ഇഡിക്ക് മുന്നില്‍ എല്ലാ രേഖകളും ഹാജരാക്കി, ഇനിയും 10 തവണ വിളിച്ചാലും ഹാജരാകുമെന്ന് കെ സുധാകരന്‍

കൊച്ചി. ഇഡിയുടെ എല്ലാ ചോദ്യത്തിനും ഉത്തരം നല്‍കി. ഇഡി ആവശ്യപ്പെട്ട രേഖകള്‍ എല്ലാം നല്‍കിയെന്നും കെപിസിസി അധ്യക്ഷന്‍ കെ സുധാകരന്‍. കേസുമായി ബന്ധപ്പെട്ട് 10 തവണ വിളിപ്പിച്ചാലും ഹാജരാകുവാന്‍ തയ്യാറാണെന്നും കെ സുധാകരന്‍ പറഞ്ഞു. പുരാവസ്തു തട്ടിപ്പ് കേസില്‍ ഇഡി രണ്ടാമതാണ് കെ സുധാകരനെ ചോദ്യം ചെയ്യുന്നത്.

അഞ്ച് വര്‍ഷത്തെ ബാങ്കിംഗ് ഇടപാട് സംബന്ധിച്ച വിവിരങ്ങള്‍ അടക്കം തിങ്കളാഴ്ച രാവിലെ 11 മണിക്ക് ഹാജരാകാനാണ് ഇഡി നോട്ടീസ് നല്‍കിയത്. ഒന്നാം ഘട്ട ചോദ്യം ചെയ്യലിന് ശേഷം ഓഗസ്റ്റ് 30 ന് ഹാജരാകുവാന്‍ ഇഡി നിര്‍ദേശിച്ചെങ്കിലും പുതുപ്പള്ളി ഉപതിരഞ്ഞെടുപ്പ് ചുമതലയുള്ളതിനാല്‍ സാവകാശം ആവശ്യപ്പെടുകയായിരുന്നു.