ്ശൂര് വരന്തരപ്പള്ളി സ്വദേശി ഗഫൂറിനൊപ്പം ഒടുവില് വിട്ടയയ്ക്കുകയായിരുന്നു. ഗഫൂറുമായുള്ള വിവാഹം നടത്തിത്തരാമെന്നു വിശ്വസിപ്പിച്ച പിതാവ് വിളിച്ചു വരുത്തിയ ശേഷം തന്നെ തട്ടിക്കൊണ്ടുപോവുകയും മാനസികാരോഗ്യ കേന്ദ്രങ്ങളില് തളക്കുകയുമായിരുന്നുവെന്ന് സാബിക്ക പൊലീസിനോട് മൊഴി നല്കി.
തൃശൂര് സ്വദേശിയായ ഗഫൂറുമായി ഏഴ് വര്ഷമായി യുവതി പ്രണയത്തിലായിരുന്നു. സാമ്പത്തിക ശേഷി ഇല്ലെന്നും സൗന്ദര്യം കുറവാണെന്നും പറഞ്ഞായിരുന്നു വിവാഹത്തെ യുവതിയുടെ വീട്ടുകാര് എതിര്ത്തത്. അതോടെ വീടുവിട്ട് ഗഫൂറിനൊപ്പം താമസിച്ചു വരികയായിരുന്നു യുവതി. തുടര്ന്ന് നിയമപ്രകാരം വിവാഹം രജിസ്റ്റര് ചെയ്യുന്നതിന് അപേക്ഷ നല്കി കാത്തിരിക്കുന്നതിനിടെ വിവാഹം നടത്തി തരാമെന്ന് വാഗ്ദാനം നല്കി നവംബര് മൂന്നിന് പിതാവ് ഫോണില് ബന്ധപ്പെടുകയും വീട്ടിലേക്ക് വിളിച്ചു വരുത്തുകയും ചെയ്തു.
പിന്നീട് സാബിക്കയെ കാണാതായതോടെയാണ് ഗഫൂര് ഹൈക്കോടതിയെ സമീപിച്ചത്. മകള് തങ്ങളുടെ കൈവശമില്ലെന്ന സത്യവാങ്മൂലമാണ് ഹൈക്കോടതിയില് പിതാവ് നല്കിയത്. ഹൈക്കോടതി രണ്ട് തവണ നോട്ടീസ് നല്കിയപ്പോഴും ഇതായിരുന്നു നിലപാട്. പൊലീസ് അന്വേഷണത്തില് സാബിക്കയെ കൂത്താട്ടുകുളത്തെ മാനസിക ചികിത്സാ കേന്ദ്രത്തില് പൊലീസ് കണ്ടെത്തുകയായിരുന്നു. മാനസിക രോഗങ്ങളൊന്നും ഇല്ലാതിരുന്ന തന്നെ പിതാവും ബന്ധുക്കളും കൂടി തൊടുപുഴ പൈങ്കുളം മാനസിക ചികിത്സാ കേന്ദ്രത്തിലും പിന്നീട് കൂത്താട്ടുകുളം മാനസിക ചികിത്സാ കേന്ദ്രത്തിലും തടവില് പാര്പ്പിച്ച് പീഡിപ്പിക്കുകയായിരുന്നുവെന്ന് സാബിക്ക പറഞ്ഞു. നവംബര് അഞ്ചിന് രാത്രി ബന്ധുക്കളും പൈങ്കുളം ആശുപത്രി ജീവനക്കാരും ബലമായി പിടിച്ചു കെട്ടി ഏതോ ഇന്ജക്ഷന് നല്കി മയക്കിയാണ് ആശുപത്രിയിലെത്തിച്ചത്.
പൊലീസെത്തിയ ശേഷമാണ് പുറംലോകം കാണാനായത്. ആശുപത്രിയില് നടത്തിയ പരിശോധനയില് നേരത്തെ മാനസിക പ്രശ്നങ്ങള് ഉള്ളതിന്റെ രേഖകളൊന്നും കണ്ടെത്താനായില്ല. ആശുപത്രിയില് കഴിയവെ എടുത്ത ചിത്രങ്ങളില് മാനസിക ചികിത്സയെ തുടര്ന്ന് അവശനിലയിലായതായി മനസിലാവുകയും ചെയ്തു.
കൊച്ചി: തൃപ്പൂണിത്തുറയിൽ കിടപ്പുരോഗിയായ അച്ഛനെ വാടക വീട്ടിൽ ഉപേക്ഷിച്ച് കടന്നു കളഞ്ഞ സംഭവത്തിൽ മകൻ അറസ്റ്റിൽ. എരൂർ സ്വദേശി അജിത്താണ്…
ബ്രാട്ടിസ്ലാവ∙ സ്ലൊവാക്യൻ പ്രധാനമന്ത്രി റോബർട്ട് ഫിക്കോയ്ക്ക് വെടിയേറ്റു. ഹാൻഡ്ലോവയിൽ ഒരു ചടങ്ങിൽ പങ്കെടുത്ത ശേഷം മടങ്ങുമ്പോഴാണ് സംഭവം. ഫിക്കോയുടെ അടിവയറ്റിലാണ്…
കെ സി വേണുഗോപാലിനെതിരെയുള്ള കേസന്വേഷണം മുന്നോട്ടുപോകുമ്പോൾ പിണറായി വിജയന്റെ വീട്ടുപടിക്കലെത്തുമെന്ന് ശോഭാ സുരേന്ദ്രൻ. വീണയുടെ അനധികൃതബിസിനസിലേക്ക് ഇത് കടന്നുവരും .…
പത്തനംതിട്ട: സിനിമയിൽ അഭിനയിക്കാൻ പോകുന്നുവെന്ന് കുറിപ്പ് എഴുതി വീടുവിട്ട പതിനാലുകാരനെ കണ്ടെത്തി. മഞ്ഞത്താനം സ്വദേശി അഭിലാഷിന്റെ മകൻ ആദിത്യൻ അഭിലാഷിനെയാണ്…
മലയാളത്തിന്റെ മെഗാസ്റ്റാർ മതസ്പർദ്ദയുണ്ടാക്കുന്ന സിനിമകൾ തീവ്രവാദ ബന്ധമുള്ള ആളുകളുമായി ചേർന്ന് നിർമ്മിക്കുന്നു എന്ന വിവാദപ്രസ്താവനയ്ക്ക് പിന്നാലെ അനുകൂലിച്ചും പ്രതികൂലിച്ചും നിരവധി…
തിരുവനന്തപുരം: കാമുകനൊപ്പം ജീവിക്കാൻ16-കാരിയായ മകളെ കഴുത്തുഞെരിച്ചു കൊന്ന സംഭവത്തിൽ അമ്മയ്ക്കും കാമുകനും ജീവപര്യന്തം കഠിനതടവ്. പറണ്ടോട് സ്വദേശിനി മഞ്ജു, കാമുകൻ…