കോഴിക്കോട് . ക്ലാസിഫൈഡ് വെബ്സൈറ്റുകളിൽ നമ്പര് നല്കി വാട്സ്ആപ്പ് മുഖേന യുവതികളുടെ ഫോട്ടോ അയച്ചുകൊടുത്ത് കോഴിക്കോട് കേന്ദ്രീകരിച്ച് നടന്നു വന്നിരുന്ന പെണ്വാണിഭത്തിന്റെ കൂടുതൽ വിവരങ്ങൾ പുറത്ത്. ബംഗളൂരുവില് നിന്നും കേരളത്തിന്റെ വിവിധ ഭാഗങ്ങളിൽ നിന്നും യുവതികളെ എത്തിച്ച് കോഴിക്കോട് നഗരത്തിലെ വിവിധ ലോഡ്ജുകളില് താമസിപ്പിച്ച് പെണ്വാണിഭം നടത്തിവന്ന സംഘം ആണ് കോഴിക്കോട് പോലീസ് പിടിയിലായിരുന്നത്.
നടത്തിപ്പുകാരായ രണ്ടുപേരെയും ഇടപാടുകാരായെത്തിയ മൂന്നുപേരെയുമാണ് കസബ പോലീസ് സംഭവത്തിൽ അറസ്റ്റുചെയ്തത്. മലപ്പുറം വള്ളിക്കുന്ന് മങ്ങാട്ടുഞ്ഞാലില് സനീഷ് (35), പാലക്കാട് ആലത്തൂര് പത്തനാപുരം ഷമീര് (33) എന്നിവരാണ് പിടിയിലായ നടത്തിപ്പുകാര്. ഇവരെ കോടതി റിമാന്ഡ് ചെയ്തിരിക്കുകയാണ്. ഇടപാടുകാരായി എത്തിയ മൂന്നുപേര്ക്ക് കോടതി ജാമ്യം അനുവദിച്ചിട്ടുണ്ട്. പത്തു യുവതികളെയാണ് പെണ്വാണിഭത്തിനായി സംഘം എത്തിച്ചിരുന്നതെന്നാണ് പോലീസ് ആദ്യം കണ്ടെത്തിയിരിക്കുന്നത്. കസ്റ്റഡിയിലെടുത്ത യുവതികളെ കോടതി നിര്ദേശപ്രകാരം ബന്ധുക്കള്ക്കൊപ്പം തുടർന്ന് വിട്ടയക്കുകയായിരുന്നു.
വെബ്സൈറ്റില് നമ്പര് നല്കി വന്ന സംഘം വാട്സ്ആപ്പ് മുഖേന യുവതികളുടെ ഫോട്ടോ അയച്ചുകൊടുത്താണ് ഇടപാടുകാരെ കണ്ടെത്തി വന്നിരുന്നത്. മണിക്കൂറുകള്ക്ക് മൂവായിരം മുതല് അയ്യായിരം രൂപ വരെയാണ് ഇവർ ഈടാക്കി വന്നിരുന്നത്. ഡെപ്യൂട്ടി കമ്മീഷണര് കെ.ഇ. ബൈജുവിനു ലഭിച്ച വിവരത്തിന്റെ അടിസ്ഥാനത്തില് നഗരത്തിലെ വിവിധ ലോഡ്ജുകളില് പോലീസ് പരിശോധന നടത്തുകയായിരുന്നു.
പെണ്വാണിഭത്തിനായി പ്രതികള് ഉപയോഗിച്ചിരുന്ന മൊബൈല്ഫോണ് പോലീസ് പിടിച്ചെടുത്തിട്ടുണ്ട്. ഇത് ശാസ്ത്രീയപരിശോധനയ്ക്ക് വിധേയമാക്കും. കോഴിക്കോട്ടുകാരായ നിരവധി സ്ത്രീകള് സംഘത്തിന്റെ വലയില്പ്പെട്ടതായാണ് പോലീസ് ഇപ്പോൾ സംശയിക്കുന്നത്. ഇതുസംബന്ധിച്ച നിര്ണായകവിവരങ്ങള് മൊബൈല്ഫോണില് നിന്നു പോലീസിന് ലഭിച്ചിട്ടുണ്ട്. പ്രതികളെ കസ്റ്റഡിയില് വാങ്ങിയ ശേഷം വിശദമായ തെളിവെടുപ്പും അന്വേഷണവും നടത്തുമെന്ന് പോലീസ് പറഞ്ഞു. ടൗണ് അസിസ്റ്റന്റ് കമ്മീഷണര് ബിജുരാജ്, കസബ ഇന്സ്പെക്ടര് എന്. പ്രജീഷ്, എസ്ഐ കെ. റസാഖ്, രജീഷ്, സാഹിറ, ശ്രീജേഷ്, നിറാസ്, വിഷ്ണുപ്രഭ, രതീഷ് എന്നിവരാണ് കേസ് അന്വേഷിച്ചു വരുന്നത്.
ബിഗ് ബോസ് മലയാളം സീസണ് 6 ടൈറ്റില് വിജയിയായി ജിന്റോ. 50 ലക്ഷം രൂപയാണ് ജിന്റോയ്ക്ക് ലഭിക്കുന്നത്. അർജുനാണ് രണ്ടാം…
കോട്ടയം: ചാരിറ്റിയുടെ മറവിൽ വീട്ടമ്മമാരെ കബളിപ്പിച്ച് ഒരു കോടി രൂപയോളം തട്ടിയെടുത്ത കേസിൽ രണ്ടു സ്ത്രീകൾ അറസ്റ്റിൽ. ഏറ്റുമാനൂർ പേരൂർ…
പത്തനംതിട്ട: കുവൈത്തിലെ തീപിടിത്തത്തില് മരിച്ച നാലു മലയാളികള്ക്ക് കൂടി നാടിന്റെ യാത്രാമൊഴി. കോട്ടയം, പത്തനംതിട്ട സ്വദേശികളുടെ മൃതദേഹങ്ങള് പൊതുദര്ശനത്തിനുശേഷം സംസ്കരിച്ചു.…
കൊല്ലം ചാത്തന്നൂരിൽ ദേശീയപാതയിൽ നിർത്തിയിട്ട കാറിന് തീ പിടിച്ച് ഡ്രൈവർ മരിച്ചു. ചാത്തന്നൂർ കാരംകോട് കുരിശിൻ മൂടിന് സമീപമാണ് കാർ…
തിരുവനന്തപുരം: ബാലരാമപുരത്ത് യുവാവിനെ കുത്തിക്കൊലപ്പെടുത്തി. ബാലരാമപുരം ആലുവിള സ്വദേശിയായ ബിജു (40) ആണ് കൊല്ലപ്പെട്ടത്. സംഭവത്തില് പ്രതിയെന്ന് സംശയിക്കുന്ന ബാലരാമപുരം…
കൊല്ലം ∙ വെളിനല്ലൂരിൽ തീറ്റയിൽ പൊറോട്ട അമിതമായി നൽകിയതിനെ തുടർന്ന് അഞ്ച് പശുക്കൾ ചത്തു. ഒൻപതെണ്ണം അവശനിലയിൽ. വെളിനല്ലൂർ വട്ടപ്പാറ…