അച്ഛനും അമ്മയും ലിവിംങ്ങ് ടുഗെതര്‍ തെരഞ്ഞെടുത്തവരാണ്, കനി കുസൃതി പറയുന്നു

മലയാളികളുടെ പ്രിയപ്പെട്ട നടിയാണ് കനി കുസൃതി. ബിരിയാണി എന്ന ചിത്രത്തിലെ അഭിനയത്തിലൂടെ മികച്ച നടിക്കുള്ള സംസ്ഥാന പുരസ്‌കാരവും നടിയെ തേടിയെത്തി. ഇപ്പോള്‍ തന്റെ സിനിമ ജീവിതാനുഭവങ്ങള്‍ തുറന്ന് പറഞ്ഞിരിക്കുകയാണ് കനി കുസൃതി. ഒരു മാഗസിന് നല്‍കിയ അഭിമുഖത്തിലാണ് നടി തുറന്ന് പറഞ്ഞത്.

കനി കുസൃതിയുടെ വാക്കുകള്‍, തന്റെ അച്ഛനും അമ്മയുമായ മൈത്രേയനും ജയശ്രീയും ലിവിംങ്ങ് ടുഗെതര്‍ തെരഞ്ഞെടുത്തവരാണ് അവരുടെ ജീവിതം തനിക്കേറെ സന്തോഷം തരുന്നതാണ്. എന്നാല്‍ കുട്ടിയായിരിക്കുമ്പോള്‍ തന്റെ കുടുംബം ഒരു സാധാരണ കുടുംബം പോലെ ആയിരിക്കണമെന്ന് കരുതിയിരുന്നു. അക്കാര്യം മുന്‍പ് പറഞ്ഞിട്ടുണ്ടെങ്കിലും താന്‍ എന്താണ് ഉദ്ദേശിച്ചതെന്ന് പലര്‍ക്കും മനസ്സിലായിട്ടില്ലെന്നാണ് തോന്നുന്നത്.

സാധാരണ കുടുംബമാകണം എന്നാഗ്രഹിച്ചതിന്റെ അര്‍ത്ഥം പലര്‍ക്കും മനസ്സിലായിട്ടില്ല എന്ന് തോന്നുന്നു. അങ്ങനെ ആഗ്രഹിച്ചിട്ടുമില്ല. ചുറ്റുമുള്ള മുതിര്‍ന്ന ആളുകള്‍ എന്റെ മാതാപിതാക്കളെക്കുറിച്ച് മോശമായി സംസാരിക്കുന്നത് കേട്ട് നിവൃത്തികേട് കൊണ്ട് ചിന്തിക്കുന്നതാണ്. സ്വന്തം മാതാപിതാക്കളോട് സ്‌നേഹമുണ്ടെങ്കില്‍ അവരെ ആരും കുറ്റപ്പെടുത്തുന്നത് കേട്ടുനില്‍ക്കാന്‍ നമുക്ക് കഴിയില്ല. അതുകൊണ്ട് മാത്രമാണ് ചുറ്റുമുള്ള ആളുകള്‍ കുറ്റം പറയാത്ത രീതിയില്‍ എന്റെ അച്ഛനും അമ്മയും ജീവിച്ചിരുന്നെങ്കില്‍ എന്ന് ആഗ്രഹിച്ചത്. അല്ലാതെ അവര്‍ ചെയ്യുന്നത് തെറ്റാണെന്ന് തോന്നിയിട്ടല്ല.’

മോഡലിംഗും അഭിനയവും തുടങ്ങിയ സമയത്തു തന്നെ മാതാപിതാക്കളാണ് തന്റെ ഏറ്റവും വലിയ സൗഭാഗ്യമെന്ന് മനസ്സിലാക്കിയിരുന്നെന്നും മറ്റുള്ളവര്‍ പറയുന്നത് നോക്കേണ്ട കാര്യമില്ലെന്നതാണ്. നാടകം, സിനിമ, സീരിയല്‍ എന്നിവയ്ക്ക് പുറമെ ഗാര്‍ഡനിംഗും തനിക്ക് ഇഷ്ടമാണ്.