ഇസക്കുട്ടനെ കൈകളിലെടുത്ത് നയൻതാര, ഇസുക്കുട്ടന് നയൻസിനെ അത്ര പിടിച്ചിട്ടില്ലെന്ന് ആരാധകർ

കുഞ്ചാക്കോ ബോബൻ നായകനാകുന്ന നിഴൽ എന്ന സിനിമയിലൂടെ മലയാളത്തിൽ വീണ്ടും അഭിനയിച്ചുകൊണ്ടിരിക്കുകയാണിപ്പോൾ നയൻതാര. അടുത്തിടെയാണ് താരം ജന്മദിനം ആഘോഷിച്ചത്. ആരാധകരും കുടുംബക്കാരും ആഘോഷം ​ഗംഭീരമാക്കിയിരുന്നു. കൊച്ചിയിലാണ് നിഴലിന്റെ ഷൂട്ടിം​ഗ് പുരോ​ഗമിക്കുന്നത്. ഇതിനിടയിൽ ഇതാ കുഞ്ചാക്കോ ബോബനും കുടുംബത്തോടൊപ്പമുള്ള നയൻതാരയുടെ ഒരു ചിത്രം സോഷ്യൽമീഡിയയിൽ വൈറലായിരിക്കുകയാണ്.

കുഞ്ചാക്കോ ബോബനാണ് ചിത്രം ഷെയർ ചെയ്തിരിക്കുന്നത്. ചിത്രത്തിൽ ചാക്കോച്ചന്റെ മകൻ ഇസഹാക്കിനെ നയൻസ് ഒക്കത്തെടുത്തു നിൽക്കുകയാണ്. ചാക്കോച്ചനൊപ്പം നിഴൽ ന്റെ ലൊക്കേഷനിൽ എത്തിയതായിരുന്നു താരത്തിന്റെ നല്ലപാതി പ്രിയയും മകനും. കുഞ്ചാക്കോ ബോബനും നയൻതാരയുമാണ് ചിത്രത്തിൽ പ്രധാനവേഷങ്ങളിൽ അഭിനയിക്കുന്നത്

ചിത്രത്തിന് താഴെ രസകരമായ നിരവധി കമൻറുകളുമായി ആരാധകരും എത്തിയിട്ടുണ്ട്. ഇങ്ങള് മെലിഞ്ഞു ഇല്ലാണ്ടായല്ലോ മാഷേ എന്നാണ് ഒരാൾ കുഞ്ചാക്കോ ബോബൻറെ ലുക്ക് കണ്ട് കുറിച്ചിരിക്കുന്നത്. നയൻസിന് ചാക്കോച്ചനേക്കാൾ ഉയരം കുറവായിരുന്നല്ലേയെന്നാണ് ആരാധകരിലൊരാൾ കണ്ടെത്തിയിരിക്കുന്നത്. ഇസുക്കുട്ടന് നയൻതാരയെ അത്ര പിടിച്ച മട്ടല്ല, ആള് കലിപ്പിലാണെന്നാണ് വേറെ ഒരാൾ പറഞ്ഞിരിക്കുന്നത്

അപ്പു ഭട്ടതിരിയാണ് ചിത്രത്തിന്റെ സംവിധായകൻ. തിരക്കഥ എഴുതുന്നത് സഞ്ജീവ്. ദീപക് ഡി. മേനോൻ ഛായാഗ്രഹണം. സൂരജ് എസ്. കുറുപ്പിന്റേതാണ് സംഗീതം. അപ്പു ഭട്ടതിരിയും അരുൺ ലാലുമാണ് എഡിറ്റിങ്. ആന്റോ ജോസഫ് ഫിലിം കമ്പനിക്കൊപ്പം അഭിജിത് എം പിള്ള, ബാദുഷ, ഫെല്ലിനി ടി.പി, ഗണേഷ് ജോസ് എന്നിവരാണ് ചിത്രം നിർമിക്കുന്നത്