ആലപ്പുഴ/ തോട്ടപ്പള്ളിയിലെ അനധികൃത കരിമണൽ ഖനന വിഷയത്തിൽ ഭരണകക്ഷിയിലെ സി പി ഐയും, സി പി എമ്മും തമ്മിൽ പോര്.
ഖനനം നല്ലതാണെന്നും നടക്കണമെന്നും സിപിഐ ആലപ്പുഴ ജില്ലാ സെക്രട്ടറി ടി.ജെ.ആഞ്ചലോസും, ഖനനം അനുവദിക്കില്ലെന്ന് പറഞ്ഞു എച്ച്.സലാം എംഎൽഎയും രംഗത്ത് വന്നിരിക്കുകയാണ്. മണലെടുപ്പ് സലാം തടഞ്ഞതിനെ ഫെയ്സ്ബുക്കിലൂടെ ആഞ്ചലോസ് കുറ്റപ്പെടുത്തുകയും, സലാമ് അതിനു മറുപടി പറയുന്നതുമൊക്കെ ഫേസ്ബുക്കിൽ തന്നെ.
ഫെയ്സ്ബുക്കിലൂടെ പരിഹസിച്ച സിപിഐ ആലപ്പുഴ ജില്ലാ സെക്രട്ടറി ടി.ജെ.ആഞ്ചലോസിന് എച്ച്.സലാം എംഎൽഎയുടെ മറുപടി നൽകിയിട്ടുണ്ട്. തോട്ടപ്പള്ളിയിലെ മണലെടുപ്പ് സലാം തടഞ്ഞതിനെ ഫെയ്സ്ബുക്കിലൂടെ ആഞ്ചലോസ് പരിഹസിക്കുകയായിരുന്നു. ‘മേയ് മാസത്തിലെ ആദ്യ ഞായറാഴ്ചയാണ് ലോക ചിരിദിനം’ എന്നായിരുന്നു ആഞ്ചലോസിന്റെ പോസ്റ്റ്. ഇതിനു മറുപടിയായി സലാം ആവട്ടെ ‘സിപിഐയുടെ ജില്ലാ സെക്രട്ടറിയായ മഹാനായ നേതാവിനോട് അനുവാദം ചോദിക്കാൻ കഴിഞ്ഞില്ല, ക്ഷമിക്കണേ സിംഹമേ’ എന്നും പോസ്റ്റിടുകയായിരുന്നു.
തുടർന്ന് ആഞ്ചലോസിനെതിരെ രൂക്ഷ വിമർശനവുമായി രംഗത്തെത്തിയ സലാം, സിപിഐ ജില്ലാ സെക്രട്ടറി പദവിയുടെ ഔന്നത്യം ഉയർത്തിപ്പിടിക്കണമെന്നും പറഞ്ഞു. തീരം സംരക്ഷിക്കാനാണ് മണലെടുപ്പ് തടഞ്ഞത്. ഇക്കാര്യത്തിൽ വ്യക്തത വേണമെങ്കിൽ സ്വന്തം പാർട്ടിക്കാരനായ മന്ത്രി പി.പ്രസാദിനോട് ചോദിച്ചാൽ മതി. സർക്കാർ നിലപാടിനൊപ്പം നൽക്കുകയാണ് ടി.ജെ.ആഞ്ചലോസ് ചെയ്യേണ്ടതെന്നും സലാം പ്രതികരിക്കുകയുണ്ടായി.
കെഎംഎംഎൽ, ഐആർഎ എന്നിവയ്ക്കു വേണ്ടി തോട്ടപ്പള്ളിയിൽ കഴിഞ്ഞ കുറെ മാസങ്ങളായി പൊഴിമുറിച്ച് കരിമണൽ ഖനനം നടക്കുകയാണ്. കുട്ടനാട്ടിലെ വെള്ളപ്പൊക്കം ഒഴിവാക്കുന്നതിന് പൊഴിമുറിക്കുന്നത് അത്യാവശ്യമാണെന്ന നിലപാടിലാണ് ഇക്കാര്യത്തിൽ സർക്കാരും സി പി എമ്മും. അതേസമയം, സിപിഐയും കോൺഗ്രസും ഇതിനെ ഇരിക്കുകയാണ് ചെയ്യുന്നത്. കഴിഞ്ഞ ദിവസം സലാമിന്റെ നേതൃത്വത്തില് പഞ്ചായത്ത് പ്രസിഡന്റ് അടക്കം എത്തി മണല് ഖനനം തടയുകയായിരുന്നു. ഇതിനു പിറകെയാണ് മണൽ ഖനനം തടഞ്ഞതു സംബന്ധിച്ച് ടി.ജെ.ആഞ്ചലോസ്, സലാമിനെ പരിഹസിക്കുന്നത്.
ലോക്സഭയിലെ പ്രതിപക്ഷ നേതാവെന്ന നിലയിൽ രാഹുൽ ഗാന്ധി ചമതല ഏറ്റെടുത്തു. ഒരു പതിറ്റാണ്ടിനു ശേഷമാണ് കോൺഗ്രസ് ഇത് തിരിച്ച് പിടിക്കുന്നത്.ഇനി…
ന്യൂഡൽഹി∙ ഭരണഘടനയെ പാർലമെന്റിൽ കൊണ്ടുനടക്കുകയും നാടകം കളിക്കുകയും ചെയ്യുന്നവരുടെ തെറ്റായ പ്രവൃത്തികൾ സെപ്റ്റംബർ 6ന് വെളിപ്പെടുമെന്ന് നടിയും ലോക്സഭാംഗവുമായ കങ്കണ…
മലപ്പുറം: എടവണ്ണയിൽ ഓടിക്കൊണ്ടിരിക്കെ ഇലക്ട്രിക് സ്കൂട്ടർ കത്തിനശിച്ചു. രാവിലെ 10.30- ഓടെ പത്തപ്പിരിയം വായനശാലക്ക് സമീപമാണ് സംഭവം. എടവണ്ണ പുള്ളാട്ട്…
മലപ്പുറം വെളിമുക്ക് പടിക്കലിൽ പിതാവിനെയും ഒരു വയസ്സുള്ള മകളെയും കാണാതായതായി പരാതി. പടിക്കൽ പള്ളിയാൾമാട് സ്വദേശി ആലിങ്ങൽതൊടി മുഹമ്മദ് സഫീർ…
തിരുവനന്തപുരം : തലസ്ഥാനത്ത് പുരാതന ക്ഷേത്രത്തിൽ മോഷണം. പൂന്തുറ ഉച്ചമാടൻ ദേവീക്ഷേത്രത്തിലാണ് കോടികൾ വില വരുന്ന പഞ്ചലോഹ വിഗ്രഹം കവർന്നത്.…
ഐഡിയ സ്റ്റാർ സിംഗറിലൂടെ പ്രേക്ഷകരുടെ ഇഷ്ട ഗായികയായി മാറിയ വ്യക്തിയാണ് വാണി ജയറാം. മൂന്നാം വർഷ എംബിബിഎസ് സ്റ്റുഡന്റ് ആയിരുന്ന…