തിരുവനന്തപുരം. വൈസ് ചാന്സലര് നിയമനത്തില് കേരള സര്വകലാശാലക്ക് അന്ത്യശാസനവുമായി ഗവര്ണര് ആരിഫ് മുഹമ്മദ് ഖാന്. സെര്ച്ച് കമ്മിറ്റി പ്രതിനിധിയെ തിങ്കളാഴ്ച തന്നെ സര്വകലാശാല അറിയിക്കണമെന്നാണ് ഗവര്ണറുടെ നിര്ദേശം. ഇക്കാര്യം ചൂണ്ടിക്കാട്ടി ഗവര്ണര് വിസിക്ക് കത്ത് നല്കി.
സെര്ച്ച് കമ്മിറ്റി പ്രതിനിധിയെ അറിയിക്കാൻ ആവശ്യപ്പെട്ടു ഇതു രണ്ടാം തവണയാണ് ഗവര്ണര് വിസിക്ക് കത്ത് നല്കുന്നത്. കഴിഞ്ഞയാഴ്ച സമാനമായ കത്തു നല്കിയപ്പോള്, സര്വകലാശാല സെനറ്റ് പ്രമേയം പാസ്സാക്കിയതായി വി സി മറുപടി നല്ക്കുകയായിരുന്നു. രണ്ടുപേരെ നിയോഗിച്ച് ഗവര്ണര് സെര്ച്ച് കമ്മിറ്റി രൂപീകരിച്ചത് ശരിയല്ലെന്നും, ആ നടപടി പിന്വലിക്കണമെന്നും വിസി ആവശ്യപ്പെടുകയും ചെയ്യുകയുണ്ടായി.
സെര്ച്ച് കമ്മിറ്റിയുടെ കാര്യത്തിൽ ചര്ച്ച ചെയ്ത് തീരുമാനമെടുക്കാമെന്നും വി സി അറിയിച്ചിരുന്നു. പ്രമേയം പാസ്സാക്കിയത് തന്റെ ശ്രദ്ധയില്പ്പെട്ടിട്ടുണ്ടെന്നും, അക്കാര്യം പിന്നീട് ചര്ച്ച ചെയ്യാമെന്നും അടിയന്തരമായി വിസിയുടെ കാലാവധി തീരുന്നതിനാല് സെര്ച്ച് കമ്മിറ്റിയിലേക്ക് തിങ്കളാഴ്ച തന്നെ സെനറ്റിന്റെ പ്രതിനിധിയെ അറിയിക്കാനാണ് ഇപ്പോൾ ഗവര്ണര് നിര്ദേശിച്ചിരിക്കുന്നത്.
ഗവര്ണറുടെ പ്രതിനിധിയും യുജിസി പ്രതിനിധിയും ഉള്പ്പെടുന്ന രണ്ടംഗ സെര്ച്ച് കമ്മിറ്റി രൂപീകരിച്ചിട്ടുണ്ട്. സെനറ്റ് പ്രതിനിധിയെ നിര്ദേശിച്ചില്ലെങ്കില് ഈ രണ്ടംഗ കമ്മിറ്റി തുടര്നടപടികളുമായി മുന്നോട്ടുപോയേക്കുമെന്നാണ് ഇപ്പോഴുള്ള വിവരം. കേരള സര്വകലാശാല വൈസ് ചാന്സലറുടെ കാലാവധി ഒക്ടോബര് 25ന് അവസാനിക്കുകയാണ്. അതിനുമുമ്പ് സെര്ച്ച് കമ്മിറ്റി കൂടി പുതിയ വി സിയെ നിയമിക്കാനാണ് നീക്കം നടക്കുന്നത്.
ഇന്ത്യയുടെ ബഹിരാകാശ ദൗത്യമായ ഗഗൻയാനിന്റെ ഗ്രൂപ്പ് ക്യാപ്റ്റനും തന്റെ ഭർത്താവുമായ പ്രശാന്ത് ബാലകൃഷ്ണൻ നായരുടെ കരിയറിലെ അഭിമാനകരമായ നേട്ടം പങ്കുവച്ച്…
കൽപ്പറ്റ : സിദ്ധാർത്ഥൻ്റെ മരണത്തിൽ പൂക്കോട് വെറ്റിനറി കോളേജ് അധികൃതർക്ക് വീഴ്ച പറ്റിയെന്ന് അന്വേഷണ കമ്മീഷൻ. മുൻ ഡീൻ എംകെ…
സംസ്ഥാനത്ത് കാലവർഷം ശക്തി കുറഞ്ഞതായി കാലാവസ്ഥാ കേന്ദ്രം. കഴിഞ്ഞ ദിവസങ്ങളിലായി സംസ്ഥാനത്തിൻ്റെ വിവിധ പ്രദേശങ്ങളിൽ റെഡ്, ഓറഞ്ച് അലേർട്ടുകളാണ് നിലനിന്നിരുന്നത്.…
തിരൂര് : ക്ഷേത്രത്തിൽ പൂജാരിയായി ഇരിക്കെ തിരുവാഭരണം കവര്ച്ചചെയ്ത് പകരം മുക്കുപണ്ടം വെച്ച യുവാവ് അറസ്റ്റിൽ. തിരുനാവായയിലെ ഒരു ക്ഷേത്രത്തിലെ…
നടി മീരാനന്ദന് വിവാഹിതയായി. ഗുരുവായൂര് ക്ഷേത്രത്തില് വെച്ചായിരുന്നു വിവാഹം. ലണ്ടനില് അക്കൗണ്ടന്റ് ആയ ശ്രീജു ശനിയാഴ്ച പുലര്ച്ചെ മീരയ്ക്ക് താലി…
തിരുവനന്തപുരം : തിളച്ച ചായ ഒഴിച്ച് മൂന്ന് വയസുകാരനെ മുത്തച്ഛൻ പൊള്ളിച്ചെന്ന പരാതിയിൽ വഴിത്തിരിവ്. സംഭവ സമയത്ത് മുത്തച്ഛൻ ബസ്…