ശ്രീറാം വെങ്കിട്ടരാമനെ ആലപ്പുഴ കളക്ടര് സ്ഥാനത്ത് നിന്ന് മാറ്റിയതില് വിശദീകരണവുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. ജനവികാരം കണക്കിലെടുത്താണ് ശ്രീറാമിനെ മാറ്റിയത്. ജനാധിപത്യപരമായ വിയോജിപ്പുകളെ അസഹിഷ്ണുതയോടെ തള്ളിക്കളയുന്ന സമീപനം എല്ഡിഎഫ് സര്ക്കാരിന് ഇല്ലെന്നും അദ്ദേഹം പറഞ്ഞു. ദേശാഭിമാനിയിലെ ലേഖനത്തിലാണ് കോടിയേരി ഇക്കാര്യം വ്യക്തമാക്കിയിരിക്കുന്നത്.
എല്ഡിഎഫ് സര്ക്കാരിന്റെ ഏതെങ്കിലും നടപടിയോടോ തീരുമാനത്തോടോ വിയോജിപ്പുണ്ടെങ്കില് അതില് ജനാധിപത്യപരമായി വിയോജിപ്പ് പ്രകടിപ്പിക്കുന്നതിനോട് എല്ഡിഎഫ് സര്ക്കാരിനോ മുഖ്യമന്ത്രിക്കോ മുന്നണിക്കോ അസഹിഷ്ണുതയില്ല. പത്രപ്രവര്ത്തകനെ കാറിടിച്ചുകൊന്ന കേസില് പ്രതിയായ ഐഎഎസ് ഉദ്യോഗസ്ഥന് ശ്രീറാം വെങ്കിട്ടരാമനെ നിയമം നിര്ബന്ധിച്ചതിനാലാണ് സര്വീസില് തിരിച്ചെടുത്തത്. പിന്നീട് സര്വീസ് നടപടിക്രമങ്ങളുടെ ഭാഗമായി ആലപ്പുഴയില് കളക്ടറാക്കുകയായിരുന്നു എന്ന് കോടിയേരി പറയുന്നു.
എന്നാല്, അതില് പൗരസമൂഹത്തില് എതിര്പ്പുണ്ടായി. ആ വികാരം കണക്കിലെടുത്താണ് നിയമനം സര്ക്കാര് റദ്ദാക്കിയത്. ഈ സംഭവം വ്യക്തമാക്കുന്നത് ജനാധിപത്യപരമായ ന്യായമായ വിയോജിപ്പുകളെ അസഹിഷ്ണുതയോടെ തള്ളുന്ന സമീപനം എല്ഡിഎഫ് സര്ക്കാരിന് ഇല്ലെന്നതാണെന്നും അദ്ദേഹം വ്യക്തമാക്കി.
മുഖ്യമന്ത്രിക്കെതിരായ കരിങ്കൊടി പ്രകടനങ്ങളെ ലേഖനത്തില് രൂക്ഷമായി വിമര്ശിച്ചിട്ടുണ്ട്. എന്തുകൊണ്ടാണ് പ്രധാനമന്ത്രിക്കെതിരെ കരിങ്കൊടി ഉയര്ത്താത്തത് എന്നും കോടിയേരി ചോദിക്കുന്നു. രാഷ്ട്രീയ ഗൂഢലക്ഷ്യത്തോടെയുള്ള സമരകോലാഹലങ്ങള്ക്കു മുന്നില് ഈ സര്ക്കാര് മുട്ടുമടക്കുകയില്ല. കെട്ടിച്ചമച്ച ആരോപണങ്ങളുടെ പേരില് മുഖ്യമന്ത്രിക്ക് എതിരെ കോണ്ഗ്രസ് നടത്തുന്ന സമരത്തില് ഒരു ന്യായവുമില്ലെന്നും അദ്ദേഹം കൂട്ടിച്ചേര്ത്തു.
കോഴിക്കോട് : നവവധുവിനു ഭർതൃവീട്ടിൽ ക്രൂരമർദനമേറ്റ സംഭവത്തിൽ പ്രതി രാഹുൽ പി.ഗോപാലിനെ തിരിച്ചു കൊണ്ടുവരുന്നതുമായി ബന്ധപ്പെട്ട്, ഇന്റർപോൾ സംസ്ഥാന നോഡൽ…
എറണാകുളം: രാജ്യാന്തര അവയവക്കടത്ത് കേസ് ദേശീയ അന്വേഷണ ഏജൻസി ഏറ്റെടുത്തേക്കും. സംസ്ഥാന പൊലീസ് അന്വേഷിക്കുന്ന കേസിന് രാജ്യാന്തര മാനങ്ങളുണ്ട് എന്ന്…
തിരുവനന്തപുരം : ഗര്ഭസ്ഥശിശുവിന്റെ മൃതദേഹം വിട്ടു നല്കാത്തതില് പ്രതിഷേധവുമായി ബന്ധുക്കള് തിരുവനന്തപുരം തൈക്കാട് ആശുപത്രിക്കെതിരെയാണ് പരാതി. മൂന്നു ദിവസം മുൻപാണ്…
കൊച്ചി: കേരള സര്വകലാശാല സെനറ്റിലേക്കുള്ള ഗവര്ണറുടെ നാമനിര്ദ്ദേശം ഹൈക്കോടതി റദ്ദാക്കി. ആറ് ആഴ്ചയ്ക്കുള്ളില് പുതിയ നാമനിര്ദേശം നടത്താന് ഹൈക്കോടതി ഗവര്ണറോട്…
തിരുവനന്തപുരം : കെ.എസ്.ആര്.ടി.സി. ബസുകള് വൈകിയാൽ ഇനി ടിക്കറ്റ് നിരക്ക് തിരികെ ലഭിക്കും. രണ്ടു മണിക്കൂറില് കൂടുതല് ബസ് പുറപ്പെടാന്…
പാലക്കാട്; കുതിരാന് തുരങ്കം സുരക്ഷാ ഭീഷണിയില്. തുരങ്കത്തിനുള്ളില് വൈദ്യുതി അടിക്കടി മുടങ്ങുന്നതാണ് തുരങ്കത്തില് ജീവന് ഭീഷണി ഉയര്ത്തുന്നത്. കഴിഞ്ഞ രണ്ടു…