50 കഴിഞ്ഞ സൗന്ദര്യത്തിന്റെ രഹസ്യമെന്ത്, ആരാധകന് മറുപടി നൽകി മാധവൻ

ഒട്ടെറേ മലയാളി ആരാധകരെ സ്വന്തമാക്കിയ താരമാണ് മാധവൻ. ഭാഷാ ഭേദമെന്യേ മാധവന് എല്ലായിടത്തും ആരാധകരുണ്ടെന്ന് പറയാം. തന്റെ അഭിനയ മികവ് കൊണ്ട് ആരാധകരെ കയ്യിലെടുക്കുന്ന മാന്ത്രിക ശക്തിയാണ് അദ്ദേഹത്തിന്റെ അഭിനയത്തിന്,

തെന്നിന്ത്യയിൽ നിന്നെത്തിയ താരം മികച്ച കഥാപാത്രങ്ങളിലൂടെ ബോളിവുഡിലും തന്റേതായ സ്ഥാനം നേടിയെടുത്തു കഴിഞ്ഞി. ബി​ഗ്സ്ക്രീനിൽ ജീവൻ നൽകിയ കഥാപാത്രങ്ങലെ പോലെ തന്നെ ഞെട്ടിക്കുന്ന സൗന്ദര്യത്തിന്റെ ഉടമയാണ് താരം. പ്രായം 50 കഴിഞ്ഞിട്ടും യുവ നടന്മാരെ വെല്ലുന്ന സൗന്ദര്യമാണ് അദ്ദേഹത്തിന്. ഈ സൗന്ദര്യം നിലനിർത്തുന്നതിന്റെ രഹസ്യം ആരാധകർ സാമൂഹ്യമാധ്യമങ്ങളിൽകൂടി അന്വേഷിക്കാറുമുണ്ട്. നിരന്തരമായ ആരാധകരുടെ ആവശ്യപ്രകാരം മാധവൻ ആ രഹസ്യം വെളിപ്പെടുത്തുകയാണ്.

തന്റെ സൗന്ദര്യത്തിന്റെ രഹസ്യം എന്തെന്ന് ആരാധകരോട് തുറന്നു പറഞ്ഞിരിക്കുകയാണ് താരം. മാധവന്റെ സൗന്ദര്യത്തെ പുകഴ്ത്തിക്കൊണ്ട് ഒരു ആരാധകനിട്ട ട്വീറ്റിനാണ് താരം വളരെ രസകരമായ മറുപടി നൽകിയത്. ഒരിക്കലും പ്രായമാകില്ല എന്ന് പറഞ്ഞുകൊണ്ടായിരുന്നു ആരാധകൻറെ ട്വീറ്റ്. ‘നല്ല ഡൈയുടെ അത്ഭുതമാണ് എല്ലാം‘ എന്നായിരുന്നു മാധവന്റെ മറുപടി. എന്തായാലും താരത്തിന്റെ പോസ്റ്റ് ആരാധകർ ഏറ്റെടുത്തു കഴിഞ്ഞു. താരത്തിന്റെ കമന്റിന് രസകരമായ മറുപടിയുമായി വീണ്ടുമെത്തി സാമൂഹ്യമാധ്യമങ്ങൾ. 63കാരനായ അനിൽ കപൂറുമായി ഒന്നിച്ച് ആന്റി ഏജിങ് ഉൽപ്പന്നങ്ങളുടെ ബ്രാൻഡ് അമ്പാസിഡർ ആകണമെന്നാണ് ചിലരുടെ ഉപദേശം.