മുഖ്യമന്ത്രിയെ പേടിച്ച് വേദിയിലെ വെളിച്ചം കെടുത്തി പോലീസ്, വേദിയുടെ മുന്നിലെ ലൈറ്റുകളാണ് കെടുത്തിയത്

തിരുവനന്തപുരം. മുഖ്യമന്ത്രിയെ പേടിച്ച് ഗ്ലോബല്‍ സയന്‍സ് ഫെസ്റ്റിവലിന്റെ ഉദ്ഘാടന വേദിയിലെ വെളിച്ചം കെടുത്ത് പോലീസ്. വേദിയില്‍ മുന്നില്‍ നിന്നും ക്രമീകരിച്ചിരുന്ന ലൈറ്റുകളാണ് പോലീസ് തെളിയിക്കാന്‍ അനുവദിക്കാതിരുന്നത്. ക്രമീകരണങ്ങള്‍ വിലയിരുത്തിയ പോലീസ് പിന്നില്‍ നിന്നും മുന്നിലേക്ക് ക്രമീകരിച്ചിരുന്ന വെളിച്ചം കുറഞ്ഞ ലൈറ്റുകള്‍ മതിയെന്ന് നിര്‍ദേശിക്കുകയായിരുന്നു.

ഇതോടെ അരണ്ട വെളിച്ചത്തിലാണ് പരിപാടി നടത്തിയത്. നവകേരള സദസ്സിനിടെ ചങ്ങനാശേരി എസ്ബി കോളേജില്‍ നടന്ന സമ്മേളനത്തില്‍ വെളിച്ചം മുഖത്തടിച്ചതിനെതിരെ മുഖ്യമന്ത്രി അസ്വസ്ഥനായിരുന്നു. ലൈറ്റ് ചെയ്യുന്നവരുടെ ഉപകാരമാണിതെന്നും നമ്മളെ വെട്ടത്ത് നിര്‍ത്തി നിങ്ങളെ ഇരുട്ടത്താക്കുകയാണെന്നും പിണറായി വിജയന്‍ പറഞ്ഞിരുന്നു.

ഈ സാഹചര്യത്തിലാണ് പോലീസ് ലൈറ്റുകള്‍ നീക്കാന്‍ ആവശ്യപ്പെട്ടത്. എഴുതി തയ്യാറാക്കിയ പ്രസംഗം വായിക്കാന്‍ പ്രത്യേക ക്രമീകരണം ഒരുക്കിയിരുന്നു.