പ്രതിഷേധങ്ങൾ സ്വാഭാവികം, വയനാട്ടിൽ പോകേണ്ടതുണ്ടെന്ന് കരുതുന്നില്ലെന്ന് വനം മന്ത്രി

വയനാട് : വന്യജീവി ആക്രണങ്ങളെ തുടർന്നുണ്ടായ പ്രതിഷേധങ്ങൾ സ്വാഭാവികമെന്ന് വനം മന്ത്രി എ.കെ ശശീന്ദ്രൻ. പ്രതിഷേധിക്കുന്ന ജനക്കൂട്ടത്തോടല്ല മറിച്ച് ഉത്തരവാദിത്തപ്പെട്ടവരോടാണ് സംസാരിക്കേണ്ടത്. പ്രതിഷേധങ്ങൾ‌ സ്വാഭാവികമാണ് എന്നാൽ അക്രമാസാക്തമാകുന്നത് പ്രശ്നങ്ങൾ സങ്കീർണമാക്കുമെന്നും മന്ത്രി പറഞ്ഞു.

വികാരപരമായ അന്തരീക്ഷത്തിൽ ഇടപെടുന്നതിലുപരി ശാന്തമായിരിക്കുമ്പോൾ ജനങ്ങളെ കേൾക്കുന്നതാണ് നല്ലത്, അല്ലാത്തപക്ഷം കൂടുതൽ സങ്കീർണത സൃഷ്ടിക്കപ്പെടും. ജനങ്ങളുടെ പ്രതികരണങ്ങൾ മനസിലാക്കി ഫലപ്രദമായ നടപടികൾ സ്വീകരിക്കുകയാണ് സർക്കാരിന്റെ ചുമതലയെന്നും ഇതിന്റെ ഭാ​ഗമായിട്ടാണ് മുഖ്യമന്ത്രി ജനപ്രതിനിധികൾ യോ​​ഗം വിളിച്ചിട്ടുണ്ട്.

വയനാട്ടിലെ ജനപ്രതിനിധികളുമായി ചർച്ച ചെയ്യുന്നതിനായി മൂന്നംഗ മന്ത്രിതല സമിതിയെയും നിയോഗിച്ചിട്ടുണ്ട്. മന്ത്രിതല സമിതി 20-ന് വയനാട്ടിലെത്തും. അതിന് മുൻപായി വനംമന്ത്രി വയനാട്ടിൽ ചെന്ന് പ്രത്യേകമായി ഒന്നും പറയേണ്ടകാര്യമില്ല എന്നാണ് അദ്ദേഹത്തിന്റെ പക്ഷം.