ന്യൂഡല്ഹി: ടോക്കിയോ ഒളിമ്പിക്സിലെ വെങ്കല മെഡല് ജേതാവായ ഗുസ്തി താരം ബജ്റംഗ് പുനിയയ്ക്ക് സസ്പെന്ഷന്. പുനിയയെ ദേശീയ ഉത്തേജക വിരുദ്ധ ഏജന്സിയാണ് സസ്പെന്ഡ് ചെയ്തത്. ട്രയല്സില് ഉത്തേജക വിരുദ്ധ ഏജന്സിക്ക് സാമ്പിള് നല്കാന് വിസമ്മതിച്ചതാണ് നടപടിക്ക് കാരണം. മാര്ച്ച് 10നാണ് പുനിയയോട് സാമ്പിള് നല്കാന് ആവശ്യപ്പെട്ടത്.
സോനിപത്തില് നടന്ന ട്രയല്സിനിടെ ഉത്തേജകമരുന്ന് പരിശോധനയ്ക്ക് തയ്യാറാകാതിരുന്നതിനാലാണ് പുനിയയ്ക്കെതിരേ ഏജന്സി നടപടി സ്വീകരിച്ചത്. ട്രയല്സില് രോഹിത് കുമാറിനോട് പരാജയപ്പെട്ട പുനിയ ക്ഷുഭിതനായി ട്രയല്സ് നടന്ന സ്പോര്ട്സ് അതോറിറ്റി കേന്ദ്രത്തില് നിന്നിറങ്ങിപ്പോയിരുന്നു. പുനിയയുടെ പരിശോധനാസാംപിളുകള് ശേഖരിക്കാന് ദേശീയ ഉത്തേജക വിരുദ്ധ ഏജന്സി ശ്രമിച്ചുവെങ്കിലും പുനിയ തയ്യാറായില്ല.
മാര്ച്ച് 10-നാണ് പുനിയയോട് സാംപിളുകള്ക്കായി ഏജന്സി ആവശ്യപ്പെട്ടത്. തുടര്ന്ന് ലോക ഉത്തേജക വിരുദ്ധ ഏജന്സി (ഡബ്ല്യുഎഡിഎ)യെ എന്എഡിഎ വിവരം ധരിപ്പിച്ചു. ഇരു ഏജന്സികളും നടത്തിയ ചര്ച്ചകള്ക്കൊടുവില് എന്എഡിഎ ഏപ്രില് 23-ന് പുനിയയ്ക്ക് നോട്ടീസയച്ചു. നോട്ടീസിന് മറുപടി നല്കാന് മേയ് ഏഴ് വരെ എന്എഡിഎ സമയമനുവദിച്ചിട്ടുണ്ട്.
സസ്പെന്ഷന് പിന്വലിക്കുന്നതുവരെ പുനിയയ്ക്ക് ഏതെങ്കിലും ടൂര്ണമെന്റിലോ ട്രയല്സിലോ പങ്കെടുക്കാന് സാധിക്കുകയില്ല. സസ്പെന്ഷന് തുടരുന്നപക്ഷം ഒളിമ്പിക്സിനുള്ള ട്രയല്സില്നിന്നു പുനിയ വിട്ടുനില്ക്കേണ്ടി വരും. ഇന്ത്യയില് യോഗ്യതാമാച്ചില് പരാജയപ്പെട്ടാലും, സസ്പെന്ഷന് പിന്വലിച്ചാല് ടോക്യോ ഒളിമ്പിക്സിലെ മെഡല് ജേതാവ് എന്ന നിലയില് മേയ് 31-ന് നടക്കുന്ന ട്രയല്സില് പങ്കെടുക്കാന് പുനിയയ്ക്ക് ക്ഷണം ലഭിച്ചേക്കും.
പഞ്ചാബ്: അമൃത്സറില് നടന്ന കോണ്ഗ്രസ് തിരഞ്ഞെടുപ്പ് റാലിയില് വെടിവെപ്പ്. കോണ്ഗ്രസിന്റെ നിലവിലെ ലോക്സഭാംഗവും, സ്ഥാനാര്ഥിയുമായ ഗുര്ജിത്ത് സിങ് ഓജ്ലയുടെ റാലിക്കിടെയാണ്…
ആലപ്പുഴ : ബിജെപി നേതാവ് ശോഭാ സുരേന്ദ്രൻ നൽകിയ പരാതിയിൽ ടി ജി നന്ദകുമാറിനെ ചോദ്യം ചെയ്തു. പുന്നപ്ര പൊലീസ്…
ആലപ്പുഴ: ചേര്ത്തല പള്ളിപ്പുറത്ത് നടുറോഡില് ഭാര്യയെ ഭര്ത്താവ് കുത്തിക്കൊലപ്പെടുത്തി. പള്ളിപ്പുറം പതിനാറാം വാർഡിൽ വല്യവെളി രാജേഷിന്റെ ഭാര്യ അമ്പിളി (36)ആണ്…
പുതിയതായി തുറന്ന പാതയിലൂടെ ഗാസയിലേക്ക് സഹായമെത്തിച്ച് അമേരിക്ക. കടൽതീരത്തെ പ്രത്യേക പ്ലാറ്റ്ഫോം വഴി ട്രക്കുകൾ എത്തിച്ചാണ് സഹായവിതരണം. വരും ദിവസങ്ങളിൽ…
മുംബൈ: മൂന്നാം തവണയും പ്രധാനമന്ത്രിയായി നരേന്ദ്രമോദി അധികാരത്തിത്തും, ആറ് മാസത്തിനുള്ളിൽ പാക് അധീന കശ്മീർ ഇന്ത്യയുടെ ഭാഗമാകുമെന്ന് ഉത്തർപ്രദേശ് മുഖ്യമന്ത്രി…
പാലക്കാട്: പട്ടാമ്പിയിൽ പതിമൂന്നുകാരൻ കുളത്തിൽ മുങ്ങിമരിച്ചു. കൂരിയാട്ട്തൊടി റസാഖിന്റെ മകൻ ഫർഹാനാണ് (13) മരിച്ചത്. കൊടലൂർ പെരികാട്ട് കുളത്തിൽ ഇന്ന്…