വിവാഹ അഭ്യർത്ഥന നിരസിച്ചു; യുവാവിനെതിരെ ക്വട്ടേഷൻ നൽകിയ പ്രതികൾ അറസ്റ്റിൽ

കൊല്ലം: വിവാഹ അഭ്യർത്ഥന നിരസിച്ച യുവാവിനെതിരെ ക്വട്ടേഷൻ നൽകിയ പ്രതികൾ അറസ്റ്റിലായി. കൊല്ലം സ്വദേശിനിയായ വീട്ടമ്മയെ ആണ് അറസ്റ്റ് ചെയ്തത്. യുവതി അടക്കം അഞ്ച് പേരാണ് സംഭവത്തെത്തുടർന്ന് അറസ്റ്റിലായത്. യുവതിയുടെ ക്വട്ടേഷൻ ഏറ്റെടുത്ത് യുവാവിനെ ക്രൂരമായി ആക്രമിച്ച വർക്കല ഇടവ സ്വദേശികളായ സരസ്വതി മന്ദിരത്തിൽ അരുൺ, കുന്നത്തുവിള വീട്ടിൽ മുകേഷ് എന്നിവരാണ് അറസ്റ്റിലായത്.

സ്വകാര്യ ഫൈനാൻസ് കമ്പനിയിൽ കളക്ഷൻ ഏജന്റായി ജോലി ചെയ്തു വരുന്ന യുവാവുമായി യുവതിക്ക് രണ്ട് വർഷത്തിലധികമായി അടുപ്പമുണ്ട്. യുവാവിന് ആവശ്യമായ സാമ്പത്തിക സഹായങ്ങളും യുവതി ചെയ്തു നൽകി. ഇയാൾ പലതവണയായി യുവതിയുടെ വീട്ടിൽ വരാറുണ്ടായിരുന്നു. ഈ അടുപ്പം വിവാഹത്തിലേക്ക് അവസാനിക്കാൻ ആഗ്രഹിച്ച യുവതി, തന്നെ വിവാഹം കഴിക്കാൻ യുവാവിനോട് ആവശ്യപ്പെട്ടു. വിവാഹിതയും രണ്ട് കുട്ടികളുടെ മാതാവുമാണ് യുവതി