കൊല്ലം : പരിസരം മറന്ന് അടികൂടി യുവതികളുടെ വീഡിയോ പകര്ത്തിയെന്ന് ആരോപിച്ച് യുവതി യുവാവിന്റെ കൈ തല്ലിയൊടിച്ചു. കഴിഞ്ഞ ചൊവ്വാഴ്ചയായിരുന്നു സംഭവം. കൊല്ലം കടയ്ക്കല് സ്വദേശിയും ഓട്ടോഡ്രൈവറുമായ വിജിത്താണ് യുവതിയുടെ ആക്രമണത്തിന് ഇരയായത്. വിജിത്തിന്റെ പരാതിയില് കടയ്ക്കല് പാങ്ങലുകാട് സ്വദേശി അന്സിയക്കെതിരേ കേസ് രജിസ്റ്റർ ചെയ്തു.
അന്സിയ കമ്പിവടി കൊണ്ടാണ് വിജിത്തിനെ ആക്രമിച്ചത്. ഒരാഴ്ച മുന്പ് പാങ്ങലുകാട് തയ്യല്ക്കട നടത്തുന്ന അന്സിയയും മറ്റുരണ്ട് സ്ത്രീകളും തമ്മില് നടുറോഡില്വെച്ച് ഏറ്റുമുട്ടിയിരുന്നു. ഈ സംഘര്ഷത്തിന്റെ വീഡിയോ വിജിത്ത് ഫോണില് പകര്ത്തിയെന്നായിരുന്നു അന്സിയയുടെ സംശയം. ഇക്കാര്യം തിരക്കുന്നതിനായി ചൊവ്വാഴ്ച അന്സിയ ഓട്ടോസ്റ്റാന്ഡിലെത്തി വിജിത്തിനെ കണ്ടു.
വിജിത്ത് വീഡിയോ എടുത്തിട്ടില്ലെന്ന് പറഞ്ഞിട്ടും അന്സിയ വിജിത്തിനെ കമ്പിവടി കൊണ്ട് അടിക്കുകയായിരുന്നു. യുവാവിന്റെ ഇടതുകൈ തല്ലിയൊടിച്ചശേഷം അന്സിയ തയ്യല്ക്കടയ്ക്കുള്ളിലേക്ക് ഓടിക്കയറി രക്ഷപ്പെട്ടു.
കൈയ്യൊടിഞ്ഞ വിജിത്തിനെ സ്റ്റാന്ഡിലുണ്ടായിരുന്ന മറ്റു ഓട്ടോഡ്രൈവര്മാരാണ് ആശുപത്രിയിലെത്തിച്ചത്.
സംഭവത്തില് ജാമ്യമില്ലാവകുപ്പുകള് ചുമത്തിയാണ് അന്സിയക്കെതിരേ പോലീസ് കേസെടുത്തിരിക്കുന്നത്.
സ്ത്രീകളെ ആക്രമിച്ച സംഭവത്തിലും യുവതിക്കെതിരെ കേസെടുത്തിട്ടുണ്ട്. എന്നാൽ യുവതിയെ അറസ്റ്റ് ചെയ്യാനുള്ള നടപടികളിലേക്ക് പോലീസ് കടക്കുന്നില്ലായെന്ന പരാതിയും ഉയരുന്നുണ്ട്.
കൊച്ചി: കേരള സര്വകലാശാല സെനറ്റിലേക്കുള്ള ഗവര്ണറുടെ നാമനിര്ദ്ദേശം ഹൈക്കോടതി റദ്ദാക്കി. ആറ് ആഴ്ചയ്ക്കുള്ളില് പുതിയ നാമനിര്ദേശം നടത്താന് ഹൈക്കോടതി ഗവര്ണറോട്…
തിരുവനന്തപുരം : കെ.എസ്.ആര്.ടി.സി. ബസുകള് വൈകിയാൽ ഇനി ടിക്കറ്റ് നിരക്ക് തിരികെ ലഭിക്കും. രണ്ടു മണിക്കൂറില് കൂടുതല് ബസ് പുറപ്പെടാന്…
പാലക്കാട്; കുതിരാന് തുരങ്കം സുരക്ഷാ ഭീഷണിയില്. തുരങ്കത്തിനുള്ളില് വൈദ്യുതി അടിക്കടി മുടങ്ങുന്നതാണ് തുരങ്കത്തില് ജീവന് ഭീഷണി ഉയര്ത്തുന്നത്. കഴിഞ്ഞ രണ്ടു…
നാദാപുരം : കൂൺ കഴിച്ച് ഒരു കുടുംബത്തിലെ നാലുപേർക്ക് ഭക്ഷ്യവിഷബാധയേറ്റു. കോഴിക്കോട് ജില്ലയിലെ നാദാപുരത്താണ് സംഭവം. വരിക്കോളി സ്വദേശികളായ പൊക്കൻ…
ഞാൻ ആർ എസ് എസുകാരനായിരുന്നു. 37 വർഷമായി പ്രൊഫഷണൽ കാരണങ്ങളാൽ ആർഎസ്എസിൽ നിന്ന് വിട്ടുനിന്നതിന് ശേഷം വീണ്ടും ആർഎസ്എസിൽ പ്രവർത്തിക്കാൻ…
കോഴിക്കോട്: മഴയത്ത് കടവരാന്തയില് കയറി നിന്ന 19 കാരന് ഷോക്കേറ്റ് മരിച്ച സംഭവത്തിൽ വിശദീകരണവുമായി കെ എസ് ഇ ബി.…