സജ്ന ഷാജി എന്റെ ഭർത്താവാണ്‌,ഭാര്യ ഹയറുന്നീസ രംഗത്ത്,എന്റെ 7പവനും പണവുമായി കടന്നയാളാണ്‌

കഴിഞ്ഞ ദിവസം കേരളം ചർച്ചചെയ്ത വിഷയമായിരുന്നു ട്രാൻസ്ജെൻഡർ സജ്ന ഷാജിയുടെ ബിരിയാണി കച്ചവട വിവാദവും തുടർന്നുണ്ടായ ആത്മഹത്യാ ശ്രമവും. സജ്ന ഷാജി ട്രാൻസ്ജെൻഡർ ആയി മാറുന്നതിന് മുൻപ് ഷാജി മോൻ ആയിരുന്നു. ആ കാലത്ത് ഷാജി മോൻ വിവാഹവും ചെയ്തിരുന്നു. ഇപ്പോൾ ഷാജിമോന്റെ മുൻ ഭാര്യയെന്ന് അവകാശപ്പെടുന്ന യുവതിയുടേതെന്ന പേരിൽ മലയാളത്തിലെ സ്പീക്ക് അപ്പ് എന്ന എഫ്എം ചാനൽ നടത്തിയ അഭിമുഖമാണ് സോഷ്യൽ മീഡിയയിൽ വൈറലാകുന്നത്.

തളിപ്പറമ്പ് ശ്രീകണ്ഠാപുരം സ്വദേശിനി ഹയറുന്നീസ എന്നാണ് യുവതി അഭിമുഖത്തിൽ പരിചയപ്പെടുത്തുന്നത്.ഭാര്യയെന്ന് അവകാശപ്പെടുന്ന യുവതി അഭിമുഖത്തിൽ പറയുന്നത് ഇങ്ങനെയാണ്.ട്രാൻസ്ജെൻഡറായി സജ്ന ഷാജിയായി ജീവിക്കുന്നതിൽ തനിക്ക് പ്രശ്നമില്ല. തങ്ങളുടെ വിവാഹം കഴിഞ്ഞിട്ട് എട്ട് വർഷമായി. എന്നാൽ നാല് വർഷം മുൻപേ തമ്മിൽ വേർപിരിഞ്ഞു. വീട്ടിൽ നടന്ന ആലോചന വഴിയായിരുന്നു വിവാഹം നടന്നത്.

കോട്ടയം മണിമല സ്വദേശിയായരുന്നു ഷാജിമോൻ. പണം സംബന്ധിയായ അസ്വാരസ്യങ്ങൾ മൂലമാണ് തങ്ങളുടെ ജീവിതത്തിൽ പ്രശ്നങ്ങൾ ഉടലെടുത്തത്. കുറച്ച് കാലം വേർപിരിഞ്ഞു താമസിച്ചു. ഇതിനിടയിൽ ഞാൻ ഡിവോഴ്സിന് ശ്രമിച്ചു. സ്ത്രീധന തുകയായി നൽകിയ ഏഴ് പവനും ഒരു ലക്ഷം രൂപയും ഷാജി കൈക്കലാക്കിയിരുന്നു. തന്റെ വിവാഹത്തിനായി വീടും വീറ്റു.

ഷാജി മോൻ കാരണം എന്റെ വീട്ടിൽ പോലും എന്നെ കയറ്റുന്നില്ല.വീടും സ്ഥലവും വിവാഹാവശ്യത്തിനായി വിറ്റതിനെ തുടർന്ന് എന്റെ രണ്ട് സഹോദരന്മാരും വാടകയ്ക്കാണ് താമസിക്കുന്നത്. എന്റെ വീട്ടിലെ അവസ്ഥ വളരെ പരിതാപകരമാണ്. എനിക്ക് സ്ത്രീധനമായി കൊടുത്ത പണവും സ്വർണ്ണവും എനിക്ക് വേണം. അവസാനം ഞാൻ കേസ് കൊടുത്തു. കേസ് നടത്താൻ പോലും എന്റെ കയ്യിൽ രൂപയില്ല.വക്കീൽ വിളിച്ചപ്പോൾ പോലും ഷാജി മോൻ വന്നിരുന്നില്ല.അവൻ നിനക്ക് പണം തരാൻ പോകുന്നില്ലെന്ന് ഷാജിമോന്റെ വക്കീൽ പോലും പറഞ്ഞു. എനിക്ക് വിവാഹമോചനം വേണം. നിയമപരമായി വിവാഹം ചെയ്തവരാണ് ഞങ്ങൾ. എനിക്ക് നിയമപരമായി തന്നെ വിവാഹമോചനം വേണം.

സ്ത്രീധനമായി കൊടുത്ത പണവും സ്വർണ്ണവും വേണം. എനിക്ക് നീതിവേണം. സമൂഹത്തിൽ നിന്ന് ഒറ്റപ്പെട്ടാണ് ജീവിക്കുന്നത്. ഞാൻ പറയുന്നത് കള്ളമല്ല. എന്റെ ഉമ്മായെ പോലും കണ്ടിട്ട് വർഷങ്ങളായി. ഈ പണം വാങ്ങി എന്റെ ഉമ്മായ്ക്ക് കൊടുക്കണം. ഒരു കുടുംബത്തിനെയാണ് ഷാജി മോൻ തെരുവിലാക്കിയത്. എനിക്ക് നീതിവേണം. വിവാഹചിത്രങ്ങളും യുവതി പുറത്തുവിട്ടിട്ടുണ്ട്.