ഗാസയെ വളഞ്ഞ് പൂട്ടി സീൽ ചെയ്‌ത്‌ ജൂതപ്പടയുടെ പ്രതികാരം, ബോംബ് മഴ പെയ്യിച്ചു, എതിർത്ത് നില്ക്കാൻ ഹമാസിന്റെ പൊടിപോലും കാണാനില്ലാത്ത രാത്രി

ഹമാസിനു ഭീകരമായ തിരിച്ചടി നല്കി ഇസ്രായേൽ ഗാസയിൽ ബോംബ് മഴ തന്നെ പെയ്യിച്ചു. ഗാസയിൽ നിന്നും ജനങ്ങളേ ഒഴിപ്പിച്ച ശേഷം നഗരത്തിന്റെ എല്ലാ റോഡുകളും അടച്ച് പൂട്ടി ഇസ്രായേൽ സീൽ ചെയ്തു. ഗാസയിൽ തുടർന്ന് തീമഴ പെയ്യിക്കുകയായിരുന്നു. ഇനി ഹമാസിന്റേതായി ഇവിടെ ഒരു സ്മാരകവും പാടില്ല എന്ന നിലപാടിൽ കൊടിയ പക വീട്ടൽ ആണ്‌ ഇസ്രായേൽ നടത്തുന്നത്. ഗാസയിലെ ഉയർന്ന കെട്ടിടങ്ങൾ എല്ലാം തകർക്കുകയാണ്‌. ബങ്കറുകൾ അന്വേഷിച്ച് കണ്ടെത്തി തകർക്കുന്നു. രക്തരൂക്ഷിതമായ യുദ്ധം മരണ സംഖ്യ ഉയർത്തി മരണസംഖ്യ 1,600 ആയി. പതിനായിരത്തിലധികം പേർ പരിക്കുണ്ട് എന്നാണറിയുന്നത്. ഹമാസ് തീവ്രവാദികളുടെ രക്തരൂക്ഷിതമായ നുഴഞ്ഞുകയറ്റത്തിന് പ്രതികാരമായി പലസ്ഥീനിന്റെ ഹൃദയ നഗരമായ ഗാസയെ വളഞ്ഞ് പൂട്ടി സീൽ ചെയ്താണ്‌ ജൂത പടയുടെ പ്രതികാരം വീട്ടൽ.

ഇതോടെ യുദ്ധത്തിൽ ഇസ്രായേൽ വൻ മുന്നേറ്റം നടത്തി ഇസ്രായേലിൽ കൈയ്യേറിയ ഹമാസ് തീവ്രവാദികൾ കൈയ്യടക്കിയ എല്ലാ പ്രദേശങ്ങലും മോചിപ്പിച്ചു. ഇപ്പോൾ ഹമാസ് എവിടെ എന്ന് പോലും അറിയാൻ ആകുന്നില്ല. ഭയാനകമായ ഇസ്രായേലിന്റെ തിരിച്ചടിയിൽ ഹമാസ് നിന്ന് വിയക്കുകയോ ഇല്ലാതാവുകയോ ആണ്‌. ഇത് ഹമാസ് ഇരന്ന് വാങ്ങിയ അല്ലെങ്കിൽ ചോദിച്ച് വാങ്ങിയ ശിക്ഷയാണ്‌. ഗാസയിൽ യുഹൂദ പട കയറി നിരങ്ങുമ്പോൾ എതിർപ്പിന്റെ നിഴലാട്ടം പോലും ഉയർത്താൻ ഹമാസിനു കഴിയുന്നില്ല. ഇസ്രായേലിന്റെ മുന്നേറ്റത്തിനു അകമ്പടിയായും പരിചയായും അമേരിക്കയും സഖ്യ കക്ഷികളും ഉണ്ട്. അതായത് ഇസ്രായേലിനെ പുറത്ത് നിന്ന് മറ്റ് രാജ്യങ്ങൾ ആക്രമിച്ചാൽ അമേരിക്ക അവരെ ആക്രമിക്കും. മെഡിറ്ററേനിയൻ കടലിൽ 5മത് കപ്പൽ പടയുമായി അമേരിക്ക സജ്ജമായി കിടക്കുകയാണ്‌

ചുരുക്കത്തിൽ സിനിമയിൽ കാണുന്ന രംഗങ്ങൾ പോലെയാണിപ്പോൾ. ലോക മഹാ ശക്തികൾ ഇസ്രായേലിനു ചുറ്റും പത്മ വ്യൂഹം തീർത്ത് കവചമായി നിലകൊള്ളുന്നു. എന്നിട്ട് ഗാസയിൽ കയറി കാര്യങ്ങൾ ചെയ്യാനുള്ള അവസരം ഒരുക്കി നല്കുന്നു. അങ്ങിനെ ഹമാസിനെ ഇടിമുറിയിൽ പൂട്ടിയിട്ട് ഇപ്പോൾ ഇസ്രായേൽ പ്രഹരിക്കുകയാണ്‌.

കഴിഞ്ഞ ദിവസം വരെ ഈ യുദ്ധത്തേ അനുകൂലിച്ചവരും ഇസ്രായേലിൽ ഹമാസ് കയറിയപ്പോൾ ഗ്വാ..ഗ്വാ വിളിച്ചവരും ഒക്കെ ഇപ്പോൾ കാണാനില്ല. ഹമാസിനെ തകർക്കും എന്നും ജിഹാദികളുടെ സന്തോഷം നീണ്ട് നില്ക്കില്ലെന്നും അന്നേ സോഷ്യൽ മീഡിയയിൽ അടക്കം മുന്നറിയിപ്പ് ഉണ്ടായിരുന്നു. ഇസ്രായേൽ ഗാസ മുനമ്പിൽ വ്യോമാക്രമണം വർദ്ധിപ്പിക്കുകയും ഭക്ഷണം, ഇന്ധനം, മറ്റ് സാധനങ്ങൾ എല്ലാ കർശനമായി തടഞ്ഞു. ഗാസയെ സീൽ ചെയ്തിരിക്കുകയാണ്‌. വെള്ളമില്ല, വെളിച്ചമില്ല, ആഹാരമില്ല, ഇന്റർനെറ്റ് ഇല്ല, ഗ്യാസ് ഇല്ല..ഗാസ പരിപൂർണ്ണമായി ഈ ലോകത്ത് തന്നെ അല്ലാതായി മാറി.

മുന്നറിയിപ്പുകളില്ലാതെ സാധാരണക്കാരെ ലക്ഷ്യമിട്ട് ആക്രമണം നടത്തിയാൽ പിടിക്കപ്പെട്ട ഇസ്രായേലികളെ കൊല്ലുമെന്ന് ഹമാസ് മുന്നറിയിപ്പ് നല്കിയിട്ടുണ്ട്. ഇസ്രായേല്കൾ 100ലധികം പേർ ഹമാസിന്റെ കൈവശം ബന്ദികളായുണ്ട്. ഇതിനിടെ ഏറ്റവും പുതിയ ഒരു അപ്ഡേറ്റ് ഇസ്രായേലിൽ നിന്നും വന്നു. ഹമാസും സൈന്യവും തമ്മിലുള്ള പോരാട്ടത്തിനു ശേഷം ബീറി എന്ന് പറയുന്ന കാർഷിക ഗ്രാമത്തിൽ നിന്നും 100 മൃതദേഹങ്ങൾ കണ്ടെടുത്തു. എന്നാൽ ഇത് ബന്ദികളാക്കിയവരുടേതാണോ അതോ ഹമാസ് പോരാളികളേ ഇസ്രായേൽ കൊന്നതാണോ എന്നറിയിപ്പ.ബന്ദി വിരുദ്ധ പോരാട്ടത്തിനൊടുവിൽ ആണ്‌ ബോഡികൾ കണ്ടെത്തിയത്.രക്ഷാപ്രവർത്തകർ ബീറിയിലെ ചെറിയ കർഷക സമൂഹത്തിൽ നിന്ന് 100 മൃതദേഹങ്ങൾ കണ്ടെത്തി എന്നറിയിക്കുകയായിരുന്നു.

ഇതിനിടെ ഇറാൻ ഹമാസിനെ പിന്തുണയ്‌ക്കുന്നുവെന്നും സംഘർഷം ശക്തമാക്കുന്നുവെന്നും ഇസ്രായേൽ പ്രതിരോധ സേന ആഞ്ഞടിച്ചു. നേരത്തെയും ഹമാസിന് ഇറാൻ പിന്തുണ നൽകിയിരുന്നു. സ്വാഭാവികമായും ഇത്തവണയും ഹമാസിനെ ഇറാൻ പിന്തുണച്ചിട്ടുണ്ട്. ഭീകരരുടെ നുഴഞ്ഞുകയറ്റത്തിന് പിന്നിൽ ഇറാന് പങ്കുള്ളതായി കരുതുന്നുവെന്നും സേന ആരോപിച്ചു. ബന്ദിക്കളാക്കിയിരിക്കുന്ന പൗരന്മാരെ തിരികെ എത്തിക്കാൻ സേന പ്രതിജ്ഞാബദ്ധമാണെന്നും പ്രതിരോധ സേന പ്രസ്താവനയിൽ പറഞ്ഞു.

ഡസൻ കണക്കിന് ഇസ്രായേലികളെയാണ് ഹമാസും ഇസ്ലാമിക് ജിഹാദും ഗാസയിൽ തടവിലാക്കിയിട്ടുള്ളത്. സാധാരണക്കാരും സ്ത്രീകളും വൃദ്ധരും കൈക്കുഞ്ഞുങ്ങളും വികലാംഗരും വരെ ബന്ദികളാക്കിയിട്ടുണ്ട്. അവരെ ഗാസയിലെത്തിച്ച് തെരുവിൽ പരേഡ് ചെയ്തു. പലരെയും പീഡനത്തിനിരയാക്കിയതായാണ് വിവരമെന്നും അദ്ദേഹം കൂട്ടിച്ചേർത്തു. ഇതിനോടകം തന്നെ ഇസ്രായേലിന്റെ തിരിച്ചടി ആരംഭിച്ച് കഴിഞ്ഞു. ഹമാസിനെതിരെയുള്ള തിരിച്ചടിയുടെ ഭാഗമായി കഴിഞ്ഞ 48 മണിക്കൂറിനുള്ളിൽ 3,00,000 സൈനികരെയാണ് ഇസ്രായേൽ അണിനിരത്തിയത്.