തൃശൂര്‍ : ചാലക്കുടി ബസ് സ്റ്റാന്‍ഡിന് സമീപം ഉള്ള ഫ്ളാറ്റിലെ തമാക്കർ ആദ്യം ഒന്ന് അത്ഭുതപ്പെട്ടു. ഇതുവരെ ഇങ്ങനെ ഒരു അനുഭവം അവർക്ക് ആര്‍ക്കും ഉണ്ടായിരുന്നില്ല. ഇവർക്ക് എന്നല്ല ആർക്കും ഉണ്ടായി കാണില്ല. മറ്റൊന്നുമല്ല കിണറിലെ വെള്ളം വീഞ്ഞായി മാറിയോ എന്ന് പോലും അവര്‍ സംശയിച്ചു. അവരെ കുറ്റം പറയാന്‍ സാധിക്കില്ല. കാരണം രാവിലെ ടാപ്പില്‍ നിന്നും വെള്ളം എടുത്ത ഫ്‌ലാറ്റ് നിവാസികള്‍ക്ക് എല്ലാം മദ്യം കലര്‍ന്ന വെള്ളമാണ് ലഭിച്ചത്. എന്നാല്‍ പിന്നാലെ കഥ അറിഞ്ഞപ്പോഴാണ് ഈ പുതിയ സംവിധാനവും സര്‍ക്കാര്‍ നല്‍കിയത് ആണെന്ന് അവര്‍ക്ക് വ്യക്തം ആകുന്നത്.
ചാലക്കുടിയിലെ സോളമന്‍സ് എവന്യൂ ഫ്ളാറ്റിലെ താമസക്കാര്‍ക്ക് ആണ് ടാപ്പില്‍ മദ്യം കലര്‍ന്ന ജലം എത്തിയത്. ഇതോടെ ഫ്‌ലാറ്റ് നിവാസികള്‍ ആദ്യം വാട്ടര്‍ ടാങ്ക് ആണ് പോയി പരിശോധിച്ചത്. ടാങ്ക് തുറന്നപ്പോള്‍ രൂക്ഷമായ മദ്യ ഗന്ധം ആയിരുന്നു. ഇതോടെ കിണറും ഒന്ന് പരിശോധിച്ച് കളയാമെന്ന് ഇവര്‍ തീരുമാനിച്ചു. കിണറില്‍ നിന്നും വെള്ളം കോരിയെടുത്ത് പരിശോധിച്ചു. അപ്പോഴും അതേ രൂക്ഷ ഗന്ധം.
ഇതോടെ സംശയവും പലതായി. ആരെങ്കിലും അറിഞ്ഞുകൊണ്ട് കിണറ്റില്‍ മദ്യം കലര്‍ത്തിയത് ആണോ എന്ന് പോലും അന്വേഷണങ്ങള്‍ ഉണ്ടായി. എന്നാല്‍ ഏറ്റവും ഒടുവില്‍ എല്ലാവരും ചെന്നെത്തിയത് സമീപം ഉണ്ടായിരുന്നു ഒരു ബാറിലാണ്. സോളമന്‍സ് എവന്യൂ ഫ്‌ളാറ്റിന് സമീപത്തെ ബാറില്‍ നിന്നും ആറ് വര്‍ഷം മുന്‍പ് എക്സൈസുകാര് ആറായിരം ലിറ്റര്‍ മദ്യം പിടിച്ചിരുന്നു.
എക്‌സൈസ് പിടി കൂടിയ മദ്യം ബാറില്‍ തന്നെ സീല്‍ ചെയ്ത് സൂക്ഷിക്കുകയാണ് ചെയ്തത്. കേസിന്റെ നടപടികള്‍ പൂര്‍ത്തിയായതോടെ മദ്യം നശിപ്പിക്കാന്‍ എക്‌സൈസ് തീരുമാനിച്ചിരുന്നു. തുടര്‍ന്ന് ബാറിന് സമീപം വലിയ കുഴി എടുത്ത് മദ്യം ഒഴിച്ചു കളയുകയാണ് എക്‌സൈസ് ചെയ്തത്. ആ ആറായിരം ലിറ്റര്‍ മദ്യമാണ് ആറ് വര്‍ഷങ്ങള്‍ക്ക് ശേഷം ഫ്‌ലാറ്റിലെ കിണറിലേക്ക് ഊര്‍ന്ന് എത്തിയത്. കുഴിയെടുത്ത് കളഞ്ഞ മദ്യം മണ്ണിലൂടെ ഒലിച്ചിറങ്ങിയത് തൊട്ട് അടുത്തുള്ള കിണറിലായിരുന്നു. സംഭവം അറിഞ്ഞ് ആദ്യം ഓടി എത്തിയതും എക്‌സൈസ്ുകാരാണ്. വിവാദം ആക്കേണ്ട കിണര്‍ ശുദ്ധി ആക്കി തരാം എന്നാണ് എക്സൈസുകാര് പറയുന്നത്.
അതേസമയം ഒന്നാം തീയതികളില്‍ മദ്യം ലഭ്യമാക്കാന്‍ സര്‍ക്കാര്‍ നീക്കം തുടങ്ങിയിരുന്നു. ഒരു ദിവസത്തേക്കുള്ള മദ്യനിരോധനം ഫലം ചെയ്യുന്നില്ലെന്ന വിലയിരുത്തലിനെ തുടര്‍ന്നാണ് ഒന്നാം തീയതിയും മദ്യഷോപ്പുകള്‍ തുറന്നുപ്രവര്‍ത്തിപ്പിക്കുന്നതിനെ കുറിച്ച് സംസ്ഥാന സര്‍ക്കാരില്‍ ആലോചനകള്‍ നടക്കുന്നത്. ഒന്നാം തീയതിയിലെ നിരോധനം നീക്കണമെന്ന ടൂറിസം മേഖലയുടെ നിലപാടും ഇതിന് പ്രേരണയാകുന്നുണ്ട്. സിപിഎമ്മിലും ഇടതുമുന്നണിയിലും ചര്‍ച്ച ചെയ്തശേഷമായിരിക്കും തീരുമാനം.
കഴിഞ്ഞ രണ്ടു പതിറ്റാണ്ടായി ബിവറേജസ് ഔട്ട്ലൈറ്റുകളില്‍ നിന്നും ബാറുകളില്‍ നിന്നും ഒന്നാം തീയതി മദ്യം ലഭിക്കുന്നില്ല. ഇതില്‍ ഒരു മാറ്റം വേണമെന്ന വിലയിരുത്തലിന്റെ അടിസ്ഥാനത്തിലാണ് സര്‍ക്കാരിലും സിപിഎമ്മിലും ചര്‍ച്ചകള്‍ പുരോഗമിക്കുന്നത്. ഒരു ദിവസത്തെ നിരോധനം കൊണ്ട് ഉദ്ദേശിച്ച ഫലം ലഭിക്കുന്നില്ല എന്ന വിലയിരുത്തലിന്റെ അടിസ്ഥാനത്തിലാണ് സര്‍ക്കാര്‍ നീക്കം ആരംഭിച്ചിരിക്കുന്നത്.
ഗോകുലം ഗോപാലൻ 300കോടിയുടെ സ്വത്ത് 25കോടിക്ക് തട്ടിയെടുത്തെന്ന് ശോഭാ സുരേന്ദ്രൻ. പവപ്പെട്ടവന് പലിശയും കൂട്ടുപലിശയും ചേർത്ത് കോടികളുടെ കടബാധ്യതയുണ്ടാക്കി ഒരു…
തൃശൂരില്‍ സിപിഎമ്മിന്റെ ഒരുകോടി രൂപ ആദായ നികുതി വകുപ്പ് പിടിച്ചെടുത്തു. സിപിഐഎം ബാങ്ക് ഓഫ് ഇന്ത്യ ശാഖയില്‍ നിക്ഷേപിക്കാന്‍ കൊണ്ടുവന്ന…
ചളി നിറഞ്ഞ ചെങ്കുത്തായ പാതയിലൂടെ ഹിംഗ്‌ലാജ് മാതയുടെ പുണ്യം തേടിയെത്തിയത് ഒരു ലക്ഷത്തിലേറെ ഭക്തര്‍. തെക്കുപടിഞ്ഞാറന്‍ പാകിസ്ഥാനിലെ ബലൂചിസ്ഥാനിലെ വിഖ്യാതമായ…
ശോഭാ സുരേന്ദ്രനെതിരേ നടപടി ആവശ്യപ്പെട്ട് കേന്ദ്ര ബിജെപി നേതൃത്വത്തേ സമീപിച്ചു. ബി.ജെ പി പ്രവർത്തകരുടെ വികാരവും പോരാടുന്ന ധീര വനിതയുമായ…
പറവൂർ: കൊച്ചി മെട്രോ റെയിൽവേ നിർമാണത്തിൽ ഏർപ്പെട്ടിരുന്ന തൊഴിലാളികളുടെ ദേഹത്തേക്ക് ട്രെയ്ലർ ലോറി ഓടിച്ചുകയറ്റിയ സംഭവത്തിൽ ഡ്രൈവർക്ക് അഞ്ച് വർഷം…
വർക്കലയിലെ ഫ്ളോറിങ് ബ്രിഡ്ജ് തകർന്നത് കൊണ്ട് ഉത്ഘാടനം മാറ്റിവെച്ച ആക്കുളത്തെ കണ്ണാടിപ്പാലവും തകർന്നു പാലം നിര്‍മ്മിച്ചത്‌ സിപിഎം എംഎല്‍എയുടെ സൊസൈറ്റിവട്ടിയൂര്‍ക്കാവ്…