ഹലാൽ വിഷയം ചർച്ചയാക്കുന്നത് കേരളത്തിലെ മത സൗഹാർദ്ദം തകർക്കാൻ

ഹലാൽ വിഷയം ചർച്ചയാക്കുന്നത് മൂലം കേരളത്തിലെ മത സൗഹാർദ്ദം തകരും എന്ന പ്രസ്ഥാവനയുമായി കോടിയേരി ബാലകൃഷ്ണൻ.ഹലാല്‍ വിവാദം  മതസൗഹാര്‍ദ്ദം തകര്‍ക്കാനുള്ള നീക്കമാണ്‌ എന്നും ഇതിനു പിന്നിൽ ഉള്ളവരുടെ ലക്ഷ്യം അതാണെന്നും കോടിയേരി ബാലകൃഷ്ണൻ വ്യക്തമാക്കുന്നു.ബിജെപിക്കുള്ളില്‍ പോലും ഹലാൽ വിഷയത്തിൽ യോജിച്ച അഭിപ്രായം ഇല്ല. ഹലാൽ വിഷയം ചർച്ചയാക്കുന്നത് കേരളത്തിനു ഒരു ഗുണവും ഉണ്ടാവില്ല.എല്‍ജെഡി സംസ്ഥാന പ്രസിഡന്‍റ് എം വി ശ്രേയാംസ് കുമാറിന്‍റെ മന്ത്രി ആക്കണം എന്ന ആവശ്യവും കോടിയേരി ബാലകൃഷ്ണൻ തള്ളി കളഞ്ഞു.ഓരോ പാർട്ടികൾക്കും അവകാശവാദങ്ങൾ ഉണ്ടാകുമെന്നും ഇപ്പോൾ പരിഗണിക്കാൻ കഴിയില്ലെന്നും കോടിയേരി പറഞ്ഞു. ജനതാ പാർട്ടികൾ ഒന്നിക്കണമെന്നാണ് സിപിഎം അഭിപ്രായമെന്നും കോടിയേരി പറഞ്ഞു.

ഹലാൽ വിഷയത്തിൽ ചർച്ചകൾ നിർത്തണം എന്നും മത സൗഹാർദ്ദം തകരും എന്നും കോടിയേരി ബാലകൃഷ്ണന്റെ പ്രസ്ഥാവന സൂചിപ്പിക്കുന്നത് സർക്കാരിനെയും ഇത് അസ്വസ്ഥപെടുത്തുന്നു എന്നാണ്‌. ഇത്തരം ചർച്ചകൾ പൊതു സമൂഹത്തിൽ സാധാരണമാണ്‌ എന്നും ജനാധിപത്യ രാജ്യത്ത് ജനാധിപത്യപരമായ രീതിയിൽ മതങ്ങളേ വിമർശിക്കാനും മറ്റും സ്വാതന്ത്ര്യം ഉണ്ട് എന്നും ചൂണ്ടിക്കാട്ടുന്നു.

എല്ലാ മതങ്ങളേയും വിമർശിക്കാം എന്നാൽ ചില പ്രത്യേക മതകാര്യങ്ങളേ വിമർശിച്ചാൽ അത് മത സൗഹാർദ്ദം തകരും എങ്കിൽ കേരള സമൂഹത്തേ ആ നിലയിൽ നിർമ്മിച്ചിരിക്കുന്ന സർക്കാരിന്റെയും മുന്നണികളുടേയും പ്രശ്നമാണ്‌ എന്നും ചൂണ്ടിക്കാട്ടുന്നു. കോടിയേരിയുടെ പ്രസ്ഥാവന ജനാധിപത്യ അഭിപ്രായ സ്വാതന്ത്ര്യത്തിനും യോജിക്കുന്നതല്ലെന്നും പറയുന്നു. പാലാ ബിഷപ്പിന്റെ മുട്ട്കാൽ തല്ലി ഒടിക്കും എന്നും കൊല്ലും എന്ന് പറഞ്ഞപ്പോൾ പോലും സി.പി.എം മത സൗഹാർദ്ദം തകരും എന്ന് പറഞ്ഞിട്ടില്ല എന്നതും ശ്രദ്ധേയമാണ്‌