പോലീസിലും നിയമ വാഴ്ച്ചയിലും വിശ്വാസമില്ല, ജനം പ്രതികരിക്കും- കെ സുധാകരൻ

കെ സുധാകരൻ എം എപി കണ്ണൂരിലെ രാഷ്ട്രീയ കൊലപാതകത്തേ കുറിച്ച് വികാര ഭരിതമായി കർമ്മ ന്യൂസിനോട് പ്രതികരിച്ചു. പോലീസിലും നിയമ വാഴ്ച്ചയിലും വിശ്വാസമില്ല. പോലീസിൽ വിശ്വാസമേ ഇല്ല. കൊലയാളികൾക്ക് കാവൽ നിന്ന് അവർക്ക് സംരക്ഷണം നല്കുന്ന പോലീസിനെ എങ്ങിനെ വിശ്വസിക്കും.

കണ്ണൂരിൽ പ്രകോപനപരമായ രീതിയിൽ പ്രകടനം നടക്കുന്നതിനെ കുറിച്ച് ചോദിച്ചപ്പോൾ അല്ലാതെ എന്ത് ചെയ്യാനാണ്‌. ഒരു ചെറുപ്പക്കാരാനെ പിടിച്ച് ക്രൂരമായി വെട്ടിയും ബോംബ് എറിഞ്ഞും കൊലപ്പെടുത്തിയിട്ട് ജനങ്ങളോട് അനങ്ങാതിരിക്കണം എന്ന് പറഞ്ഞാൽ അത് നടക്കുമോ. മനുഷ്യർക്ക് വികാരം ഉണ്ടേൽ പ്രതികരിക്കും. നീതി കിട്ടുന്നില്ല.കേന്ദ്ര ഏജൻസികൾ അന്വേഷിച്ചാലേ ശരിയാകൂ- കെ.പി സി സി വർക്കിങ്ങ് പ്രസിഡന്റും എം പിയുമായ കെ സുധാകരൻ കർമ്മ ന്യൂസിനോട് പറഞ്ഞു.

21 വയസ്സുള്ള ചെറുപ്പക്കാരനെ ഇല്ലാതാക്കിയവരെ സംരക്ഷിക്കുകയാണ് പാർട്ടി ചെയ്യുന്നത്. ആർക്കാണ് ആ സംഭവത്തിൽ അമർഷമില്ലാത്തത്. കൊലയാളിയേ പിടിക്കാത്ത പോലീസിലും നിയമ വാഴ്ച്ചയിലും വിശ്വാസമില്ല.സിപിഎമ്മിന്റെ കൊലക്കത്തിക്കിരയാകാത്ത ഏതെങ്കിലും പാർട്ടി കണ്ണൂരിലുണ്ടോ, അക്രമത്തെ പ്രോത്സാഹിപ്പിക്കുന്ന അക്രമത്തെ സപ്പോർട്ട് ചെയ്യുന്ന പാർട്ടി വേറെ ഏതാണുള്ളത്. മുദ്രാവാക്യങ്ങൾ വിളിക്കുന്ന ജനങ്ങളുടെ വികാരത്തിനെതിരെയാണ് ഇപ്പോൾ ഇവർ തിരിയുന്നത്. അതിനാൽ തന്നെ നിതിക്കും നിയമ വാഴ്ച്ചക്കും വേണ്ടി ജനം പ്രതികരിക്കും. 28 മണിക്കൂറായിട്ടും പ്രതികളെ പോലീസിന് പിടിക്കാൻ സാധിച്ചിട്ടില്ല. എന്നാൽ പ്രകടനം നടത്തിയ 67 പേരെ പോലിസ് പിടിച്ച് അകത്തിട്ടു. പത്താം ക്ലാസിൽ പരീക്ഷ എഴുതേണ്ട രണ്ട കുട്ടികളെ അടക്കമാണ് ഇവർ ലോക്കപ്പിലിട്ടത്. കണ്ണൂരിലെ കൊലപാതകത്തിനെതിരേ വൻ പ്രതിഷേധം അലയടിക്കും എന്നും അദ്ദേഹം പ്രതികരിച്ചു

യു എ പി എ പ്രകാരം സി.പി.എം നേതാക്കൾക്കെതിരേ കേസെടുക്കാൻ ദേശീയ അന്വേഷണ ഏജൻസികൾ തയ്യാറകണം