വീടിന്റെ ഭിത്തി ഇടിഞ്ഞു വീണ് ബാലന് ദാരുണാന്ത്യം

ഇടുക്കി: മേല്‍ക്കൂര പൊളിച്ചുമാറ്റിയ വീടിന്റെ ഭിത്തി മറിഞ്ഞു വീണ് അഞ്ചര വയസുകാരന് ദാരുണാന്ത്യംു. കരിമണ്ണൂര്‍ മുളപ്പുറം ഈന്തുങ്കല്‍ പരേതനായ ജെയ്‌സന്റെ മകന്‍ റയാന്‍ ജോര്‍ജ് ജെയ്‌സന്‍ ആണ് മരിച്ചത്. വ്യാഴാഴ്ച ഉച്ച തിരിഞ്ഞ് രണ്ട് മണിയോടെയാണ് അപകടം സംഭവിച്ചത്.

മേല്‍ക്കൂര പൊളിച്ചു നീക്കിയ പഴയ വീടിന്റെ വെട്ടുകല്ലുകൊണ്ടുള്ള ഭിത്തി മഴയില്‍ കുതിര്‍ന്നിരിക്കുകയായിരുന്നു. സമീപത്ത് കളിച്ചുകൊണ്ടിരുന്ന റയാന്റെ ദേഹത്തേക്ക് ഭിത്തി ഇടിഞ്ഞ് വീഴുകയായിരുന്നു.

ഉടന്‍ തന്നെ മുതലക്കോടത്തെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു. മുളപ്പറും അംഗന്‍വാടിയിലെ വിദ്യാര്‍ത്ഥിയാണ്. മാതാവ്: രേഷ്മ. സഹോദരങ്ങള്‍: റോസ് മേരി, റോണി, റീനു.