നിന്നെക്കൊണ്ട് നിന്റെ സ്വഭാവം കൊണ്ട് എത്ര വിഷമിച്ചിട്ടുണ്ടാവും ആ പാവം അമ്മ, കിടിലൻ മറുപടി നൽകി ​ഗോപി സുന്ദർ

​പ്രണയം തുറന്ന് പറഞ്ഞപ്പോൾ മുതൽ വലിയ വിമർശനത്തിന് ഇരയാകുന്നവരാണ് സംഗീത സംവിധായകൻ ഗോപി സുന്ദറും ഗായിക അമൃത സുരേഷും. മോശം കമന്റുകളുമായി നിരവധി പേർ രംഗത്തെത്തിയതോേെട പ്രതികരണവുമായി ഇരുവരും രംഗത്തെത്തിയിരുന്നു. ഇപ്പോഴിതാ അമ്മയ്ക്കും മുത്തശ്ശിക്കും ഒപ്പമുള്ള വീഡിയോയുമായെത്തിയിരിക്കുകയാണ് അദ്ദേഹം.

അമ്മ എന്ന ക്യാപ്ഷനോടെയായാണ് പുതിയ വീഡിയോ പങ്കുവെച്ചത്. അമ്മയുടെ കവിളിൽ ഉമ്മ വെക്കുന്ന ഫോട്ടോയാണ് വീഡിയോയിലുള്ളത്. നിരവധി പേരായിരുന്നു ചിത്രത്തിന് താഴെയായി കമന്റുകളുമായെത്തിയത്. പതിവ് പോലെ തന്നെ ഇത്തവണയും വിമർശനങ്ങളുണ്ടായിരുന്നു. റെസ്‌പെക്റ്റ് അമ്മ, പാവം നിന്നെക്കൊണ്ട് നിന്റെ സ്വഭാവം കൊണ്ട് എത്ര വിഷമിച്ചിട്ടുണ്ടാവും ആ പാവം അമ്മ. ഇതിലെങ്കിൽ ഉറച്ച് നിൽക്കട്ടെ എന്ന് പ്രാർത്ഥിക്കാം ഗോപി എന്നായിരുന്നു ഒരാൾ കമന്റ് ചെയ്തത്.

എന്റെ അമ്മ എപ്പോഴും സന്തോഷവതിയാണ്. ഞാനും എപ്പോഴും സന്തോഷവാനായിരിക്കണം എന്നാണ് അമ്മ ആഗ്രഹിക്കുന്നത്. എന്റെ തീരുമാനങ്ങളിൽ അമ്മയ്ക്ക് വിശ്വാസമുണ്ട്. നിൽക്കാൻ പറ്റാത്ത സ്ഥലത്ത് ഉറച്ച് നിന്ന് ഉറഞ്ഞ് തുള്ളി മരിക്കാൻ എന്റെ അമ്മ എന്നെ പഠിപ്പിച്ചിട്ടില്ലെന്നായിരുന്നു ഗോപി സുന്ദറിന്റെ മറുപടി. ലോകം എന്നേ മാറി, നമ്മൾ മലയാളികളാണ് മാറാത്തതെന്നായിരുന്നു മുൻപ് ഗോപി സുന്ദർ തന്നെ പരിഹസിച്ചയാൾക്ക് മറുപടി കൊടുത്തത്.

അങ്കൂട്ടനെന്നാണ് അച്ഛനും അമ്മയും തന്നെ വിളിക്കുന്നത്. സംഗീത ജീവിതത്തിൽ അവരുടെ പിന്തുണ പറഞ്ഞറിയിക്കാനാവുന്നതല്ല. ജീവിതത്തെക്കുറിച്ച് തീരുമാനമെടുത്തപ്പോഴും അവർ പിന്തുണച്ചിരുന്നു. അമൃതയെക്കുറിച്ച് അമ്മയും അച്ഛനും അന്വേഷിക്കാറുണ്ടെന്നും ഗോപി സുന്ദർ പറഞ്ഞിരുന്നു. അമൃതയ്‌ക്കൊപ്പം ലൈവിൽ വന്നപ്പോൾ അമ്മയും അവരോട് വിശേഷം ചോദിച്ചിരുന്നു. നേരത്തെയും അമ്മയ്‌ക്കൊപ്പമുള്ള ചിത്രങ്ങൾ ഗോപി സുന്ദർ പങ്കുവെച്ചിട്ടുണ്ട്.