മംഗളൂരു സ്‌ഫോടനത്തിന് പിന്നിൽ ഐഎസ് ഭീകരൻ മുഹമ്മദ് ഷാരിഖ്, വീർ സവർക്കറുടെ പോസ്റ്റർ പതിച്ചയാളെ കുത്തികൊന്ന കൊലയാളി

ബംഗളൂരു. മംഗളൂരുവിൽ ഓട്ടോറിക്ഷ പൊട്ടിത്തറിച്ചത് നടന്നത് വെറും സ്‌ഫോടനമായിരുന്നില്ല. കേസിൽ ഐഎസ് ബന്ധം സ്ഥിരീകരിച്ചു. ഓട്ടോറിക്ഷയിൽ സഞ്ചരിച്ച മുഹമ്മദ് ഷാരിഖ് ഐഎസ് ഭീകരനാണെന്ന് പോലീസ് വ്യക്തമാക്കി. ഇസ്ലാമിക് സ്‌റ്റേറ്റുമായി ഇയാൾക്കുള്ള ബന്ധം തെളിയിക്കുന്ന രേഖകൾ പോലീസ് കണ്ടെത്തി.

ശിവമോഗയിൽ സ്വാതന്ത്ര്യസമരസേനാനി വീർ സവർക്കറുടെ പോസ്റ്റർ പതിച്ചതുമായി ബന്ധപ്പെട്ട് ഒരാളെ കുത്തിക്കൊന്ന കേസിലും പ്രതിയാണ് മുഹമ്മദ് ഷാരിഖ്.സ്വാതന്ത്ര്യദിനത്തിൽ പതിപ്പിച്ച വീർ സവർക്കറുടെ പോസ്റ്ററുമായി ബന്ധപ്പെട്ട തർക്കത്തിനൊടുവിൽ ഷാരിഖും സംഘവും ആക്രമം അഴിച്ച് വിടുകയായിരുന്നു എന്നാണു പോലീസ് പറയുന്നത്. സംഘർഷത്തിനൊ ടുവിൽ പ്രേം സിംഗ് എന്ന 20 കാരനെ ഇസ്ലാമിസ്റ്റുകൾ കുത്തിക്കൊല്ലുകയാണ് ഉണ്ടായത്.

തുംകുരു ഡിവിഷനിലെ റെയിൽവേ ജീവനക്കാരനായ പ്രേംരാജ് ഹുതാഗിയുടെ ആധാർ കാർഡ് ഉപയോഗിച്ചാണ് ഭീകരൻ സ്‌ഫോടനം ആസൂത്രണം ചെയ്തിരുന്ന തെന്ന് പോലീസ് നേരത്തെ കണ്ടെത്തിയിരുന്നു. മൊബൈൽ റിപ്പയിംഗ് കോഴ്‌സ് പഠിക്കാനെന്ന വ്യാജേന എത്തിയ ഭീകരൻ പ്രേംരാജെന്നാണ് സ്വയം പരിചയപ്പെടു ത്തിയിരുന്നത്. മൈസൂരുവിൽ വീട് വാടകയ്‌ക്ക് എടുത്തതും,സ്‌ഫോടനത്തിന് ആവശ്യമായ സാധനങ്ങൾ വാങ്ങിക്കൂട്ടിയതും ഈ ആധാർ കാർഡ് ഉപയോഗിച്ചു കൊണ്ടായിരുന്നു.

ഷാരിഖിന്റെ വാടകവീട്ടിൽ നടത്തിയ റെയ്ഡിൽ സർക്യൂട്ടുകളുടെ വിശദാംശങ്ങള ടങ്ങിയ പുസ്തകം, നട്ടുകളും ബോൾട്ടുകളും, കുക്കർ വിസിലുകൾ, ദ്രവ രാസവസ്തുക്കൾ നിറച്ച കുപ്പികൾ, സ്‌ഫോടകവസ്തുശേഖരം എന്നിവയാണ് പോലീസ് കണ്ടെത്തിയത്. കോയമ്പത്തൂരിൽ ക്ഷേത്രത്തിണ് മുന്നിൽ നടന്ന കാർ സ്‌ഫോടനവുമായി ഷാരിഖിന് ബന്ധമുണ്ടോ എന്ന് അന്വേഷിക്കുകയാണ് പോലീസ്. കോയമ്പത്തൂർ സ്‌ഫോടനത്തിന് പിന്നാലെ കർണാടക, തമിഴ്‌നാട്, കേരളം എന്നീ സംസ്ഥാനങ്ങളിൽ തീവ്രവാദികൾ ആക്രമണം നടത്താൻ തുനിഞ്ഞിരുന്നതായി തെളിഞ്ഞിരുന്നു.