പതിനാലുകാരിയും 34കാരനും ജീവനൊടുക്കാൻ ശ്രമിച്ചു, സംഭവം പ്രണയം പുറത്തറിഞ്ഞതിന് പിന്നാലെ

ഇടുക്കി : പതിനാലുകാരിയും ബന്ധുവായ 34-കാരനും വിഷം കഴിച്ച് ആത്മഹത്യക്ക് ശ്രമിച്ചു. ഇടുക്കി അടിമാലി വെള്ളത്തൂവല്‍ മുറിയറയിലാണ് സംഭവം. ഇരുവരും തമ്മില്‍ പ്രണയത്തിലായിരുന്നെന്നും പ്രണയം പുറത്തറിഞ്ഞതിന് പിന്നാലെയാണ് ആത്മഹത്യക്ക് ശ്രമിച്ചതെന്നുമാണ് സൂചന.

ഇരുവരെയും ആദ്യം അടിമാലി താലൂക്ക് ആശുപത്രിയിലും പിന്നീട് കോട്ടയം മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു. പ്രണയം വീട്ടില്‍ അറിഞ്ഞതോടെ ബന്ധുക്കള്‍ പോലീസില്‍ പരാതി നല്‍കുകയായിരുന്നു. പരാതി അന്വേഷിക്കാന്‍ പോലീസ് എത്തുന്നതിന് തൊട്ടുമുമ്പാണ് ഇരുവരും വിഷം കഴിച്ചത്.

പത്താം ക്ലാസ് വിദ്യാര്‍ത്ഥിനിയായ പെണ്‍കുട്ടി ബന്ധുവായ യുവാവുമായാണ് പ്രണയത്തിലായത്. പെൺകുട്ടിയും യുവാവും അപകട നില തരണം ചെയ്തിട്ടില്ല.